Fréttablaðið - 25.04.2004, Blaðsíða 35

28 25. apríl 2004 SUNNUDAGUR
RISAR BERJAST
Shaquille O’Neal, leikmaður LA Lakers
treður hér yfir Kínverjann risavaxna, Yao
Ming hjá Houston Rockets, í þriðja leik lið-
anna í úrslitakeppni NBA-deildarinnar.
Þessi karfa hjá Shaq dugði ekki til því
Rockets fór með sigur af hólmi í leiknum.
Körfubolti
KR steinlá í Færeyjum
Íslandsmeistarar KR fóru sneypuför til Færeyja þar sem þeir steinlágu gegn færeysku meistur-
unum HB í leik um Atlantic-bikarinn. Þetta er í fyrsta sinn sem bikarinn endar í Færeyjum.
KNATTSPYRNA Það var engin frægð-
arför hjá Íslandsmeisturum KR
til Færeyja er þeir reyndu að
verja Atlantic-bikarinn sem þeir
unnu í fyrra er þeir lögðu HB á
KR-vellinum. Færeysku meistar-
arnir í HB náðu fram hefndum á
heimavelli í gær og unnu stórsig-
ur, 3-1.
Fyrsta markið gerði Martin
Christiansen á 13. mínútu. Þá var
komið að Hendrik Rubeksen en
hann kom HB í 2-0 með marki úr
vítaspyrnu tíu mínútum eftir
mark Christiansens. Rubeksen
var aftur á ferðinni fimm mínút-
um fyrir leikslok og færeysku
meistararnir því í verulega góð-
um málum í hálfleik.
Eins og gefur að skilja var KR-
liðið afleitt í fyrri hálfleiknum.
Þeir voru skömminni skárri í
þeim seinni og sérstaklega var
seinni hluti síðari hálfleiks ágæt-
ur hjá þeim. Það skilaði marki rétt
fyrir leikslok og það var Henning
Jónasson sem skoraði markið. 3-1
lokatölur og bikarinn því kominn
til Færeyja í fyrsta skipti.
„Þetta var alls ekki nógu gott
og fyrri hálfleikur var verulega
slakur af okkar hálfu,“ sagði Will-
um Þór Þórsson, þjálfari KR, í
samtali við Fréttablaðið eftir leik-
inn. „Við vorum klaufar í fyrri
hálfleiknum og færðum þeim
mörk á silfurfati en slíkt kann
aldrei góðri lukku að stýra.“
Willum segir að það hafi allt
annað verið upp á teningnum í
síðari hálfleik. „Við fórum að
spila fínan fótbolta í seinni hálf-
leik. Sköpuðum okkur fullt af
færum og hefðum alveg getað
jafnað leikinn þess vegna en það
datt ekki fyrir okkur því miður.
Það má í raun segja að seinni
hálfleikur hafi verið eins góður
og fyrri hálfleikur var lélegur,“
sagði Willum en hann fór út með
frekar þunnskipaðan hóp. Svo
þunnskipaðan að hann varð að
setja sjálfan sig á leikskýrslu.
„Þrátt fyrir allt var ánægju-
legt að geta gefið ungum leik-
mönnum tækifæri í svona stór-
um leik. Þeir stóðu sig mjög vel
og strákarnir úr öðrum flokki
sem komu inn af bekknum í síð-
ari hálfleik minntu hressilega á
sig.“
Byrjunarlið KR var skipað
eftirfarandi leikmönnum: Krist-
ján Finnbogason var í markinu
en Hjörvar Hafliðason lék síð-
asta hálftímann. Bakverðir voru
Sverrir Bergsteinsson og Henn-
ing Jónasson. Miðverðir voru
Kristján Sigurðsson og Gunnar
Einarsson. Gunnar Kristjánsson
og Jökull Elísabetarson voru á
köntunum. Ágúst Gylfason og
Kristinn Hafliðason á miðjunni
og Arnar Jón Sigurgeirsson og
Bjarki Gunnlaugsson voru í
fremstu víglínu. ■
Senegalinn El-HadjiDiouf hefur fengið
tíu gul spjöld og eitt
rautt spjald á þessari
leiktíð. Það gera 13 refsistig og
fyrir vikið er hann efstur á lista
yfir grófustu leikmennina í ensku
úrvalsdeildinni.
Þessi strákur var keyptur á 10
milljónir punda frá Lens eftir að
hann sló í gegn á HM 2002 í Asíu.
Hann hefur engan veginn staðið
undir væntingum á Anfield og verð-
ur án nokkurs vafa seldur frá félag-
inu í sumar en vart fyrir nema
helminginn af því sem Liverpool
greiddi fyrir hann á sínum tíma.
Diouf hefur leikið 33 leiki fyrir
Liverpool á þessari leiktíð en hef-
ur ekki enn tekist að skora. Alls
hefur hann leikið 80 leiki fyrir fé-
lagið en í þessum 80 leikjum hef-
ur hann aðeins skorað 6 mörk. ■
■ Tala dagsins
13
Michael Owen:
Orðaður við Barcelona
KNATTSPYRNA Spænsku risarnir
Barcelona og Real Madrid eru þeg-
ar farnir að huga að leikmannamál-
um fyrir næsta tímabil. Í gær var
Michael Owen, framherji Liverpool,
orðaður við félagið en hann er tal-
inn vilja söðla um takist Liverpool
ekki að tryggja sér sæti í meistara-
deild Evrópu á næstu leiktíð.
„Okkur vantar hraðan fram-
herja sem er einnig teknískur og
veit hvernig á að skora. Er ég að
tala um Owen? Hvað haldið þið?“
sagði Frank Rijkaard, þjálfari
Barcelona, við blaðamenn í gær.
Rikjaard fær 50 milljónir punda
til að eyða í leikmenn í sumar og
hann er að sögn talinn viljugur til
að eyða helmingnum í Owen. ■
DFDFDF
safdasdfsadf
NÚMER EITT
Jenson Button fagnaði árangrinum vel í gær.
Formúla 1:
Button á
ráspól
FORMÚLA 1 Hinn ungi og bráðefni-
legi ökumaður, Jenson Button,
mun verða á ráspól í fyrsta skipti
á ferlinum í dag er keppt verður í
San Marínó. Með árangri sínum í
tímatökunni í gær varð hann
fyrsti ökumaðurinn á tímabilinu
sem slær Michael Schumacher
við en hann mun ræsa í öðru sæti.
„Bíllinn hefur verið mjög öfl-
ugur alla helgina og ég tel að við
séum að gera góða hluti,“ sagði
Button eftir tímatökuna en hann
keyrir fyrir BAR-liðið. „Það er
vægast sagt ótrúleg tilfinning að
hafa náð þessum árangri á heima-
velli Ferrari. Nú verð ég að fylgja
þessu eftir.“
Kólumbíumaðurinn Juan Pablo
Montoya náði þriðja besta tíman-
um. Barrichello er fjórði og Ralf
Schumacher fimmti. Ekkert gekk
sem fyrr hjá Skotanum David
Coulthard en hann náði aðeins ell-
efta besta tímanum í gær. ■
BEÐIÐ FYRIR GOÐINU
Aðdáendur Maradona hafa slegið upp
tjaldbúðum fyrir utan spítalann þar sem
hann dvelur. Þar er beðið fyrir goðinu all-
an sólarhringinn.
Diego Maradona:
Kominn úr
öndunarvél
KNATTSPYRNA Argentínska goðið
Diego Armando Maradona var í
gær tekinn úr öndunarvélum og er
því augljóslega allur að braggast.
„Þetta er allt að koma hjá honum.
Hann getur farið að anda sjálfur og
blóðþrýstingur og annað er allur
annar,“ sagði meðal annars í yfirlýs-
ingu frá spítalanum þar sem Mara-
dona liggur.
Maradona fær þó ekki að yfir-
gefa spítalann á næstu dögum enda
var ástand hans mjög alvarlegt.
Talið er að hann muni þurfa nýtt
hjarta.
Aðdáendur Maradona hafa ekki
látið deigan síga frá því að hann var
lagður inn á spítalann heldur hafa
þeir tjaldað fyrir utan spítalann þar
sem þeir kalla stuðningsorð til goðs-
ins og fara saman með bænir. ■
HANDBOLTI Kvennalið ÍBV í hand-
knattleik er úr leik í Áskorenda-
keppni Evrópu eftir ellefu marka
tap, 25-36, fyrir þýska liðinu
Nurnberg í Vestmannaeyjum í
gær. Þær töpuðu fyrri leiknum
með sextán marka mun og því
rimmunni samtals með 27 marka
mun.
Það verður bara að segjast
alveg eins og er að úrslitin eru
sanngjörn og hið gríðarsterka lið
ÍBV mætti loks ofjarli sínum.
Stelpurnar mættu vel stemmdar
til leiksins í gær og náðu fljótlega
smá forystu. Þá stigu leikmenn
Nurnberg á bensínið og náðu
fimm marka forystu á aðeins
nokkrum mínútum. Þá var endan-
lega ljóst að draumur Eyjastúlkna
var á enda.
Þýsku stúlkurnar héldu áfram
að bæta við forskotið og unnu eins
og áður segir með ellefu marka
mun. Þær eru því komnar í úrslit
þar sem þær verða að teljast lík-
legar til afreka. Hjá Nurnberg átti
Kathrin Blancha stórleik en hún
gerði ellefu mörk í leiknum.
Árangur ÍBV er þrátt fyrir
þessa útreið stórkostlegur því það
er afrek út af fyrir sig að komast
í undanúrslit í Evrópukeppni.
Ekkert íslenskt kvennalið hefur
áður náð álíka árangri og mun ef-
laust seint gera. Það er ekki nema
ÍBV haldi sínum mannskap og
bæti aðeins við sig.
Þær stöllur Alla Gorkorian og
Anna Yakova voru ágætar í leikn-
um í gær og skoruðu sex mörk en
aðrir leikmenn liðsins áttu veru-
lega undir högg að sækja allan
leikinn. ■
BARÁTTA
Það var hart barist í Færeyjum í gær.
Kjartan Henry Finnbogason sést hér í
baráttu við einn leikmanna HB í leik lið-
anna á KR-vellinum í fyrra.
MARKAHÆSTAR
Þær Alla Gorkorian og Anna Yakova voru markahæstar hjá ÍBV í gær.
Áskorendakeppni Evrópu:
Búið spil hjá ÍBV