Æskan - 01.09.1969, Blaðsíða 10
\ ~ ' - f*"1 t , ^ '&S
1 / ■ >
Villi benti undrandi á bíl, sem ók fram hjá með skíSi á þakinu.
Miguel ók nú með vini sína til höfuðborgar
Chile, sem heitir Santiago, til þess að fara
þangað í kynnisferð. Þegar búið var að koma
bílnum fyrir á öruggum stað, fóru vinirnir þrír í göngu-
ferð niður á aðaltorg borgarinnar Alamed de Las
Delicias, sem þýðir ,,Unaðstorgið“.
„Hér er aðalgata borgarinnar," sagði Miguel við
Villa, ,,og íbúarnir nefna hana í daglegu tali aðeins
„Alameda", en hún hefur einnig annað nafn, „Bern-
ardo-Higgins“.“
„Það hljómar eins og það sé írskt nafn,“ sagði
Villi.
„Alveg rétt,“ svaraði Miguel. „Bernardo Higgins er
þjóðhetja Chile-búa, eins og St. George er þjóðhetja
Englendinga. O’Higgins var sonur írsks hermanns,
sem átti heima í Chile á 19. öld. Bæði Chile og Perú
lutu þá spánskri stjórn. En undir stjórn O’Higgins
tókst Chile-búum að hrekja Spánverja af höndum sér
og landið fékk sjálfstæði sitt árið 1818. í þakklætis-
skyni kaus þjóðin O’Higgins fyrsta forseta sinn og
hann gerði þjóðinni mikið gagn.“
Þegar Villi, Miguel og Hannibal gengu niður eftir
aðalgötunni komu þeir að kirkjunni San Francisco.
„Þetta er elzta kirkjan í borginni," sagði Miguel.
„Hún var byggð árið 1568, nokkrum árum eftir að
Pedro Valdiva, spænski landvinningamaðurinn hafði
lagt landið undir Spánarkonung. Hann reisti borgina
Santiago.“
Eftir að þeir höfðu gengið víða um og skoðað margt
í borginni sá Villi allt í einu rauðan bíl með skíði
bundin á þakið aka fram hjá.
„Mér datt ekki í hug, að það væri nokkur snjór hér
nálægt,” sagði hann undrandi við Miguel.
„Þar hefurðu ekki rétt fyrir þér,“ sagði Miguel bros-
andi. „Ekki langt hér frá er skíðabrautin Portillo, og
þar var alheims skíðakeppni árið 1966. Þar eru glæsi-
leg gistihús og stór skíðalyfta, sem gaman er að sjá og
ferðast með.“
„Ég vildi gjarnan sjá hana,“ sagði Villi, „og ég er
viss um, að Hannibal væri til í að fá sér svolitla æf-
ingu þar!“
„Það vildi ég gjarnan líka,“ svaraði Miguel, „en því
miður fékk ég símskeyti í morgun frá föður rnínum,
sem þarf mjög á aðstoð minni að halda við tinnám-
urnar, svo ég verð að snúa heim. Ég vona bara, að
ykkur líði vel og að þið skemmtið ykkur þessa daga,
sem þið verðið enn í Chile.“
VILLI ferðalangur ogfíllinn hans.
366