Tíminn - 14.02.1989, Blaðsíða 15

Þriðjudagur 14. febrúar 1989
Tíminn 15
MINNING
Sigurvin Össurarson
Fæddur 28. mars 1907
Dáinn 5. febrúar 1989
Þau voru þung sporin heim í
Grænuhlíð frá Landspítalanum
sunnudagskvöldið 5. febrúar sl. Öll
höfðum við vonað að Sigurvin kæmi
aftur heim til okkar en hans tími var
kominn. Við á neðri hæðinni vorum
þeirrar gæfu aðnjótandi að kynnast
Sigurvin og fjölskyldu hans þegar
við fluttum í húsið fyrir tæpum fimm
árum, og varð strax mikill samgang-
ur á milli hæða. „Litlu vinurnar"
eins og hann kallaði alltaf dætur
mínar voru fljótar að finna þá hjarta-
hlýju og endalausu þolinmæði sem
þar var og er fyrir hendi og líður
varla sá dagur að ekki sé aðeins
skroppið upp. Reyndar eru þeir
dagar miklu fleiri, sem lengur er
dvalið, því Zíta og Sigurvin hafa
verið óþreytandi við að passa „litlar
vinur“ öll árin. Börnin þeira þrjú,
Benedikt, Anna og Sólveig hafa
heldur ekki látið sitt eftir liggja í
þeim efnum. Sigurvin fékk strax
nafnið Abbi þar sem hitt var of erfitt
í litlum munni og okkar á milli var
hann aldrei kallaður annað. Það var
yfirleitt fyrsta verk barnanna á
morgnana að athuga hvort búið væri
að opna á milli svo hægt væri að fara
til Abba og fá rúgbrauð með hun-
angi, tilreitt á sérstakan hátt sem
hvergi var hægt að borða nema hjá
honum. Abbi átti líka skrifborð með
góðri skúffu þar sem hann geymdi
„fóður“ handa litlum börnum og var
hann ósjaldan leiddur þangað. Það
þótti líka sjálfsagt að fara með alla
litla gesti sem komu, aðeins upp, þar
sem vel var tekið á móti og skúffan
góða jafnvel opnuð. Þær gleymast
aldrei allar stundirnar, sem Abbi sat
og las sögur eða söng með þeim alla
Vísnabókina eða bara spjallaði um
lífið og tilveruna. Ósjaldan var líka
farið til hans í leit að huggun ef lífið
þótt erfitt. Ferðirnar vestur í Örlygs-
höfn, sem þau hjón buðu stelpunum
með síðustu sumur verða ómetan-
legar í hugum þeira, en fyrir vestan
dvaldist hugur Abba svo oft. „Mér
þykir verst að valda ykkur allri
þessari fyrirhöfn,“ var með því síð-
asta sem hann sagði og lýsir það
honum betur en mörg orð. Hann var
sá sem gaf.
Nú þegar Abbi er farinn frá okkur,
þökkum við mæðgurnar fyrir að
hafa fengið að kynnast honum og
njóta vináttu hans. Öll þau andlegu
verðmæti sem hann gaf okkur, verða
dýrmætt veganesti í framtíðinni. Það
er nú tómlegt í húsinu en við þökk-
um fyrir að hann þurfti ekki að heyja
langa baráttu og huggum okkur við
að hann fékk að deyja með þeirri
reisn og virðingu sem honum bar.
Bryndís, Edda Kristín, Birna og
Ingibjörg.
lllllllllllll BÓKMENNTIR - ;
Ljótunnarvfsan
Lesendur Tímans rekur máski ein-
hverja minni til þess að fyrra laugar-
dag birti ég ritdóm hér í blaðinu
um vísnakverið Ferskeytluna, sem
Kári Tryggvason hefur tekið saman.
Minntist ég þar á þessa vísu sem um
segir í bókinni að sé óvíst um höfund
að:
Aldrei verður Ljótunn Ijót,
Ijótt þó nafnið beri;
ber af öllum snótum snót,
snótin blessuð veri.
Gat ég þess þar að ég hefði þá nýlega
rekist á þessa vísu í Indriðabók,
safnriti eftir Indriða Indriðason rit-
höfund sem gefið var út vegna
áttræðisafmælis hans á nýliðnu ári.
Eins og ég nefndi þar er vísan á bls.
35 í þeirri bók og sögð ort um
Ljótunni Benediktsdóttur í Ystafelli
og eignuð Sören Jónssyni bónda að
Geirbjarnarstöðum í Köldukinn.
Vegna þessa hringdi í mig reyk-
vísk kona, Inga Ólafsdóttir, og benti
mér á að þessi vísa hefði verið
öðrum eignuð. í bók séra Bolla
Gústavssonar, Ýmsar verða ævirnar
(Skjaldborg, Akureyri 1980), er hún
á bls. 70 eignuð séra Birni Halldórs-
syni í Laufási. Segir séra Bolli þar
orðrétt:
„í Laufási var einnig um tíma
önnur mágkona sr. Björns, Agata
að nafni, en hún giftist síðar Einari
Bjarnasyni frá Fellsseli í Kaldakinn.
Dóttir þeirra hét Ljótunn Sigríður
og var hún föðuramma Kristjáns
skálds frá Djúpalæk. Um Ljótunni
orti sr. Björn þessa vísu, sem Krist-
ján kenndi mér.“
Síðan kemur vísan um Ljótunni,
orðrétt eins og hún er í bókum
þeirra Kára og Indriða. Ekki skal ég
kveða upp úr um það hér hvor
þessara tveggja manna sé höfundur
þessarar prýðisgóðu vísu. Að því er
þó að gæta að eftir því sem ég fæ best
séð eru báðar þessar Ljótunnir úr
sömu fjölskyldu. Nánar til tekið
hefur Ljótunn Benediktsdóttir verið
móðir Einars Jónassonar í Saltvík,
föður Sigríðar konu séra Björns í
Laufási og Agötu þeirrar er hér var
nefnd, og því langamma Ljótunnar
Sigríðar Einarsdóttur. En ef svo
kynni að vilja til að einhver, sem les
þessar línur, viti frekari deili á
höfundi vísunnar þá væri óneitan-
lega fengur að því að sá hefði
samband við undirritaðan á Tíman-
um, bréflega eða símleiðis, og mætti
þá koma þeim fróðleik á framfæri.
Eysteinn Sigurðsson.
LESENDUR SKRIFA
Hugleiðingar með hækkandi sól
Enda þótt veðurfarið hafi öðru
hvoru boðið upp á snjókomu í
umhleypingum sfnum, stundum
óveður, fer ekki hjá því að við
verðum vör við að fyrir nokkru er
dag tekið að lengja, seinna á þessu
herrans ári 1989 - er dagur og nótt
orðið jafnlagt - það verður í sumar.
Gera má ráð fyrir, að mikið vatn
verði til sjávar runnið frá því í dag
í þjóðmálunum - bjórinn fyrir
löngu í algleymingi meðal þess
hóps er hans neytir, - og ýmis
önnur mál er verið hafa á þingi,
fengið farsælar lyktir og komin í
gagnið á ýmsan máta í í þjóðfélag-
inu. Um það leyti er brums fer að
gæta á greinum trjánna nokkru
eftir að síðasta hret þessa vetrar er
horfið, má búast við því, einn
góðan veðurdag, að sunnan golan
hvísli að hjörtum sumra vegfar-
enda og þeirra næmustu í þjóðfé-
laginu, - vor er á næstu grösum.
Og um það leyti þegar svölur ljóss
og grósku fljúga til heiða verður
gaman að vera til, fyrir unga sem
aldna. Lífið hefur svo margt upp á
að bjóða af gjöfum himins og
jarðar, í formi þess er höndlað
verður af list og einlægni hjartans,
og hvað er betra, en eftir misjöfn
skammdegishret umhleypinga, og
erfiðan gang í slæmri færð en að
opna hjarta sitt á móti fyrstu áhrif-
um vordaga. Ilmur jarðar leysist
úr læðingi og lauf trjánna telja
fyrstu lífdaga sína á komandi gæða-
dögum og liljur vallarins skarta
sínu fegursta, en nær líður jafn-
dægrum. Þannig getur móðir nátt-
úra verið, þegar henni tekst best
upp er hún syngur sigursöngva sína
í einfaldri tilveru sinni sem þó
getur verið svo margbrotin og
slungin sem er ekki alltaf allra að
skilja, nema þeirra á stundum sem
flokkast undir vísindamenn. í röð-
um þeirra finnast oft snillingar sem
sumir hverjir hafa skilið að gjafir
náttúrunnar eru stundum ómót-
stæðilegar og hafa iöngu kynnt
lýðnum raddir vorsins, raddir
jarðar, sem eru margar ogmargvís-
legar. Fegursta heildarsinfónía fyr-
ir börn jarðar, er opna hjarta sitt í
lotningu, er ilmur vors og jarðar
nær hámarki um það leyti er lóur
syngja fyrstu tilverusöngva sína...
Með nútíma tækniþekkingu og
fjölbreytni í vísindum, hefurhverj-
um og einum sjálfsagt tekist að
njóta þess eftir föngum. Vor og
sumar eru árstíðir sem eru síungar,
frá í árdaga og með þessa stað-
reynd á hreinu, skilst betur en ella
að svo lengi sem líf byggir jarðríki,
verður ávallt sannleiksbroddur í
þessum efnum hvað þetta snertir
sem ávallt verður af hinu góða.
Vor og sumar í hug og sál hefur
ávallt verið talið til dyggða er nær
hámarki gróanda ljóss og lífs ein-
hverntíma í lok vors og byrjun
sumar. Börn jarðar syngja sinn
gróskusöng þá um það leyti og
vænti ég þess að þjóðfélagið hygli
að vanda, börnuni sínum á ein-
hvern þann máta, sem hvetji þau
ogbæti beturáókomnum tímum...
Gunnar Sverrisson.
Kópavogur
Skrifstofan í Hamraborg 5 er opin þriðjudaga og miðvikudaga kl. 9-13.
Sími 41590. Heitt á könnunni.
Opið hús alla miðvikudaga kl.17-19. Félagsmenn eru hvattir til að
líta inn og taka með sér gesti. Eflum flokksstarfið.
Framsóknarfélögin í Kópavogi.
i AweeTA n pi
r ■ «nr |
FÉLAGSMÁLASKÓU
jt
Gissur Pétursson Egill H. Gíslason ] rinnur Ingólfsson
f5í
Arnar Bjamason Hrólfur ölvisson Telgi Pétursson
Samband Ungra Framsóknarmanna og Kjördæmis-
sambönd Framsóknarflokksins hafa ákveðið að fara á
stað með Félagsmálaskóla þar sem boðið verður uppá
eftirfarandi námskeið:
A. Grunnnámskeið f félagsmálum.
Efni: Fundarsköp og ræðumennska, Tillögugerð,
Stefnumál Framsóknarflokksins o.fl.
Tímalengd: 8 klst.
Leiðbeinendur verða: Gissur Pétursson, Egill Heiðar
Gíslason , Finnur Ingólfsson, Arnar Bjarnason og
Hrólfur Ölvisson.
Stefnt er að því að halda námskeiðið í febrúar og mars á
eftirtöldum stöðum ef næg þátttaka fæst: Reykjavík,
Keflavík, Selfoss, Vestmannaeyjar, Höfn, Egilsstöðum,
Akureyri, Sauðárkróki, ísafírði, Ólafsvík og Akranesi.
B. Fjölmiðlanámskeið.
Efni: Framkoma í sjónvarpi og útvarpi. Undirstöðuatriði
í frétta- og greinaskrifum. Áhrif á fjölmiðla.
Tímalengd: 16 klst.
Leiðbeinandi: Helgi Pétursson, fréttamaður.
Stefnt er að því að halda námskeiðið í Reykjavík og á
Akureyri.
Þeir aðilar sem hafa áhuga á þessum námskeiðum eru
hvattir til að hafa samband við eftirtalda aðila:
Reykjavík: Skrifstofa Framsóknarflokksins, s. 91-24480
Reykjanes: Ágúst B. Karlsson, sími 91-52907
Vestfirðir: Sigurður Viggósson, sími 94-1389
Norðurland Vestra: Bogi Sigurbjörnsson, sími 95-71527
Norðurland Eystra: Snorri Finnlaugsson, sími 96-61645
Austurland: Ólafur Sigurðsson, sími 97-81760
Suðurland: Guðmundur Búason, sími 98-23837
Samband Ungra Framsóknarmanna
Kjördæmissambönd Framsóknarflokksins
m
Guðjón B.
Ólafsson
Árnesingar
Framsóknarfélag Árnessýslu boöar tll félagsfundar um málefni
samvinnuhreyfingarinnar miövikudaginn 15. febrúar kl. 21 aö Eyrar-
vegi 15, Selfossi.
Frummælandi verður Guöjón B. Ólafsson, forstjóri SÍS.
Félagsmenn og aöriráhugamenn um málefni samvinnuhreyfingarinn-
ar eru hvattir til aö mæta.
Stjórnin.
Reykjanes
Skrifstofa Kjördæmissambandsins að Hamraborg 5, Kópavogi er
opin á mánudögum og miðvikudögum kl. 17 til 19. Sími 43222.
K.F.R.