Morgunblaðið - 08.02.2012, Blaðsíða 12

12 FRÉTTIRInnlent
MORGUNBLAÐIÐ MIÐVIKUDAGUR 8. FEBRÚAR 2012
Guðmundur Sv. Hermannsson
gummi@mbl.is
Fasteignagjöld íbúðareigenda
hækka milli ára í allflestum stærstu
sveitarfélögum landsins samkvæmt
könnun, sem Alþýðusamband Ís-
lands (ASÍ) hefur gert á útsvari og
fasteignagjöldum.
Einu svæðin þar sem fasteigna-
gjöld lækka eru Selfoss í Árborg og
tvö hverfi í Reykjavík.
Fasteignamat fyrir fjölbýli
hækkaði hjá öllum 15 sveitarfélög-
unum fyrir öll hverfi. Er hækkunin
frá 0,5% upp í 19%.
Mest var hækkunin í Árborg
19%, í Vestmannaeyjum 16% og í
Reykjavík vestan Bræðraborgar-
stígs 13%.
Fasteignamat fyrir sérbýli hækk-
ar einnig hjá öllum sveitarfélögun-
um nema einu, Fjarðabyggð-Reyð-
arfirði. Hækkunin er á bilinu
1-20%.
Mesta hækkunin var í Árborg –
Eyrarbakka 20%, hjá Reykjavíkur-
borg vestan Bræðraborgarstígs um
19%, og hjá Kópavogsbæ í Kórum/
Hvörfum og vesturhluta Garða-
bæjar, eða um 16%.
Þrjú sveitarfélög hækkuðu
Álagningarprósenta fasteigna-
skatts er óbreytt hjá 10 sveitar-
félögum af 15. Þrjú sveitarfélög
hækka fasteignaskattinn: Ísafjörð-
ur, um 44%, Fjarðabyggð um 16%
og Hafnarfjörður um
14%.
Þau sveitarfélög sem
lækka álagningarprósent-
una eru Reykjavík um 11%
og sveitarfélagið Árborg um
7%. ASÍ segir, að þegar tekið
sé tillit til breytinga á fast-
eignaskatti miðað við nýtt
fasteignamat 2012, komi í ljós
að fasteignaskattur á fjölbýli
hækki hjá allflestum sveit-
arfélögunum um 0,5% upp í
48%. Mesta hækkunin er hjá Ísa-
firði um 48%, Hafnarfirði - Setbergi
um 21% og Fjarðabyggð – Reyð-
arfirði um 20%. Aftur á móti lækki
gjaldið um 4% hjá sveitarfélaginu
Árborg – Selfossi og Reykjavík –
Háaleiti/Skeifu og Fellum.
Óbreytt útsvar víðast hvar
Útsvarsprósentan er óbreytt frá
árinu 2011 hjá 14 sveitarfélögum af
þeim 15 fjölmennustu á landinu.
Eina sveitarfélagið sem hækkaði
útsvarið að þessu sinni er Reykja-
vík, úr 14,4% í 14,48%.
13 af þeim 15 sveitarfélögum sem
skoðuð voru innheimta hámarks
leyfilegt útsvar sem er nú 14,48%.
Lægst er útsvarið 13,66% í Garða-
bæ og 14,18% á Seltjarnarnesi.
Fasteignagjöld í stærstu
sveitarfélögunum hækka
 Fasteignaskattur lækkaði á Selfossi og í tveimur Reykjavíkurhverfum
Sorphirðugjöld eru ekki tengd fasteignamati en innheimt á hverja tunnu.
Fram kemur í könnun ASÍ, að gjaldið sé hæst á Ísafirði 43.659
krónur á tunnu og sé óbreytt frá síðasta ári.
Lægsta gjaldið er á Seltjarnarnesi, 16.050 krónur á tunnu,
sem er 63% lægra en á Ísafirði. Er verðmunurinn 27.609
krónur á ári.
Sorphirðugjaldið hækkaði milli ára hjá 10 sveit-
arfélögum af 15. Mesta hækkunin á milli ára var í
Vestmannaeyjum en þar var gjaldið í fyrra 23.378
krónur á íbúð en er nú 31.534 krónur sem er 35%
hækkun. Í Kópavogi nemur hækkunin 27% milli ára
og 23% í Mosfellsbæ.
Sorphirðugjald hæst á Ísafirði
GJALD FYRIR SORPHREINSUN HÆKKAR Í 10 SVEITARFÉLÖGUM
Í sumar gefst Íslendingum á aldr-
inum 18-28 ára tækifæri til að fara í
menningar- og ævintýraferð um
slóðir íslensku landnemanna í Vest-
urheimi. Snorri West verkefnið hef-
ur verið starfandi í Manitobafylki í
Kanada frá 2001 en nú gefst þátt-
takendum einnig tækifæri til að
ferðast um Íslendingaslóðir í
Minnesota og Norður-Dakóta í
Bandaríkjunum.
Verkefnið er skipulagt af Þjóð-
ræknisfélagi Íslendinga í Vest-
urheimi (INL of NA), Íslend-
ingadeginum í Gimli, Snorrasjóði
og Íslendingafélögunum í fyrr-
nefndum ríkjum. Það er styrkt af
Icelandic Festival of Manitoba, Ca-
nada Iceland Foundation og Gutt-
ormsson Family Foundation.
Tæplega fimm vikna ferð
Flogið verður til Minneapolis 9.
júlí þar sem fulltrúar Íslendinga-
félagsins þar í borg taka á móti
ungmennunum. Síðan verður ekið
til Norður-Dakóta og ferðast um Ís-
lendingabyggðir þar. Síðari hluti
ferðarinnar verður í Manitobafylki
í Kanada. Þátttakendur búa hjá
fjölskyldum af íslenskum ættum, en
komið verður aftur til Íslands að
morgni 9. ágúst.
Þátttökukostnaður er 2.200 kan-
adadollarar og er þá allt innifalið,
þ.e. flug, ferðir, gisting og matur
víðast hvar.
Umsóknarfrestur er til 15. mars
n.k. og er hægt að nálgast umsókn-
areyðublöð á www.snorri.is þar
sem finna má frekari upplýsingar.
Einnig er hægt að hafa samband
við Ástu Sól Kristjánsdóttur, verk-
efnisstjóra Snorraverkefna (asta-
sol@snorri.is) á skrifstofu Þjóð-
ræknisfélags Íslendinga og Söruh
Isleifson verkefnisstjóra í Kanada
(snorriwestna@yahoo.com).
Snorri Vestur fyrir
unga Íslendinga
Morgunblaðið/Steinþór
Manitoba Frá Íslendingadegi á Gimli.
Reykjavíkurb. -V.Bræðrabst. 13,0% 19,3% 0,4% 6,0%
Reykjavíkurborg - Fell 8,4% 5,5% -3,6% -6,2%
Reykjavíkurb. - Háaleiti / Skeifa 8,0% 4,7% -4,0% -6,9%
Kópavogsbær - Hjallar, Lindir 7,0% 11,6% 7,0% 11,6%
Kópavogsbær -Vesturbær 8,4% 11,0% 8,4% 11,0%
Kópavogsbær - Kórar /Hvörf 9,2% 16,0% 9,2% 16,0%
Hafnarfjarðarkaupst. - Setberg 5,7% 9,2% 20,8% 24,8%
Hafnarfjarðarkaupst. - Flensb. 4,5% 8,9% 19,4% 24,5%
Hafnarfjarðarkaupstaður -Vellir 1,1% 13,4% 15,6% 29,6%
Garðabær -Vesturhluti 7,1% 16,3% 7,1% 16,3%
Garðabær - Sjáland 4,0% 8,9% 4,0% 8,9%
Mosfellsbær -Teigar,Krikar 8,2% 12,3% 8,2% 12,3%
Mosfellsbær - Leirvogstunga 12,0% 12,0%
Mosfellsbær 9,2% 7,3% 9,2% 7,3%
Ísafjörður 2,4% 12,8% 47,9% 62,9%
Vestmannaeyjar 16,4% 9,8% 16,4% 9,8%
Akureyri 5,2% 14,1% 5,2% 14,1%
Seltjarnarneskaupstaður 10,0% 9,4% 10,0% 9,4%
Akraneskaupstaður 2,2% 5,4% 6,7% 10,1%
ReykjanesbærKeflavík 4,9% 8,0% 4,9% 8,0%
ReykjanesbærNjarðvík 4,3% 8,0% 4,3% 8,0%
Sveitarfélagið Árborg - Selfoss 3,4% 3,9% -3,9% -3,5%
Sveitarf.Árborg - Eyrarbakki 18,6% 20,2% 10,1% 11,6%
Fjarðabyggð - Reyðarfjörður 3,1% -4,3% 19,8% 11,3%
Fjarðabyggð - Neskaupstaður 1,7% 4,5% 18,2% 21,5%
Fljótsdalshérað - Fellabær 0,4% 1,1% 0,4% 1,1%
Fljótsdalshérað - Egilsstaðir 8,2% 3,4% 8,2% 3,4%
Sveitarf.Skagafj.- Sauðárkr. 7,5% 13,2% 7,5% 13,2%
Fasteignaskattur á íbúðarhúsnæði 2011 og 2012
Breyting
fasteignamats
milli ára
Fjölb. Sérb.
Samtals
breyting á
gjöldum
Fjölb. Sérb.
Breyting
fasteignamats
milli ára
Fjölb. Sérb.
Samtals
breyting á
gjöldum
Fjölb. Sérb.
Andri Karl
Guðni Einarsson
Anna Lilja Þórisdóttir
Samstaða, flokkur lýðræðis og vel-
ferðar, kynnti stefnu sína og for-
ystufólk á fundi í Iðnó í Reykjavík í
gær. Stjórn flokksins mun sitja fram
að fyrsta landsfundi hans. Flokk-
urinn hefur sótt um listabókstafinn C.
Lilja Mósesdóttir, formaður Sam-
stöðu, sagði á fundinum að hún væri
afar sátt við bókstaf flokksins, C. Með
honum væri flokkurinn framarlega í
röðinni og honum stillt upp við hlið
stóru flokkanna. Þá sagði hún ein-
kennandi fyrir bókstafinn þörf sam-
félagsins fyrir C-vítamín.
Lilja var spurð hvort Samstaða
gæti unnið með öðrum stjórn-
málaflokkum fengi flokkurinn stuðn-
ing í næstu alþingiskosningum. Lilja
sagðist ekki hafa séð kosningastefnu-
skrár hinna flokkanna en það myndi
mótast af þeim. Hinir flokkarnir
hefðu ekki verið stefnufastir að und-
anförnu þannig að stefna þeirra gæti
breyst. Líkur væru á því að Samstaða
gæti átt í góðu samstarfi við hvern
sem væri.
Í stefnuskrá Samstöðu, flokks lýð-
ræðis og velferðar, segir m.a. að
flokkurinn vilji „öflugt norrænt vel-
ferðarkerfi sem tryggir almennan
rétt til velferðarþjónustu án tekju-
tengingar“. Þá telur flokkurinn rétt
allra til atvinnu vera mannréttindi.
Samstaða vill að eigendur og not-
endur lands greiði „gjöld af land- og
auðlindanotkun til ríkis, sveitarfélaga
eða landshlutasamtaka eftir því sem
við á“. Þá telur flokkurinn brýnt að
„lög og skipulag sjávarútvegs- og
landbúnaðar verði endurskoðuð til að
draga úr samþjöppun eignarhalds og
tryggja hagsmuni almennings“.
Einnig vill Samstaða „að verð-
trygging neytendalána verði afnumin
og komið verði á norrænu fast-
eignalánakerfi. Gera þarf skipulags-
breytingar á lífeyrissjóðakerfinu.
Samstaða vill að hið opinbera tryggi
öllum lífeyrisþegum viðunandi lífeyri
án skerðingar (gegnumstreym-
iskerfi). Til viðbótar greiði fólk í líf-
eyrissjóði en geti valið í hvaða sjóð er
greitt hvort sem er hér á landi eða er-
lendis. Samstaða vill efla sjóðsfélaga-
lýðræði og gagnsæi í lífeyr-
issjóðakerfinu“.
Lilja sagði í samtali við mbl.is í gær
að aðgreina þyrfti samtrygg-
ingakerfið sem ætti alfarið að vera í
almannatryggingakerfinu og al-
mannatryggingar ættu að tryggja
lágmarkslífeyri. Til hliðar við það
ættu að vera fjárfestingarsjóðir sem
ávöxtuðu viðbótarlífeyri landsmanna.
„Það er ljóst að það þarf upp-
stokkun á lífeyrissjóðakerfinu, það er
allt of stórt fyrir íslenskt efnahagslíf.
Ef við ætlum að taka á skuldavanda
heimilanna og væntanlegu gengisfalli
við afnám gjaldeyrishafta, þá verðum
við að taka á lífeyrissjóðakerfinu og
stokka það upp,“ sagði Lilja. Slóðin á
heimasíðu Samstöðu er xc.is, en þar
má lesa stefnuskrá og um flokks-
starfið.
Samstaða er C-vítamín samfélagsins
 Nýr flokkur undir forystu Lilju Mósesdóttur alþingismanns kynntur  Samstaða, flokkur lýðræðis
og velferðar, vill m.a. öflugt norrænt velferðarkerfi með velferðarþjónustu án tekjutengingar
Morgunblaðið/Ómar
Samstaða Lilja Mósesdóttir, alþingismaður og formaður Samstöðu, flokks lýðræðis og velferðar, kynnti stefnumál
og áherslur flokksins á fundi í gær. Hún telur góðar líkur á að Samstaða geti starfað með öðrum flokkum.
Úr stefnuskrá
» Samstaða telur „að við nú-
verandi aðstæður sé hags-
munum Íslands best borgið ut-
an ESB en leggur áherslu á að
samningaviðræðunum verði
lokið án tafar og niðurstaðan
fari í þjóðaratkvæðagreiðslu.“
» Samstaða vill að landið og
aðrar auðlindir verði í eigu
landsmanna, enda sé það for-
senda fullveldis þjóðarinnar.
Hún vill veita ríkinu forkaups-
rétt á landi þegar samfélags-
legir hagsmunir krefjast þess,
m.a. til þess að koma í veg fyrir
spákaupmennsku..