Morgunblaðið - 21.03.2003, Blaðsíða 64

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 21. MARS 2003 VERÐ Í LAUSASÖLU 190 KR. MEÐ VSK.
VARÐSKIPIÐ Ægir tók olíu og
kost í Færeyjum nýlega og sparaði
Landhelgisgæslunni fyrir vikið um
1,6 milljónir króna, miðað við hvað
sömu aðföng kosta hér á landi. Um
leið var ferðin nýtt til eftirlits inn-
an landhelginnar milli Færeyja og
Íslands.
Dagmar Sigurðardóttir, upplýs-
ingafulltrúi Landhelgisgæslunnar,
staðfesti þetta í samtali við Morg-
unblaðið. Hún sagði að olían hefði
ekki eingöngu verið tekin í sparn-
aðarskyni í Færeyjum. Þess væru
dæmi áður að varðskipin tækju ol-
íu í erlendum höfnum ef aðstæður
leyfðu það.
Í þetta sinn var Ægir staddur í
eftirliti langt suðaustur af landinu
og sagði Dagmar að það hefði ver-
ið eðlilegt að taka olíu í Færeyjum
og kost í leiðinni. Gæslan væri í
góðu samstarfi við Færeyinga en
yfirleitt tækju varðskipin olíu hér
á landi.
„Þegar það hentar að taka olíu í
Færeyjum, þá er það gert og er
ekkert launungarmál. Þetta munar
töluverðu fyrir okkur,“ sagði Dag-
mar en lagði áherslu á að hér væri
ekki um skipulagðar aðgerðir að
ræða hjá Gæslunni þó að stofn-
uninni væri gert að spara tölu-
verða fjármuni.
Munaði 12 krónum
á olíulítranum
Samkvæmt upplýsingum blaðs-
ins tók Ægir 130 þúsund lítra af
olíu í Færeyjum fyrir 12 krónum
minna á lítra en það kostar hér á
landi. Lítrinn af skipaolíu kostar
nú almennt um 36 krónur og hefur
hækkað um fimm krónur frá ára-
mótum.
Greiðir Landhelgisgæslan fullan
virðisaukaskatt af olíunni og munu
Ægismenn hafa sleppt því að taka
olíu á Austurlandi í síðustu inni-
veru fyrir Færeyjaferðina.
Landhelgisgæsl-
an sparaði 1,6
milljónir króna
Ægir tók olíu og kost í Færeyjum
ÞÓTT tíska sumarsins ein-
kennist af áhrifum frá pönk-
urum og hermönnum virðist
tískuhernum duttlungafulla
hvorki vera þjóðfélagsandóf
né uppreisn ofarlega í huga.
Gagnstætt ímyndinni eru
pönkara- og hermannaáhrifin
útfærð í mýkt, glamúr og
kvenleika, sem endurspeglast
í munúðarfullum, mjúkum
efnum á borð við silki og satín.
Málmhringir, ólar og önnur
einkenni pönkaranna eru stíl-
færð í sama dúr og fá skornir
og tættir bolir þannig á sig
kvenlegt yfirbragð.
Í bland gætir áhrifa frá
íþróttum, tísku sjötta áratug-
arins, straumum frá austurlöndum fjær með út-
saumuðum drekum, fiðrildum og lótusblómum.
Skærir litir, pínupils og léttir og leikandi kjólar
eiga einnig upp á pallborðið í tískuverslunum um
þessar mundir. Íslenska tískuhernum ætti því ekki
að vera neitt að vanbúnaði að mæta sumri og sól.
Glamúr og glans
yfir pönk- og
herflíkum
 Daglegt líf/B1 og B4
ÁTJÁN tonna bátur, Lukku Láki SH-501,
varð vélarvana og strandaði við innsiglinguna
í smábátahöfnina í Grófinni í Keflavík um sjö-
leytið í gærkvöld en mun betur fór en á horfð-
ist þar sem Sunna Líf KE-7 var skammt frá
og komst fljótt á staðinn og náði Lukku Láka
í tog.
„Lukku Láki var rétt kominn út úr smá-
bátahöfninni þegar drapst á vélinni hjá hon-
um. Bátinn rak strax undan vindinum og þeir
hringdu í mig og við fórum þeim til aðstoðar,“
segir Valur Þór Guðjónsson skipstjóri á
Sunnu Líf, sem stödd var um eina mílu utan
við innsiglinguna í smábátahöfnina. „Það
gekk ekki nógu vel í upphafi að koma toginu á
milli, það var svo mikið sog og ég varð að fara
frá og koma síðan aftur að bátnum og þá
gekk þetta vel.“
Lamdist til í grjótinu
Valur segir Lukku Láka hafa verið kominn
upp í fjöru þegar hann kom að og byrjaðan að
lemjast til í grjótinu. „Báturinn hefði verið
fljótur að fara ef biðin hefði verið lengri, það
var það mikill öldugangur þarna, Við vorum
mjög nálægt og náðum bátnum eiginlega
strax út.“
Valur sagði skipstjórann á Lukku Láka
hafa sett út eina þrjá dreka en ekkert hald
hefði verið í botninum. „Þarna er bara malar-
botn og ekkert hald, menn eru alveg bjarg-
arlausir við þessar aðstæður og ekki tími til
neins.“
Kanna átti skemmdir á Lukku Láka í gær-
kvöld. Báturinn var eitthvað dældaður en lak
þó ekki.
Morgunblaðið/Hilmar Bragi
Sunna Líf sést hér með Lukku Láka í togi eftir að hafa dregið bátinn af strandstað í gærkvöldi.
Lukkan reyndist vera með Láka
Bátnum var bjargað af strandstað við Keflavík á elleftu stundu
ENGINN lá raunverulega í valnum fyrir framan
Stjórnarráðið við Lækjargötu í gær en listanemar voru
þar með nokkurs konar gjörning og lögðust sem dauð-
ir væru í mótmælaskyni við hernað í Írak. Á annað þús-
und manns sótti mótmælafund sem haldinn var á Lækj-
artorgi síðdegis í gær.
Morgunblaðið/Júlíus
Táknræn mótmæli ungmenna
 Mótmælafundur/6
KAUPÞING banki hf. keypti í gær 19,9% eign-
arhluta Kers hf. í Vátryggingafélagi Íslands fyrir
2,8 milljarða króna. Hreiðar Már Sigurðsson, for-
stjóri Kaupþings, segir að þessi kaup séu ekki liður
í væntanlegri sameiningu Kaupþings og VÍS eða
Kaupþings, VÍS og Búnaðarbanka, eins og leitt var
getum að í Morgunkorni Íslandsbanka í gær. „Við
lítum á þetta sem góða fjárfestingu. VÍS er auðvit-
að eitt sterkasta tryggingafélagið og mjög spenn-
andi félag,“ segir hann.
Hreiðar segir óákveðið, hvort Kaupþing eigi
hlutinn í VÍS til frambúðar. Aðspurður segir hann
að hluturinn hafi ekki verið keyptur fyrir hönd
annars fjárfestis.
Kaupþing kaupir
fimmtung í VÍS
 Kaupþing/14
♦ ♦ ♦