Morgunn - 01.06.1964, Qupperneq 14

8
MORGUNN
það, sem gerðist í gær eða fyrradag. Annað sé þar hulið og
grafið svo djúpt, að ekki sé unnt að toga það upp á yfirborð
vitundarinnar, nema þegar hagstæð skilyrði eru fyrir hendi
til þess. — Á þennan hátt hafa andstæðingar spíritismans
reynt að skýra eitt og annað af því, sem fram hefur komið
á miðilsfundum Þegar miðill talar fullum fetum erlent
tungumál, sem hann kann alls ekki í vökuástandi og hefur
sannanlega aldrei lært á venjulegan hátt, þá er reynt að
skýra þetta svo, að hann hafi einhvern tíma á ævinni heyrt
þetta mál talað, og það síðan geymzt í undirvitund hans, án
þess að hann hefði hugmynd um. Til sönnunar þessari til-
gátu hefur það verið fært fram, að það hafi sannazt, að
miðill nokkur, sem tók upp á því í miðilsástandi að tala
grísku, hafi á æskuárum sínum dvalið um tíma á prests-
heimili, þar sem hann gat hafa heyrt prest lesa upphátt á
grísku inni í skrifstofunni. Einnig hefur því verið haldið
fram, að þegar miðill lýsir framliðnum mönnum, sem hann
aldrei hefur séð, og segir frá atvikum úr lífi þeirra, sem
honum gætu ekki verið kunn með eðlilegum hætti, þá geti
þetta stafað af því að hann hafi einhvern tíma heyrt ein-
hverja lýsa þessum mönnum eða einhvern tíma heyrt eða
lesið um þau atvik, sem hann sagði frá, og þetta hafi síðan
setzt að og varðveitzt í undirvitundinni.
Sjálfsagt er að gefa öllum slíkum tilgátum til skýringa
fullan gaum, enda þótt það sé augljóst mál, að þær geta
ekki nægt til þess að gera viðunandi grein nema fyrir örlitl-
um hluta slíkra fyrirbæra. Þar að auki eru þetta aðeins til-
gátur til skýringa, en ekki sannanir.
Dagleg reynsla bendir að vísu til þess, að það sé ekki nema
lítill hluti persónuleikans eða okkar sjálfra, sem birtist í
dagvitund okkar hverju sinni. Meiri hluti sjálfsins sé utan
við eða undir yfirborði meðvitundarinnar, sé smátt og smátt
að skjóta þar upp kollinum líkt og fiskur vakir í vatni, eða
að við dorgum þetta beinlínis upp á yfirborðið þegar á þarf
að halda, eins og þegar við erum að reyna að grufla upp
endurminningar löngu liðinna atvika.