Réttur - 01.02.1928, Qupperneq 81

Rjettur]
FRÁ ÓBYGÐUM
83
sýnd tvö vötn, og eru þau nefnd Aðalsmannsvötn. Einnig
þetta er rangt. í Bugum er aðeins eitt vatn. Það er nú ætíð
nefnt Bugavatn, en áður mun það hafa heitið Aðalsmanns-
vatn.
Margar fleiri villur eru á uppdráttunum, þó að nú hafi
nokkrar hinna helstu taldar verið. Afstöður eru víða rang-
ar, og er það að vonum, því að hvorugur þeirra Björns og
Þorvalds var sæmilega kunnugur staðháttum. í uppdrætti
þeim, sem prentaöur er í fyrsta kafla greinar þessarar (í
Rétti XII. árg., 1. hefti), hefi ég leitast við að lagfæra
helstu skekkjurnar. Uppdrátturinn er að vísu af vanefnum
ger og stendur mjög til bóta, en þó er ég vís þess, að hann
sé nokkru réttari en hinir fyrri.
6. E f n i o g s k ö p u n Eyvindarstaðaheiðar.
Aðalefni Eyvindarstaðaheiðar er grágrýti og blágrýti.
Grágrýtið nær yfir mestan hluta heiðarinnar. í yfirborði er
víðast hvar grágrýtismylsna: ármöl og jökulmelar, en und-
ir henni eru grágrýtisþök, og viröast þau allstaðar vera
lárétt.
Blágrýtið er í nyrsta hluta heiðarinnar. Það er aðalefni
fjallanna við Skagafjörð og Húnavatnssýslu. Lögin hallast
til suðurs, og hverfur blágrýtið því ihn undir grágrýtisþök-
in skamt upp frá bygðum.
Grágrýtislögin eru allþykk, en ókunnugt er mér um það,
hve þykk þau eru og eins um hitt, hvað undir þeim býr. Þó
má líklegt telja, að þar sé móberg frá ísöld hinni rneiri,
því að víðast annars staðar hvílir grágrýtið á móbergi.
Skipun jarðlaga í sunnanverðum Vesturdal bendir og á,
að svo sé, en þar skortir enn rækilegar rannsóknir.
Þess er áður getið, að ég telji Kjöl vera sigdal. Lægðina,
sem liggur norður frá Kili, ætla ég einnig vera sigið land,
og mun hún hafa skapast á sama tíma og Kjölur.
Eins og áður er sagt, virðist mér Fossbrekka vera skýr
sigbarmur. Hún er bein og mjög lítið vatnsgrafin. Virð-
6*