Morgunn - 01.06.1964, Page 35
MORGUNN
29
um út á hlaðið andartak, og var bærinn mannlaus á meðan.
Þá vissum við ekki fyrri til en við heyrum hávaða og brot-
hljóð innan úr bænum. Hlupum við þá báðar inn í eldhús.
Var þá eldhúsborðið, sem vanalega stendur upp við vegginn,
komið fram á mitt gólf, en allt leirtauið, sem á því var, lá
mölbrotið á gólfinu. Allan þennan dag og fram til klukkan
hálftólf um kvöldið urðum við vör við hreyfingar á hlutum
öðru hvoru. Þar sem okkur virtust þeir hlutir einkum hreyf-
ast, sem stóðu út við veggi, færðum við stofuborðið fram á
mitt gólf, en settum stólinn þarna fyrir innan það, þar sem
það hafði áður staðið. Þegar við komum inn nokkru seinna,
lá stóllinn á gólfinu fyrir framan borðið og brotinn, svo að
hann er ekki nothæfur".
Aðfaranótt þess 19. marz vaknaði heimilisfólkið við það
kl. 4.20, að stofuborðið fluttist snögglega fram á gólfið með
líkum hætti og nóttina áður.
Þennan dag komu á heimilið Þórður Jónsson á Skaga-
strönd, fréttaritari Morgunblaðsins, ásamt Herði Ragnars
bifreiðarstjóra. Dvöldust þeir á heimilinu í þrjár klukku-
stundir. Frásögn Þórðar birtist í Morgunblaðinu 20. marz.
Honum segist þannig frá:
„Við höfðum setið í stofu nokkra stund, er hér var komið
sögu, og vonazt eftir því að sjá eitthvað af þessum undr-
um gerast. Var okkur boðið að ganga í eldhús tii kaffi-
drykkju. Gekk ég á undan út úr stofunni og Hörður rétt á
eftir. Ég er að setjast við kaffiborðið, en Hörður að koma
út úr stofunni. Heyrist þá nokkur hávaði, og hleypur Hörð-
ur strax inn aftur og ég á eftir. Hvað sjáum við? Borðið, sem
við sátum við andartaki áður, var komið fram á mitt gólf.
Við stóðum orðlausir. Enginn var í stofunni, er þetta gerðist
°g gjörsamlega útilokað, að þetta hafi getað verið af manna-
völdum, og getum við báðir vitnað þar um. Eftir þriggja
tíma viðdvöl á bænum kvöddum við heimilisfólkið og héld-
um brott, enda höfðum við fengið sönnun fyrir því, að það
sem þarna er að gerast, er að okkar dómi vart þess eðlis,
að skýrt verði á venjulegan hátt.