Morgunblaðið - 03.12.2004, Side 59

MORGUNBLAÐIÐ FÖSTUDAGUR 3. DESEMBER 2004 59
FJÓRAR sjálfsmyndir sem Robbie
Williams „málaði“ á silkiþrykk árið
2000 seldust á uppboði í vikunni
fyrir litlar 285 þúsund krónur.
Robbie er mikill aðdáandi Andy
Warhols eins og myndirnar gefa
glöggt til kynna og hefur hann
safnað verkum hins margfræga
popplistamanns síðan 1999. Verkin
fjögur voru afhjúpuð í Tate lista-
safninu í Liverpool árið 2001.
Sjálfsmyndir
Robbies
ÞESSI nýjasta plata ... leyfist mér
að kalla ... meistara Tom Waits hef-
ur verið að fá misjafna dóma. Mér er
fyrirmunað að
skilja af hverju
því þetta hæglega
besta plata Waits
síðan Bone Mach-
ine (1992). Mule
Variations og
Alice/Blood Mon-
ey voru dálítið „eftir bókinni“ á
margan hátt, nokkuð fyrirsjáanlegar
plötur. Slíkt fer Waits ekki vel. Á
Real Gone er eins og Waits sé hins
vegar knúinn áfram sem aldrei fyrr
af þörfinni til að leita og skapa eitt-
hvað nýtt. Yfir plötunni er hressandi
súrrealískur bragur (les: súrreal-
ískari en áður), líkt og hér fari tón-
list við ógerða Twin Peaks þætti. Til-
raunastarfsemin (einkanlega með
tilliti til hljóms) er rík en yfirgnæfir
þó aldrei lagasmíðarnar. Waits hef-
ur einstaka sýn á hvernig standa
skal að málum í popp/rokklandi og
er Real Gone glögg birtingarmynd
þess.
TÓNLIST
Erlendar plötur
Tom Waits - Real Gone

Arnar Eggert Thoroddsen
Annars staðar
♦♦♦
BANDARÍSKI leikarinn Tom
Hanks hefur í mörg horn að líta um
þessar mundir. Hann var meðfram-
leiðandi og „lék“ og talaði fyrir öll
helstu hlutverkin í tölvuteiknimynd-
inni Norðurpólshraðlestinni, sem
frumsýnd er hér á landi um helgina.
Næst birtist hann svo í litlu hlut-
verki Elvis-eftirhermu í gam-
anmyndinni Elvis Has Left The
Building eftir Joel Zwick, hinn sama
og gerði My Big Fat Greek Wedd-
ing. Þar er Kim Basinger í hlutverki
konu sem fæddist á Elvis-tónleikum
og finnst hún því vera bundin rokk-
kóngnum sérstökum böndum.
Ný nýverið félst Hanks loksins á
að taka að sér hlutverk dulmáls-
sérfræðingsins og háskólaprófess-
orsins Robert Langdons í kvik-
myndagerð á hinni geysivinsælu
skáldsögu Dans Browns Da Vinci-
lyklinum. Vinur Hanks, Ron How-
ard, gerir myndina. Gert er ráð fyrir
að myndin verði tilbúin til sýningar
vorið 2006.
Hanks hefur tekið að sér tvö önn-
ur aðalhlutverk; sem leyni-
lögreglumaður sem ákveður að taka
upp 27 ára gamla rannsókn á morði
á vini sínum í myndinni A Cold Case
eftir Mark Romanok (One Hour
Photo) og sem fjárhættuspilari og
svindlari sem neyðist til að taka að
sér son sinn þegar barnsmóðirin fær
taugaáfall í The Risk Pool eftir
Lawrence Kasdan (Body Heat, Big
Chill).
Kvikmyndir | Tom Hanks hefur í mörg horn að líta
Lestarvörður, Langdon og leynilögga
Tom Hanks – eða tölvumyndin af honum – í hlutverki lestarvarðarins í jóla-
myndinni Norðurpólshraðlestinni sem frumsýnd er hér á landi um helgina.