Fréttablaðið - 16.08.2005, Blaðsíða 30
16. ágúst 2005 ÞRIÐJUDAGUR 12
Allt um nám
á miðvikudögum í Fréttablaðinu.
Allt sem þú þarft
og meira til
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
P
R
E
28
04
9
0
4/
20
05
Ásgeir Eiríksson framkvæmdastjóri Strætó.
Tekur vagninn í vinnuna
Í hverju felst starfið?
Ég sinni hefðbundnu hlutverki sem framkvæmdastjórar hafa í fyrirtækjum.
Starfið er sem sagt allvíðtækt. Hér vinna nærri þrjú hundruð manns og við
veitum mörg þúsund manns þjónustu á degi hverjum þannig að það er eitt
og annað sem fylgir þessu – mikil samskipti til dæmis. Fyrirferðamesta verk-
efnið þessa dagana og vikurnar er upptaka nýja leiðakerfisins. Það tekur auð-
vitað langmestan tíma minn og ég er nánast alfarið að vinna að þeim verk-
efnum sem snúa að þessum stóru og miklu breytingum.
Hvenær vaknarðu á morgnana og hvað gerir þú?
Ég er nú svona morgunhani og fer í leikfimi þrisvar í viku klukkan tuttugu
mínútur yfir sex. Reyndar er ég í sumarfríi í leikfiminni núna svo það er ekki
mikið um það. Síðan tek ég strætó í vinnuna og geri mér far um gera það og
svo fer ég allra ferða vinnunnar vegna í strætó. Í morgun tók ég strætóinn ná-
kvæmlega klukkan tvær mínútur yfir sjö og spjallaði við strætóbílstjórann all-
an tímann. Það má auðvitað varla segja frá því þar sem auðvitað má ekki
vera að trufla vagnstjórann. Þeir nota tækifærið og ég líka til þess að spjalla
og heyra í mönnum.
Hversu lengi vinnur þú?
Það lítur ekki alveg nógu vel út. Þetta eru langir daga núna en ég reyni að
fara ekki heim seinna en sjö en oftar en ekki vinn ég heima á kvöldin. Það er
náttúrlega ekki alltaf þannig, þetta er óvenjulegt ástand núna. Í gær var ég
meira að segja kominn heim rétt um sex leytið sem er óvenjulega snemmt,
en þá tók ég líka tölvuna með og vann einhverja þrjá tíma heima.
Hvað er skemmtilegast við starfið?
Þetta er að mörgu leyti mjög gefandi starf. Það spannar vítt svið og ég er að
takast á við mjög fjölbreytileg verkefni. Það sem gerir starfið skemmtilegt er
að ég nýt þeirra forréttinda að sjá stór verkefni komast í framkvæmd sem
maður hefur umsjón með og það er auðvitað gaman að sjá hlutina gerast. Ég
er líka heppinn með samstarfsfólk og hef átt mjög góðar stundir með því sem
gefur starfinu auðvitað líka gildi. Síðan er þetta mjög ögrandi verkefni, sér-
staklega núna, það eru ekki allir á eitt sáttir um hvernig þessi leiðakerfisbreyt-
ing er að virka og mér finnst í raun og veru ögrandi og áhugavert að svara
fyrir gagnrýni því ég er sjálfur svo sannfærður um að þessi breyting sem við
fórum út í sé öllum meira og minna fyrir góðs.
En erfiðast?
Erfiðast er náttúrlega álagið sem er nú um stundir og það er auðvitað erfitt til
langs tíma þegar álag er stöðugt og viðvarandi og mikið. Ég viðurkenni það
alveg að þetta er erfitt. Mér finnst kannski erfiðast þegar mér tekst ekki að fá
viðmælendur mína að taka rökum. Mér finnst slæmt ef ég upplifi að vera út-
skýra eitthvað og færa fram rök í málinu þá er vísvitandi farið rangt með og
þvert ofan í það sem maður er að segja. Það er erfitt eða að minnsta kosti
mjög lýjandi.
Hvað gerirðu eftir vinnu?
Ég reyni sem betur fer að eiga einhvern tíma fyrir mig. Mér finnst gaman að
fara í golf og reyni að gera það eins mikið og ég get. Þetta er dálítið árstíða-
skipt hjá mér því á veturna syng ég í kór en á sumrin höfum ég og konan
mín gaman af því að ferðast og förum í gönguferðir. Svo finnst mér gaman að
hjóla og keypti mér aftanívagn fyrir afastrákinn svo við getum hjólað saman
þegar ég fæ hann í heimsókn.
Gætir þú hugsað þér eitthvert annað starf?
Nei, ég get ekki ímyndað mér að það sé nokkurt annað starf jafn spennandi
til í heilli veröld en þetta sem ég er í núna.
HVUNNDAGURINN Vissir þú ...
...að drápshvalir drepa fiska með
því að slá þá með sporðinum?
...að simpansar búa í hópum sem
hver um sig hefur skapað sér
ákveðin sérkenni?
...að hrafnar geta lært að opna
skrín til þess að ná sér í verðlaun
og geta líka kennt öðrum hröfnum
að gera slíkt hið sama?
...að hjarta rækjunnar er í höfðinu
á henni?
...að kakkalakkar rata um dimm
herbergi með því að draga fálmara
eftir veggnum?
...að köngulær éta aðrar köngulær?
...að ekkert bergmál kemur þegar
endur kvaka og enginn veit af
hverju?
...að kakkalakki getur lifað í margar
vikur höfuðlaus og deyr bara ef
hann fær ekki nógu mikið æti?
...að kýr framleiða meiri mjólk
þegar þær hlusta á tónlist?
...að moskítóflugur dragast að fólki
sem er nýbúið að borða banana?
...að hjartað í steypireið slær ein-
ungis níu sinnum á mínútu?
...að kýr framleiða tvö hundruð
sinnum meira gas en menn á dag?
...að þvag úr dádýrum er stundum
blátt á veturna þegar þau hafa
ekki nóg að drekka?
...að augasteinar í geitum eru fer-
kantaðir í laginu?
...að enginn má eiga svan í
Englandi nema drottningin því hún
á þá alla?
...að gíraffar eru ekki með radd-
bönd?