Fréttablaðið - 25.04.2004, Blaðsíða 34
SUNNUDAGUR 25. apríl 2004
Umræða í Bretlandi:
Sundskýla
Vilhjálms prins
Flestir fataframleiðendureiga sér þann draum heitast-
an að einhver fræg persóna birt-
ist einn daginn frammi fyrir
heimsbyggðinni í fötum frá
þeim. Þannig mætti ætla að
s u n d s k ý l u f r a m l e i ð a n d i n n
Speedo hefði verið himinlifandi
yfir þeirri staðreynd að þegar
myndir birtust af einu eftirsótt-
asta mannsefni samtímans, Vil-
hjálmi prins, í sundpólókeppni á
dögunum þá var prinsinn bros-
andi út að eyrum í sundskýlu frá
Speedo.
Breska blaðið Guardian
greindi hins vegar frá því í lið-
inni viku að breskar tískulöggur
séu almennt sammála um það að
sundskýlan hans Vilhjálms hafi
verið það hallærisleg að ekki
séu líkur á að fjölmiðlaviðburð-
urinn hafi verið Speedo til fram-
dráttar. Vilhjálmur var nefni-
lega í gamaldags Speedo, þröng-
um og stuttum, með röndum á
hliðunum, en svoleiðis tegundir
af Speedo sundskýlum hafa
einkum verið notaðar af gaman-
leikurum eins og Ben Stiller og
fleirum undanfarið, í myndum
eins og Meet the Parents en þar
klæddist Stiller slíkri skýlu í
frægu sundatriði.
„Ég held að þessar myndir af
Vilhjálmi muni einungis auka
fordóma margra karlmanna
gagnvart Speedo,“ sagði Dylan
Jones, ritstjóri GQ í samtali við
Guardian. „Margir eru haldnir
grunsemdum um að Speedo sé
ekki málið í dag. Svona buxur
eins og Vilhjálmur var í eru
mjög gamaldags og þær lykta
mjög af 1970 – stundum bókstaf-
lega.“ Að mati Jones geta ítalsk-
ir og brasílískir karlmenn eink-
um komist upp með að klæðast
þessari tegund af Speedo sund-
skýlum en ekki aðrir. ■
VILHJÁLMUR Í SKÝLUNNI
Tískulöggur eru ekki sammála um hvort
gamaldags Speedo-skýlur séu málið í dag.