Morgunn - 01.06.1964, Síða 10
4
MORGUNN
Þessi ungi maður hélt því fram, að hann væri dulskyggn
(clairvoyant) og hefði erft þá gáfu frá móður sinni. Dr.
Rhine fýsti nú að ganga úr skugga um hvað væri hæft í
þessu. Valdi hann með sér til þessara tilrauna ungan sál-
fræðing að nafni J. G. Pratt.
Tilraunir þessar fóru fram í sjálfri háskólabyggingunni.
Var þeim í stuttu máli hagað á þessa leið:
Pratt byrjaði jafnan á því að kalla Pearce inn í rann-
sóknarstofu sína. Þar komu þeir sér saman um, hvernig
tilrauninni skyldi hagað og báru nákvæmlega saman vasaúr
sín. Síðan gekk Pearce rakleitt inn í litla stofu í bókasafni
háskólans, og var hún í um það bil 100 metra f jarlægð frá
rannsóknarstofu Pratts. Sérstök gerð af spilum var notuð
við þessar tilraunir. Pratt byrjaði á því að stokka spilin
vandlega og hvolfdi siðan stokknum á borðið. Enginn lif-
andi maður hafði hugmynd um hvernig spilin lágu í stokkn-
um. Af því leiddi, að þessar tilraunir fjölluðu ekki um hugs-
anaflutning, heldur um skyggnigáfu (clairvoyance).
Þegar allt var tilbúið og Pratt hafði sannfært sig um að
Pearce væri á sínum stað, tók hann með nákvæmlega einn-
ar mínútu millibili spil úr stokknum, lagði það á hvolf og
án þess að sjá það eða sýna það nokkrum, á lokaða bók,
sem lá á miðju borðinu. Að nákvæmiega mínútu liðinni
lagði hann það á borðið vinstra megin bókarinnar, tók næsta
spil, lagði það ofan á bókina og lét það liggja þar eina mín-
útu. Þetta endurtók hann með nákvæmlega sama hætti, unz
stokkurinn var upp genginn, en í honum voru 25 spil.
Á meðan þessu fór fram, sat Pearce inni í bókasafns-
herberginu 100 metra í burtu. Þar skráði hann jafnóðum í
tvíriti svör sín við því, hvaða spil lægi á bókinni hverju sinni.
Síðan undirritaði hann skýrslu sína, lét annað eintak henn-
ar í umslag, sem hann síðan innsiglaði, en hitt afhenti hann
Pratt að lokinni tilrauninni. Venjulega fóru fram tvær til-
raunir á dag og nákvæmlega með sama hætti. Oft var dr.
Rhine sjálfur viðstaddur tiiraunirnar í rannsóknarstofu
Pratts. Honum voru afhent svörin í hinu innsiglaða um-