Ljósmæðrablaðið - 01.04.1995, Blaðsíða 22

Alþjóðasiðareglur ljósmæðra
Formáli
Hlutverk AJþjóðasambands Ijósmæðra (ICM) er að efla þá umönnun sem konum,
börnum og fjölskyldum stendur til boða í heiminum í dag með því að stuðla að
menntun ljósmæðra, þróun og viðeigandi hagnýtingu á störfum þeirra. f samræmi
við það meginmarkmið að Ijósmóðir skal stuðla að bættri heilsu kvenna, leggur
Alþjóðasamband Ijósmæðra til eftirfarandi siðareglur til leiðbeiningar við menntun,
störf og rannsóknir ljósmæðra. Þessar siðareglur virða konur sem persónur, stuðla
að réttlæti fyrir alla og sanngjarnri dreifingu gæða í heilbrigðisþjónustu.
Siðareglurnar byggja á gagnkvæmu trausti og virðingu og á þeirri meginhugsun að
sérhvern einstakling beri að virða sem manneskju.
I. Samskipti ljósmæðra
A. Ljósmæður virða rétt kvenna til að taka upplýstar ákvarðanir og stuðla jafn-
framt að því að konur taki ábyrgð á afleiðingum eigin ákvarðana.
B. Ljósmæður vinna með konum og styðja rétt þeirra til að taka virkan þátt í
öllum ákvörðunum er lúta að umönnun þeirra. Ljósmæður hvetja konur til að
taka þátt í allri umræðu sem á sér stað í samfélagi þeirra um málefni er varða
heilsugæslu kvenna og fjölskyldna þeirra.
C. Ljósmæður starfa ásamt öðrum konum með heilbrigðisyfirvöldum að því að
skilgreina þá heilbrigðisþjónustu sem konur hafa þörf fyrir og þær leitast við að
tryggja að þeim gæðum sem standa til boða sé réttlátlega skipt með tilliti til for-
gangs í heilbrigðisþjónustu og aðgangs að henni.
D. Ljósmæður styðja og styrkja hverja aðra í störfum sínum sem ljósmæður og efla
sjálfsvirðingu annarra ljósmæðra sem og sína eigin.
E. Ljósmæður starfa með öðru fagfólki í heilbrigðisþjónustu og leita stuðnings
annarra eða vísa á aðra sérfræðinga þegar þörf konu fyrir umönnun verður eklti
sinnt af ljósmóðurinni einni.
LJÓSMÆÐRABLAÐIÐ
20