Fréttatíminn - 09.03.2012, Síða 10
Innifalið í verði:
Sjá nánar í ýtarlegri ferðaáætlun
á heimasíðu Sunnuferða
www.sunnuferðir.is
Brottfarardagur:
16. júní 2012
384.000 kr.
Upplýsingar og bókanir í síma 555 4700
eða á www.sunnuferdir.is
Eftir að fyrsta ljóðabók Davíðs kom út fór hann á ferðalag um
Ítalíu sem hafði mikil áhrif á líf hans og skáldskap. Davíð orti
ótalmörg ljóð á viðkomustöðum sínum á Ítalíu og hafa þau í
mörg ár síðan lifað á hvers manns vörum, orðið almennings-
eign og sungin af íslensku þjóðinni.
Við fylgjum söngvaslóð skáldsins. Byrjum í Flórens þar sem
ferð hans hófst og förum þaðan til Pisa, Fiosole, Assisi, Róm,
Napólí, Sorrento og Capri. Á hverjum stað syngur Garðar
ljóðin þar sem þau voru samin og segir söguna um það
hvernig þau urðu til. Ógleymanleg menningarferð um Ítalíu!
Á söngvaleiðir Davíðs
Ítalía
Nú gefst Íslendingum einstakt tækfæri til að njóta töfra Ítalíu á ferð
um söngvaslóðir skáldsins Davíðs Stefánssonar frá Fagraskógi undir
fararstjórn Garðars Cortes óperusöngvara.
Bresk hljómsveit styrkir AHC-samtökin
Breska hljómsveitin
The Vaccines, sem
nýlega var kjörin sú
besta nýja af tónlistar-
tímaritinu NME, styrkti
AHC-samtökin á Íslandi
nýlega. The Vaccines
er bresk rokkhljóm-
sveit með íslenska
bassaleikarann Árna
Hjörvar innanborðs.
AHC er sjaldgæfur
taugasjúkdómur sem
einkennist af endur-
teknum, tímabundnum helftarlömunarköstum, sem ná yfirleitt til annarrar líkams-
hliðarinnar í einu, en sjaldnar til beggja líkamshliða samtímis. Köstin hafa einnig
áhrif á minni en algengt er að eftir köstin gleymi barnið því sem það hafa áður lært
og hefur þannig mikil áhrif á þroska þess. Sjúkdómurinn er svo sjaldgæfur að hann
er stundum kallaður „orphan disorder“ sem mætti þýða sem hornreka röskun en
með því er átt við að hætta er á að þekking á sjúkdómnum sé takmörkuð því einungis
innan við 600 tilfelli eru þekkt í heiminum. Þann 29. febrúar var hafin söfnun fyrir
AHC-börn til að fjármagna rannsóknir sem nú þegar eru byrjaðar og lofa góðu. -óhþ
Ó kunnir straumar hafa farið um íslenskt samfélag í kjöl-far hrunsins. Bylting fylgdi
í kjölfarið, kannski ekki blóðug en
átökin voru mikil og lögreglan stóð
í ströngu við að verja helstu stofn-
anir ríkisins og þá sem með völdin
fóru. Hrunskýrsla fylgdi í kjölfarið
og uppgjörs var krafist. Embætti
sérstaks saksóknara var komið á
laggirnar og Landsdómur virkjaður
í fyrsta sinn þar sem fyrrum for-
sætisráðherra situr þessa dagana
frammi fyrir fimm-
tán dómendum og ver
hendur sínar.
Mörgum þykir því
nóg um refsigleðina og
varð því ekki um sel
þegar alræmt drápstól
var flutt milli bæjar-
hluta á dögunum, fall-
öxi mikil. Slíkt aftöku-
tæki er helst þekkt úr
frönsku byltingunni
sem hófst árið 1789,
hár gálgi með skásettu
þungu blaði.
Bíll með kerru sást
draga fallöxina og setti
vegfarendur hljóða og
menn spurðu sig hvort
byltingin íslenska hefði
náð svo langt að taka
ætti í brúk ægilegsta
tákn frönsku byltingar-
innar. Svo var þó ekki, sem betur
fer. Við nánari eftirgrennslan kom
í ljós að þarna voru ferð nemendur
Flensborgarskólans í Hafnarfirði í
undirbúningi þemadaga og árshá-
tíðar skólans. Þeir hafa smíðað
stefni skips þar sem meðal annars
er dýflissu að finna og er fallöxin
hluti þeirrar sviðsmyndar.
Þegar Fréttatíminn ræddi við
skráðan umráðamann bílsins sem
fallöxina flutti, Þórarin M. Eldjárns-
son, kannaðist hann við flutninginn
en sagði Anton Örn, son sinn á
nítjánda ári og nemanda Flensborg-
arskóla, hafa fengið heimilisbílinn
lánaðan og kerruna með svo koma
mætti hinu fornfræga aftökutæki á
sinn stað. Hann sagði nemendurna
hafa fengið fallöxina lánaða hjá leik-
munadeild Ríkisútvarpsins en þeir
hafa lagt mikla vinnu á sig vegna
þemadaga og árshátíð-
ar skólans nú í vikunni.
„Nemendafélagið
safnaði fyrir þessu.
Nemendurnir fengu
timbur fyrir brot af
kostnaði kaupverðs,
smíðuðu og undir-
bjuggu allt sjálfir,“ segir
Þórarinn sem fórn-
aði fjölskyldubílnum
í þágu málstaðarins.
„Ég var hálfan dag að
þrífa bílinn eftir þetta,“
segir hann, „því strák-
arnir bjuggu meðal
annars til grjót úr frauð-
plasti, máluðu það og
fluttu í bílnum.“ Þeir
fengu einnig lánuð þau
verkfæri sem til þurfti
en aðstöðu til smíðanna
fengu þeir í gömlu
skátaheimili.
„Ég veit ekki hvort fallöxin virkar
eða hvort blaðið er úr tré eða ein-
hverju öðru,“ segir Þórarinn, „en
ég held að það eigi ekki að höggva
neina hálsa.“
Jónas Haraldsson
jonas@frettatiminn.is
Ég var hálfan dag að
þrífa bílinn eftir þetta.
Aftökutæki Refsigleði í kjölfAR byltingARinnAR?
Held að það eigi ekki
að höggva neina hálsa
Ýmsum þykir sem refsigleði hafi aukist í samfélaginu í kjölfar hrunsins og brá því þegar þeir sáu
fallöxi flutta á vagni. Engu þarf þó að kvíða. Hið alræmda tákn frönsku byltingarinnar er hluti
sviðsmyndar þemadaga og árshátíðar Flensborgarskólans.
Ógnvekjandi drápstól,
ægilegasta tákn frönsku
byltingarinnar. Ekki
stendur þó til að höggva
neina hálsa. Ljósmyndir
Hildur Björg
Refsigleði í kjölfar byltingarinnar? Fallöxi flutt á áfangastað á fjölfarinni götu.
g ríðarlegir fjármunir hafa farið í að byggja og endurbæta vellina átta í Póllandi og Úkraínu sem spilað verður á í Evrópukeppninni í
fótbolta. Sex vellir af átta hafa verið endurbyggðir
frá grunni með tilheyrandi kostnaði. Samanlagður
kostnaður samkvæmt útreikningum Fréttatímans er
um 350 milljarðar. Tveir dýrustu vellirnir eru þjóðar-
leikvangarnir í hvoru landi en kostnaður við bæði
Þjóðarleikvanginn í Varsjá og Ólympíuleikvanginn í
Kiev voru meira en sjötíu milljarðar við hvorn völl.
Eftir óvissu á tímabili um hvort allir vellirnir yrðu
tilbúnir í tæka tíð er nú allt til reiðu í löndunum
tveimur. Á tímabili var með öllu óvíst hvort Úkr-
aína og Pólland myndu halda keppnina af ólíkum
ástæðum þó. Michel Platini, forseti Knattspyrnu-
sambands Evrópu, þurfti að áminna Úkraínumenn
á opinberum vettvangi fyrir hægan undirbúning í
janúar 2008. Tveimur árum seinna, í maí 2010, gaf
hann í skyn að Þýskaland og Ungverjaland gætu
haldið keppnina vegna slælegra vinnubragða Úkra-
ínumanna. Hann dró þau ummæli þó til baka stuttu
seinna. Í Póllandi rak ríkisstjórnin alla stjórn pólska
knattspyrnusambandsins vegna mútuhneykslis í
september 2008. Í kjölfar hótunar knattspyrnusam-
bands Evrópu um að Pólland yrði ekki gestaþjóð, var
uppsögnin dregin til baka. Þrátt fyrir nokkur áföll,
dauðsföll við byggingar og fjárskort, eru allir vell-
irnir átta tilbúnir í dag – rúmum níutíu dögum fyrir
fyrsta leikinn í Varsjá. -óhþ
Sjá einnig um EM 2012 á síðu 20
fÓtbolti eM 2012
350 milljarðar í endurbætur á völlum
Ólympíuleikvangurinn í Kiev hefur verið endurbyggður algjörlega. Nordic Photos/Getty Images
Michel Platini, forseti
Knattspyrnusam-
bands Evrópu, þurfti
í tvígang að ýta við
Úkraínumönnum á
undirbúningstíma.
Nordic Photos/Getty
Images
10 fréttir Helgin 9.-11. mars 2012