Morgunblaðið - 03.12.2004, Page 31
MORGUNBLAÐIÐ FÖSTUDAGUR 3. DESEMBER 2004 31
DAGLEGT LÍF
Trönuhrauni 6, 220 Hafnarfjörður • Sími: 565 1533
www.polafsson.is • polafsson@polafsson.is
púlsmælar fyrir alla þjálfun
Strandgata 32 • S. 555 2615
opið Laugardag 10 - 16 &
Sunnudag 13 - 17
JÓLATILBOÐ
Tilboð 1: kr. 20.000,-
Göngu-, tölvu-, sjónvarps-
eða lesgleraugu.
Fjölskipt gleraugu, þ.e.
fjær- + lesgleraugu.
Tilboð 2: kr. 40.000,-
STOLLEN er ómissandi hluti af aðvent-
unni og jólunum hjá Þjóðverjum og hef-
ur þessi sérstaka jólakaka þeirra til-
heyrt jólahefðinni allt frá því seint á 15.
öld.
Katharina Ruppel frá Hannover bregð-
ur ekki út af vananum þótt hún búi nú í
Galtarnesi í Húnaþingi vestra. Hún
dreif sig í Stollenbaksturinn um síðustu
helgi.
Christstollen er þýsk jólakaka en
Katharina segir að hún sé eiginlega mitt
á milli þess að vera brauð og kaka. Uppruna hennar má rekja til
Dresden í Saxlandi og nafnið dregur hún af því að lögunin og hvíti
liturinn er sagður minna á Jesúbarnið í bleiu. Allt frá því árið 1500
til 1918 voru bakarar í Dresden skyldaðir til að greiða konungi skatt
sem þeir gerðu með því að baka tvær Stollen á annan í jólum sem
voru einn og hálfur metri að lengd og vógu 18 kíló hvor. Nú baka
flestir Stollen strax í byrjun aðventu og jafnvel fyrr og segir Kat-
harina hana ómissandi á aðventunni og á jólunum.
Margir baka Stollen sjálfir en í Þýskalandi eru öll bakarí með
Stollen á boðstólum. Þó uppskriftin sé næstum eins og í upphafi er
þó alltaf einhver breytileiki eftir smekk. Í Stollen er oftast notað
hveiti, smjör, ger, sykur, rúsínur, möndlur, súkkat og mikið af flór-
sykri. „Mín uppskrift er örlítið frábrugðin og kannski aðeins léttari, “
segir Katharina. „Ég nota til dæmis heilhveiti og sleppi súkkati og
nota þurrkaða ávexti í staðinn. Ég baka bæði úr gerdeigi og einnig úr
lyftidufti og skyri sem mér finnst mjög gott.
Í Þýskalandi er notað kvarg, sem er svipað og skyr, en ekki eins.
Stollenuppskrift
Katharinu
500 g heilhveiti,
4 tsk. lyftiduft,
100 g sykur,
3 tsk.vanillusykur,
2 egg,
175 g smjör,
250 g skyr,
200 g malaðar möndlur,
300 g rúsínur,
200 g þurrkaðir ávextir (ferskjur, apríkósur, epli)
hnifsoddur af kardamommum, negul,
engifer og múskat, (nota má aðeins meira af
kryddinu eftir smekk)
smjör
flórsykur
Ofninn er hitaður í 240°C. Heilhveiti, lyftidufti,
sykri, eggi, smjöri, skyri og kryddi er blandað
saman og hnoðað vel. Síðan er möndlum, rúsínum
og ávöxtum bætt í og hnoðað saman við.
Deigið er mótað og sett á plötu og bakað í 50 –
70 mínútur við 175°C. Þegar Stollen er bakað er
það tekið út úr ofninum og penslað strax með
bræddu smjöri. Síðan er flórsykurinn sigtaður yfir
þar til kakan er öll orðin hvít. Hún er síðan látin
kólna og gott er að geyma hana í álpappír á köld-
um stað í 10 – 14 daga.
En svo er líka í góðu lagi að smakka strax!
JÓLABAKSTUR
Mín uppskrift er svolítið léttari. Katharina Ruppel við Stollenbakstur.
Morgunblaðið/Karl Sigurgeirsson
asdish@mbl.is
Stollen er
ómissandi á
aðventunni
Nafnið Christstollen er
dregið af því að kakan
þótti minna á Jesúbarnið
í bleiu.