Réttur - 01.01.1966, Blaðsíða 82

Víðsjá
Mólfrclsi til sölu!
Prentfrelsi er tryggt í stjórnarskránni, en staðreyndin er sú að
dagblöð verða ekki gefin út, svo þau beri sig, nema með miklu af
auglýsingum. Og þeim ráða atvinnurekendur, einkum verzlunarauð-
valdið. Þessvegna er staðreyndin sú í öllum auðvaldslöndum að
verklýðsblöðin eru rekin með stórtapi, en dagblöðin komast meir
og meir í hendur voldugra auðhringa, en óháð blöð deyja.
Árið 1909 voru 2600 blöð í Bandaríkjunum. Ár.ið 1945 voru
þau 1750. En á sama tíma hækkaði eintakafjöldinn, t. d. frá 1935
til 1950 úr 32 milljónum í 51 milljón. Árið 1948 áttu 75 blaða-
hringir meir en helming eintakafjöldans.
í Englandi hafa 47% af morgunblöðum hætt að koma út á síðustu
25 árum. Nú eru það tveir blaðahringar þar í landi, sem eiga flest
blöðin.
Bak v.ið fréttahringinn AP (Associated Press) standa þessir blaða-
hringir í Bandaríkjunum:
//earsf-hringurinn, sem er í tengslum við Morgan-auðhringinn,
á 17 dagblöð, sem koma út í 5,3 milljónum eintaka, sunnudagsblaðið
„The American Weekly“, sem kemur út í 10 milljónum eintaka, og
26 tímarit.
Scripp-Howard-hringurinn, á 19 blöð, koma út í 2,7 milljónum
eintaka.
Franlc Gannet ræður 21 dagblaði, einkum í New York.
McCormick-Patterson ráða útbreiddustu dagblöðum Bandaríkj-
anna: „New York Daily News“ (2 milljónir eintaka) og „Chicago
lribune“ (0,9 millj. eintaka.) Þessi blaðahringur er og í tengslum
við Morgan.