Morgunblaðið - 08.02.2012, Blaðsíða 36
MIÐVIKUDAGUR 8. FEBRÚAR 39. DAGUR ÁRSINS 2012
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 2550
1. Finnst Adele allt of feit
2. Nauðga og misþyrma lesbíum
3. „Stundum vildi ég að ég væri ...“
4. Afbrigðilega hlýtt veður
»MEST LESIÐ Á mbl.is
FÓLK Í FRÉTTUM
Guðmundur Pétursson gítarleikari
og hljómsveit munu halda tónleika á
Faktorý á morgun kl. 22. Leikið verð-
ur efni af plötunni Elabórat sem kom
nýverið út en hún hlaut góða dóma,
m.a. hér í Morgunblaðinu.
Morgunblaðið/Heiddi
Guðmundur ásamt
hljómsveit á Faktorý
Ljósmyndadag-
ar hefjast í fyrsta
sinn á morgun og
standa fram á
sunnudag. Ljós-
myndasýningar
verða settar upp
víða í miðbænum,
ljósmynda-
greining fer fram
á Þjóðminjasafni Íslands og fimm
ljósmyndagöngur verða í stærstu
hverfahlutum borgarinnar, svo fátt
eitt sé nefnt.
Fjölbreytt dagskrá
á ljósmyndadögum
Á Vetrarhátíð 2012 sem
hefst á morgun munu hvítar
ljósglærur streyma úr turni
Fríkirkjunnar í Reykjavík og
verður þannig sívalur viti
ljóss til fyrir ofan vegfar-
endur. Um er að ræða inn-
setningu eftir Ragnheiði
Hörpu Leifsdóttur en
verkið, sem nefnist Pha-
ros, mun lýsa vegfar-
endum dag og
nótt í þrjá daga.
»29
Sívalur viti ljóss
lýsir vegfarendum
Á fimmtudag Suðvestan 5-10 m/s framan af degi og úrkomulítið.
Gengur í sunnan 10-18 m/s síðdegis með slyddu og síðar rigningu
S- og V-til á landinu. Hiti 0 til 6 stig, hlýjast S-lands.
SPÁ KL. 12.00 Í DAG Suðvestan 5-13 m/s nærri hádegi og skúrir
eða slydduél, en þurrt fyrir norðan. Bætir í úrkomu S-lands í kvöld.
Hiti 3 til 9 stig, en 0 til 6 stig í nótt og á morgun.
VEÐUR
Skautafélag Reykjavíkur
hrósaði sigri gegn Birn-
inum, 5:3, á Íslandsmótinu í
íshokkí en liðin áttust við á
skautasvellinu í Laugardal í
gærkvöld. SR-ingar skoruðu
þrjú síðustu mörkin og með
sigrinum komust þeir upp
að hlið Bjarnarins. Bæði lið
hafa 29 stig en Skautafélag
Akureyrar hefur 23 stig og
heldur enn í smávon um að
leika til úrslita. »3
SR komst upp að
hlið Bjarnarins
Brynjar Björn Gunnarsson, knatt-
spyrnumaðurinn
reyndi, er á leið
heim í vor eftir
að hafa leikið
sem atvinnumað-
ur frá 1998.
Hann hefur
ákveðið að
ganga til liðs
við KR. „Það
verður frá-
bært að taka
upp þráðinn
aftur með KR og
ég hlakka bara
mikið til þess,“
segir Brynjar. »1
Brynjar Björn er á
leiðinni heim í KR
Sænska meistaraliðið LdB Malmö,
sem þær Þóra B. Helgadóttir og Sara
Björk Gunnarsdóttir leika með, ramb-
ar á barmi gjaldþrots að sögn for-
manns félagsins í viðtali við sænska
fjölmiðla. Þóra sagði við Morg-
unblaðið í gær að hún og samherjar
hennar væru ekki áhyggjufullar,
hefðu fulla trú á að mál félagsins
myndu leysast á farsælan hátt. »2
Segir Malmö vera
á barmi gjaldþrots
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Ingveldur Geirsdóttir
ingveldur@mbl.is
„Það sem ég á eftir að sakna mest
þegar ég hætti í þessu starfi er að
hitta ekki það elskulega fólk sem býr
á mínum leiðum um sveitina. Þá
fækkar þeim kynnum,“ segir Jón
Gunnlaugsson póstur.
Í rúm tuttugu og fimm ár hefur
hann ekið póstinum til íbúa í Hruna-
mannahreppi í Árnessýslu og á orðið
marga góða vini í sveitinni.
„Ég byrjaði að aka út pósti 18.
nóvember 1986 og síðan hefur það
verið mín vinna. Ég er 4́6-módelið
svo ég reikna með að það styttist í að
ég hætti og fari á lífeyrissjóðina
enda orðinn geipilega spenntur fyrir
að komast í þann fjársjóð,“ segir Jón
kankvís.
Jón hefur vinnudaginn klukkan
sjö í pósthúsinu á Selfossi við að
flokka póstinn. „Ég er farinn upp í
sveit um hálf níu á morgnana og
byrja á því að fara með póstinn á
Flúðir. Svo keyri ég um sveitina, á
alla bæi fimm daga vikunnar. Ég er
kominn aftur á Selfoss um þrjú.“
Aldrei tekið veikindadag
Heilsan hefur verið Jóni hliðholl í
gegnum tíðina en hann hefur aldrei
misst dag úr vinnu vegna veikinda.
„Ég hef heldur aldrei lent í vand-
ræðum, það hefur aldrei bilað bíll í
ferð og ég hef verið mjög heppinn í
alla staði. Maður er mjög bundinn í
þessu starfi, það má ekki klikka einn
dagur því þá þarf ég að skaffa mann
og bíl fyrir mig. Pósturinn má ekki
bíða. Ég fæ manneskju fyrir mig til
að taka sumarfrí en þrátt
fyrir það er hugurinn
alltaf við starfið því
það getur eitthvað
gerst hjá afleysinga-
manneskjunni. Suma
daga hefur póstinum
seinkað og hér áður fyrr
þótti það ekki merkilegt
þó við værum að fram á kvöld að
keyra út en þá var meira póstmagn
og fleiri bæir sem þurfti að fara á og
allt tók lengri tíma,“ segir Jón.
Í símaskránni titlar Jón sig land-
póst, þeir fluttu fréttirnar áður fyrr
á milli landshluta en Jón segist nú
koma með fátt annað en póstinn.
„Ég kem stundum með leiðindi eins
og þeir segja, rukkanir og slíkt en
fréttaflutningur nú til dags er eig-
inlega kominn áður en fréttirnar
verða.“
Jón er ánægður í starfi sínu og
segist alltaf hafa gaman af því að
keyra um sveitina. „Í gegnum tíðina
hef ég kynnst fólkinu á bæjunum,
það bæði kemur nýtt og fellur frá
það eldra, eins og er gangur lífsins.
Maður er alls staðar aufúsugestur.“
Alls staðar aufúsugestur
Hefur keyrt
póstinn til Hreppa-
manna í 25 ár
Ljósmynd/Sigurður Sigmundsson
Pósturinn Jón Gunnlaugsson hefur keyrt út póstinn til íbúa Hrunamannahrepps í rúm 25 ár. Hann hlakkar til þess
á hverjum morgni að fara í vinnuna og segir mikilvægt að vera jákvæður í starfi, það skili miklu.
„Hann lítur stundum inn og fær sér
kaffi og rúsínur.
Jón er alveg frábær einstaklingur,
auðgar og gleður allt í kringum sig.
Við höfum þá reynslu af honum.
Hann er mikið góðmenni og
lipurmenni í alla staði,“
segir Jóhanna Bríet Helga-
dóttir, bóndi á Hrafn-
kelsstöðum í Hruna-
mannahreppi, um Jón
póst.
„Hann gefur sér nú aldrei mik-
inn tíma fyrir kaffið enda þarf
hann að halda áætlun og standa
sína plikt. Jón kemur póstinum
alltaf til skila og er mjög greiðvik-
inn, allt stendur eins og stafur á
bók hjá honum,“ segir Jóhanna
Bríet.
Hún segir Jón þekkja orðið fólk-
ið í sveitinni vel og fólkið hann,
hann sé nánast orðinn einn af fjöl-
skyldunni alls staðar.
Auðgar allt í kringum sig
JÓN PÓSTUR