Morgunblaðið - 07.11.2004, Page 68

!"#$"
%& %
'
!
7*89

:   
:+
:,
%  %
&
' 
 
 
(
 
 

 
 




 

6
&
:
8
7 *
8
9
VARÐSKIP Landhelgisgæsl-
unnar, Týr, kom með norska
togarann Ingar Iversen í togi inn í
Hafnarfjarðarhöfn á níunda tím-
anum í gærmorgun en skipið varð
vélarvana um 760 sjómílur suð-
vestur af Reykjanesi (um 340 sjó-
mílur suðsuðaustur undan Hvarfi á
Grænlandi) á laugardag.
Að sögn Sigurðar Steinars Ket-
ilssonar, skipherra á Tý, var varð-
skipið statt á Vestfjörðum þegar
kall barst um aðstoð. Togarinn
óskaði eftir aðstoð á laugardag og
var varðskipið komið að skipinu sl.
þriðjudag, eftir um 830 sjómílna
siglingu sem tók um 64 tíma. Sam-
kvæmt upplýsingum frá Landhelg-
isgæslunni er þetta með lengri
björgunarleiðöngrum Gæslunnar.
Höfuðlega brotnaði
Rysjótt veður var á þessum slóð-
um, vestlægar áttir og allt upp
undir 35 hnútar framan af ferðinni
en á bakaleiðinni allt upp undir 50
hnútar sem jafngildir u.þ.b. 25 m/s.
Um er að ræða eitt erfiðasta haf-
svæðið í N-Atlantshafi með tilliti
til veðurs og segir Sigurður Stein-
ar að menn hafi verið „heppnir“
með veður. Mikill vindur var á
köflum en ekki mikill sjógangur.
Ferðin til baka með Ingar í togi
tók 4 sólarhringa.
Sextán eru í áhöfn skipsins og
amaði ekkert að skipverjum. Gera
á við skipið hér á landi en höf-
uðlega í vél þess brotnaði og
skemmdi út frá sér. Ingar er rúm-
lega 2.500 tonna og 65 metra lang-
ur rækjutogari. Skipið hafði nýver-
ið landað í Reykjavík og var á leið á
Flæmingjagrunn. Að sögn Sig-
urðar Steinars er Ingar mjög gott
sjóskip og að því leytinu til hafi
skipverjar verið „betur settir“ en
áhöfnin á Tý að loknum leiðangri.
Varðskip sigldi 830 sjómílur eftir vélarvana togara suður af Grænlandi
Einn lengsti björgunar-
leiðangur Gæslunnar
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 7. NÓVEMBER 2004 VERÐ Í LAUSASÖLU 350 KR. MEÐ VSK.
Heilsukoddar
Heilsunnar vegna
MILLIKAFLINN um rússnesku stúlk-
urnar í hinu þekkta lagi Bítlanna, Back In
the USSR, var svar þeirra við lagi The
Beach Boys, Californian Girls. Bæði lögin
nutu fádæma vinsælda á sjöunda áratugn-
um og gera enn þá eins og fjöldi laga
beggja hljómsveita. The Beach Boys eru
enn að syngja um stúlkurnar frá Kali-
forníu á um 170 tónleikum, sem þeir halda
árlega um allan heim.
Í viðtali Árna Þórarinssonar við for-
sprakka sveitarinnar, Mike Love og Bruce
Johnston, í Tímariti Morgunblaðsins í dag,
rifja þeir upp atvik og atburði frá fjörutíu
ára hljómlistarferli. Hljómsveitin er talin
með þremur sögufrægustu og merkileg-
ustu hljómsveitum í heimi rokks og dæg-
urtónlistar og átti hún marga smelli, sem
orðnir eru sígildir; Good Vibrations, Surf-
in’ USA, God Only Knows, Help Me
Rhonda, Barbara Ann, Kokomo o.fl.
Hljómsveitin mun standa á sviðinu í
Laugardalshöll 21. nóvember nk.
Skin og skúrir
í lífi bað-
strandapilta

Tímarit
The Beach Boys halda um 170 tónleika ár-
lega víða um heim. Þeir spila í Höllinni.
KÖTLUHLAUP eru stærstu vatnsflóð sem
verða á jörðinni nú á tímum, að sögn dr.
Helga Björnssonar, jöklafræðings og rann-
sóknaprófessors við Raunvísindastofnun Há-
skóla Íslands. Er talið að hlaupið sem fylgdi
Kötlugosinu 1918 hafi verið allt að því 300
þúsund rúmmetrar á sekúndu og í öðrum
gosum jafnvel allt að einni milljón rúmmetra
á sekúndu.
Mýrdalsjökull er talsvert minni nú en hann
var þegar Katla gaus 1918. Helgi segir þó
ómögulegt að spá fyrir um stærð jökulhlaups
ef Katla gýs á næstu árum. Þótt jökullinn
hafi hopað ráði einnig miklu um stærð
hlaups hvar gosið brýst upp og hve mikið
það verður.
Á myndinni er Helgi Björnsson við Aust-
mannsbungu á Mýrdalsjökli. Rannsóknir
Helga og fleiri vísindamanna staðfestu að
undir jöklinum er askja, tvöfalt stærri að
flatarmáli en þéttbýli Reykjavíkur./36
Morgunblaðið/RAX
Kötluhlaup eru mestu vatnsflóð á jörðinni
ELLEFU félagar úr danska mót-
orhjólaklúbbnum Hogriders sem
stöðvaðir voru í Leifsstöð á föstu-
dag voru sendir heim í gærmorg-
un. Einn klúbbfélagi fékk að fara
inn í landið en sá er Íslendingur.
Ekki má vísa íslenskum ríkisborg-
ara frá landinu samkvæmt upplýs-
ingum sýslufulltrúa.
Lögreglan á Keflavíkurflugvelli
verður á varðbergi næstu daga
gegn frekari heimsóknum mótor-
hjólaklúbba til landsins.
Íslenski klúbbfélaginn sagði við
Morgunblaðið á föstudag að þeir
félagar væru komnir hingað í frið-
samlegum tilgangi og til að
skemmta sér en sýslumaðurinn á
Keflavíkurflugvelli sagði hópinn
hafa komið til landsins til að vígja
íslenska mótorhjólaklúbbinn Hroll
inn í samtökin.
Talsmaður Hrolls á Íslandi segir
það misskilning að Hogrider hafi
komið í þessum tilgangi. Meira
þurfi til en þetta til að fá innvígslu.
Á hinn bóginn sé Hrollur áhang-
endaklúbbur Hogriders.
Á heimasíðu Hogriders segir að í
október 2003 hafi verið samþykkt
að taka Hroll inn sem áhangenda-
klúbb Hogriders. Hrollur er til
húsa á Reykjavíkurvegi í Hafnar-
firði og er með heimasíðu eins og
margir aðrir mótorhjólaklúbbar
innlendir sem erlendir. Ekki er
getið um fjölda félaga á síðunni en
á heimasíðu Sniglanna segir að
fimm félagar séu í Hrolli sem
stofnaður hafi verið 2001.
Starfar víða á Norðurlöndum
Hogriders starfar í Noregi og
Svíþjóð auk Danmerkur og er í
þarlendum samtökum mótorhjóla-
klúbba (Dansk bikerfond) ásamt
Vítisenglum, Banditos og fleiri
klúbbum. Má þetta finna á Netinu.
Hogriders er með bækistöðvar á
fjórum stöðum í Danmörku og
þremur í Noregi og Svíþjóð.
Á Íslandi eru um 20 mótorhjóla-
klúbbar og eru Sniglarnir sá lang-
fjölmennasti með 1.560 félaga.
Næstir eru Vélhjólaíþróttaklúbb-
urinn með 200 félaga og Ernir Bif-
hjólaklúbbur Suðurnesja með 167
félaga samkvæmt upptalningu á
heimasíðu Sniglanna.
Miklar umræður spunnust um
komu Hogriders og aðgerðir lög-
reglu á spjallþráðum Netsins í gær
og sýndist sitt hverjum. Ýmist
töldu menn aðgerðirnar út í hött
þar sem Hogriders væri fráleitt
vafasamur félagsskapur hvað þá
Hrollur en aðrir guldu varhug við
heimsóknum erlendra klúbba.
Félagar úr dönskum mótorhjólaklúbbi voru sendir heim í gær
Lögregla áfram á varðbergi
HEILDARKVÓTI Grímseyinga hefur tvö-
faldast milli fiskveiðiára en skýringuna er
fyrst og fremst að finna í kvótasetningu
dagbáta. Þá hafa útgerðarmenn í Grímsey
fjárfest umtalsvert í kvóta og skipakosti
undanfarin ár.
Grímseyingar hafa nú yfir að ráða 2.289
þorskígildistonnum, eða 0,66% af heildar-
kvóta landsmanna. Í tonnum talið hefur
kvóti Grímseyinga aukist um nærri 26%
milli ára en hlutdeild í heildarafla hefur
aukist um helming. Tuttugu og níu bátar
eru skráðir með heimahöfn í Grímsey og
hver bátur því með 79 tonna kvóta að með-
altali. Samkvæmt tölum Hagstofu Íslands
eru Grímseyingar 93 talsins og ræður hver
eyjarskeggi að meðaltali yfir 25 tonna
kvóta./6
Heildarfiskveiðikvóti
Grímseyinga vex hratt
25 tonn á
hvern íbúa
LÖGREGLAN í Reykjavík handtók
mann fyrir ölvun við akstur í miðborg
Reykjavíkur á áttunda tímanum í gær-
morgun en hann hafði ekið á fjóra
kyrrstæða bíla áður en hann náðist
„þversum á Frakkastígnum“, sam-
kvæmt upplýsingum lögreglu.
Við nánari eftirgrennslan kom í ljós
að maðurinn hafði stolið bílnum sem
hann var á. Var hann látinn gista
fangageymslur lögreglunnar, grunað-
ur um ölvunarakstur.
Ölvaður mað-
ur skemmdi
fjóra bíla
♦♦♦