SunnudagsMogginn - 13.06.2010, Síða 19

13. júní 2010 19
S
ægrænu skemmurnar við Reykja-
víkurhöfn á Geirsgötusvæðinu hafa
fyllst af lífi. Þar sem áður voru ver-
búðir og beitingaskúrar trillukarl-
anna eru nú veitingastaðir, listagallerí, gull-
smiður, minjagripaverslun og bíósalur. Á
góðviðrisdögum iða skemmugöturnar af lífi
þar sem fólk situr undir beru lofti og sötrar
kaffi og öl eða fær sér í gogginn. Og það er
talsverð traffík ferðamanna sem eiga leið um
svæðið, segja veitinga- og verslunarmenn,
enda sækja þeir í hvala- og lundaskoð-
unarferðir sem fara frá höfninni. „Það er
mikið af hval úti, akfeitur þorskur, krökkt af
lunda og nú er túristinn far-
inn að láta sjá sig,“ segir
Magnús Guðmundsson
sem siglir á einum bátn-
um. Það var samdráttur í
aðsókninni í maí. Askan úr
Eyjafjallajökli hafði líka sín áhrif úti á Flóa.
Stemningin í skemmunum kom landanum
skemmtilega á óvart á Hátíð hafsins um
liðna helgi. Skyndilega voru þær orðnar ið-
andi pottur mannlífs. Sjávarhátíðin var enda
vígsluhátíð fyrir flesta nýliðana í húsunum.
Á laugardag var opnuð Sædís gullsmiðja en
veitingastaðurinn Höfnin viku fyrr. Gallerí
Dunga er einnig nýliði í húsunum. Café Haítí
ætlar að flytja sig yfir götuna og í eitt plássið
í verbúðunum og vera með bíósal á efri hæð-
inni. Smiðirnir voru enn að um síðustu helgi
en það var veitingasala fyrir utan. Vonir
standa til að geta opnað fyrir 17. júní.
Minjagripaverslunin Sjóhatturinn stækk-
aði í vetur eftir að hafa verið opnuð í fyrra en
ilmurinn af humarsúpum sægreifans Kjart-
ans Halldórssonar hefur í nokkur ár laðað að
sér svanga ferðamenn og bæjarbúa. Og þó að
sólin hafi tekið sér hlé þennan dag láta þeir
það ekki aftra sér. Túristarnir sitja kapp-
klæddir í glerskálanum og eru þannig með
útistemninguna á hreinu, þrátt fyrir dálítinn
garra. Inni sitja hins vegar kallarnir og
hlusta á fréttirnar á Gufunni. Alveg eins og í
gamla daga.
Garðar Berg Guðjónsson eigandi og Þorsteinn Stefánsson trillukarl á spjalli í forláta sófasetti
sem er að finna í kaffihorni Sjóhattsins þar sem kallarnir af höfninni eru reglulegir gestir.
Stemningin í
skemmunum
Bak við tjöldin
Gamlar verbúðir og beitingaskúrar við höfnina á
Geirsgötu hafa gengið í endurnýjun lífdaga sem
miðstöð kaffihúsa, matsölustaða og gallería.
Myndir: Ómar Óskarsson omar@mbl.is
Texti: Bergþóra Njála Guðmundsdóttir ben@mbl.is
Stöðugt rennerí ferðamanna er um Sjóhattinn þar sem Brynja Birgisdóttir tekur á móti þeim.
Nick Torres og Steinn Óskar Sigurðsson yfirkokkur matreiða ofan í svanga gesti Hafnarinnar.