Tíminn - 14.02.1989, Blaðsíða 4

4 Tíminn
Þriðjudagur 14. febrúar 1989
Útflutningur jan./nóv. ekkert meiri áriö 1988 heldur en 1987:
Innflutningur minnkaði
verulega frá miðju ári
Sú aðhaldssemi almennings, sem kollvarpaði afkomu
ríkissjóðs á síðasta ári (sbr. greinargerð fjármálaráðuneyt-
is) kemur glöggt í Ijós í innflutningsskýrslum Hagstofunnar.
Almennur innflutningur annar en olía, óx fram á mitt ár
um 8,3% miðað við sama tíma árið 1987, og reiknað á sama
gengi. Um mitt ár snýst dæmið við. Frá júlí til nóvember
minnkar þessi innflutningur um 9,5% - eða sem nemur
2.545 milljónum króna á þessum fimm mánuðum miðað
við sama tímabil 1987.
Almennur innflutningur í hverj-
um mánuði, í milljónum króna, og
hlutfallsleg breyting frá sama mán-
uði árið áður, reiknað á sama gengi
bæði árin, má sjá á meðfylgjandi
töflu:
janúar.......... 2.718 -10,2%
febrúar4.430 33,3%
mars . . 5.062 13,6%
apríl . . 3.646 -7,7%
maí . . 5.567 8,0%
júní . . 5.531 -1,0%
júlí . . 5.134 -9,4%
ágúst . . 4.670 7,5%
september . . . . 4.551 -11,6%
október . . . . . . 4.615 -19,7%
nóvember . . . . 5.228 -9,4%
Samtals: 51.148 -1,7%
Innfl. alls cif. 60.915 -0,3%
Árið 1987 óx innflutningur stór-
lega eftir því sem leið á árið og var
jafnaðarlega rúmlega milljarði
meiri á mánuði síðari hluta ársins
heldur en þann fyrri, þrátt fyrir
nær óbreytt gengi það ár. Þessu var
öfugt farið á síðasta ári, þar sem
almennur innflutningur minnkaði
heldur en hitt eftir því sem leið á
árið, þrátt fyrir. hverja gengisfell-
inguna á eftir annarri, sem olli
samsvarandi hækkun á innflutn-
ingsverði. Að magni til hefur inn-
flutningur því minnkað verulega.
Cif verð alls innflutnings var
tæplega 61 milljarður króna, en
fob verðmæti tæplega 55 milljarð-
ar. Benda má á að skipainnflutn-
ingur nær tvöfaldaðist hins vegar á
milli ára, var kominn í um 3,1
milljarð í nóvemberlok.
Verðmæti alls útflutnings var í
nóvemberlok komið í rúmlega 55
milljarða króna, sem var nær engin
aukning frá árinu á undan, reiknað
á sama gengi bæði árin. Þrátt fyrir
það var vöruskiptajöfnuðurinn
fob/fob þó jákvæður um 77 milljón-
ir króna, miðað við 246 millj.
króna halla á sama tíma árið áður.
Væntanlega mun þó aftur hafa
sigið á ógæfuhliðina í desember -
mesta innflutningsmánuði hvers
árs. En innflutningsskýrslur hafa
enn ekki borist fyrir desembermán-
uð. -HEI
Vændishringurinn:
Málið sent
til rikis-
saksóknara
Ríflega fimmtugum manni, grun-
uðum um vændi, var sleppt úr gæslu-
varðhaldi á föstudag.
Jón H. Snorrason deildarstjóri
hjá Rannsóknarlögreglu ríkisins
sagði í samtali við Tímann í gær að
gögn ntálsins yrðu send ríkissak-
sóknara innan tíðar og það væri hans
að taka ákvörðun um ákæru eða
hvort farið yrði fram á frekari rann-
sókn málsins.
Jón vildi ekki svara því hvort hinn
grunaði hefði játað brot á 206. grein
almennra hegningalaga, er kveður á
um að þriðja aðila sé óheimilt að
stuðla að eða hagnast af vændi eða
lauslæti annarra.
Hinsvegar liggur það í hlutarins
eðli að rannsóknarlögregla telur sig
hafa náð utan um málið, þar sem
það er sent ríkissaksóknara til
ákvörðunar. -ES
Dregið út nafn í samkeppni um nafnið Vátryggingafélag íslands. F.v. Ingi
R. Helgason, María Jónsdóttir og Axel Gíslason.
Vinningshafi
Vátrygginga
Nýlega var dregið út nafn vinn-
ingshafa í samkeppni um nafn á hið
nýja hlutafélag Brunabótafélags Is-.
lands og Samvinnutrygginga g.t..
Alls bárust 79 tillögur að nafninu
Vátryggingafélag Islands hf.. Vinn-
ingshafinn er Gunnar Gunnarsson
búsettur að Sunnuflöt 3 í Garðabæ.
Hann hlýtur 200 þúsund krónur í
verðlaun. jkb
JL húsið við Hringbraut.
Tímamynd Pjetur.
Stúdentaráð hugleiðir að koma upp stúdentagarði fyrir einhleypinga vestur í
bæ og víðar. Skipulagsyfirvöld borgarinnar velviljuð því að JL húsið verði:
Stúdentagarður
við Hringbraut
Á fundi borgarráðs á þriðjudaginn
var kom fram að ráðagerðir eru uppi
um að breyta tveim hæðum í húsi
Jóns Loftssonar við Hringbraut í
leiguherbergi og litlar íbúðir, eink-
um ætlaðar stúdentum og námsfólki.
Hugmyndin fékk góðan hljóm-
grunn hjá borgarráðsmönnum enda
hefur verið hörgull á húsnæði af
þessu tagi í borginni.
Jón Loftsson framkvæmdastjóri
og fulltrúi eigenda hússins sagði
Tímanum að fulltrúar stúdenta
hefðu sýnt húsinu áhuga í þessum
tilgangi en ekkert hefði verið endan-
lega ákveðið. Jón Loftsson hf. hefði
engar fyrirætlanir um að stunda
sjálft rekstur leiguhúsnæðis af þessu
tagi.
Eiríkur Ingólfsson framkvæmda-
stjóri Stúdentaráðs sagði að rétt væri
að leitað hefði verið eftir því hvort
hluti JL hússins væri falur til að
breyta honum í stúdentagarð fyrir
einhleypinga, þar sem mikil eftir-
spurn væri eftir slíku húsnæði.
Kannaðir hefðu verið jafnframt
ýmsir aðrir möguleikar og litist
mönnum almennt vel á JL húsið.
Ýmsir aðrir möguleikar kæmu til
greina, en þetta væri stærsta einingin
sem um væri að ræða. Engar samn-
ingaviðræður væru þó hafnar og því
allt of snemmt að segja til um hvort
JL yrði stúdentagarður.
Málið hefði þó verið lagt fyrir
skipulags- og byggingayfirvöld borg-
arinnar og þar sem undirtektir þeirra
væru jákvæðar væru menn því að
byrja að velta fyrir sér hvort hag-
kvæmt verður fjárhagslega að nýta
húsið í þessum tilgangi.
Endanlegrar niðurstöðu væri þó
ekki að vænta í náinni framtíð. -sá
Úrval keypti Úifar
Ferðaskrifstofan Úrval hefur fest kaup á Ferðaskrifstofu Úlfars Jacobsen
h.f.
Ferðaskrifstofa Úlfars verður rekin sem sjálfstæð rekstrareining. Halldór
Bjarnason hefur verið ráðinn framkvæmdastjóri en hann hefur síðastliðin
tvö ár starfað sem deildarstjóri hjá Flugleiðum og séð um tengsl við erlendar
ferðaskrifstofur auk skrifstofa Flugleiða erlendis. jkb