Málfríður - 01.10.2013, Blaðsíða 22
Ég veit ekki hversu oft ég heyrði þessi orð fyrstu
vikurnar í kennslu. Ég vann myrkranna á milli: allar
helgar var ég mætt í vinnuna til þess að búa til verkefni,
lesa bækur og gera mitt besta til að gera kennsluna sem
fjölbreyttasta svo að nemendum myndi ekki leiðast í
tímum hjá mér. Ég vann það lengi frameftir einn dag-
inn að ég setti öryggiskerfið í skólanum í gang. Og
þannig lærði ég að kerfið fer í gang á miðnætti því að á
þeim tímapunkti ætti enginn að vera ennþá í vinnunni.
Ég er sammála öryggiskerfinu, en vinnan sem fylgir
nýliða í kennslu er ekki öryggiskerfum samkvæm.
Ekki aukin þægindi heldur nauðsyn
Eftir að hafa varið meirihluta ævinnar sem nemandi við
skóla víðsvegar um heiminn fékk ég vinnu sem kenn-
ari í skóla síðastliðið haust. Ég hafði verið í verknámi
við Fjölbrautaskólann við Ármúla og var mjög ánægð
þegar mér var boðin vinna þar, enda tengdi ég það beint
við að hafa staðið mig vel í verknáminu. Ég byrjaði í
125% starfshlutfalli og kenndi þrjá mismunandi áfanga
í ensku auk þess að kenna einn áfanga í lífsleikni. Ég
hafði kynnst kennslunni í gegnum verknámið og vissi
að vinnuálagið gæti vissulega verið ansi mikið, en aldrei
óraði mig fyrir því að vinna sem í eðli sínu inniheldur
helgarfrí myndi taka frá mér allt sem ég kallaði félagslíf
og fríhelgar. Ég var ekki búin að kenna nema kannski
tvær til þrjár vikur þegar ég áttaði mig á því að þetta
langa sumarfrí sem kennarar eru svo „heppnir“ að fá er
alls engin heppni heldur algjör nauðsyn. Og þeir sem
telja það geti ekki staðist ættu að prófa að vera kennarar
í nokkrar vikur.
Ég tel mig vera heppna með vinnustað. And rúmsloftið í
FÁ er engu líkt. Hér er fólk á öllum aldri sem hefur unnið
við kennslu í mislangan tíma (þó má taka fram að meðal-
aldur framhaldsskólakennara er 55 ár) og eiga allir starfs-
menn þessa skóla það sameiginlegt að vera glaðlyndir og
hafa gert líf mitt sem kennari mun auðveldara með því að
vera alltaf tilbúnir að svara spurningum og aðstoða mig
þegar ég hef sóst eftir því – sumir meira að segja stökkva
fram til að aðstoða mann áður en maður ber sig eftir því.
Og það er kannski ástæðan fyrir því að þetta fólk endist
í kennarastarfinu: vinnustaðurinn. Því ég get staðfest að
það eru ekki launin sem fólk sækist eftir.
Plan B
Ég ætlaði mér aldrei að verða kennari. Sem barn
ætlaði ég að verða leikkona eins og systir mín; eða
hárgreiðslukona eins og mamma mín. Þegar ég byrjaði
í háskólanámi (þá að verða 18 ára) ætlaði ég að verða
barnasálfræðingur. Eftir ár á sálfræðibraut skipti ég
yfir í ensku og útskrifaðist með hæstu einkunn í ensku
og með spænsku sem aukagrein fjórum árum síðar. Á
einhverjum tímapunkti hafði ég hugsað mér að nýta
enskugráðuna til þess að skrifa fyrir tímarit (sem með
þessari grein rætist að einhverju leyti). Eftir MA-nám
í Bretlandi kom ég heim til Íslands og bætti við mig
kennsluréttindum. Í verknáminu opnuðust augu mín
fyrir því hversu skemmtilegt starfið getur verið og eftir
að ég hafði útskrifast frá Háskóla Íslands varð „plan B“
í lífinu orðið að „plani A“.
Að vera kennari getur verið ótrúlega gefandi þegar
þú sérð árangur, þegar þú tekur eftir því að áhugi
nemenda á námsefninu hefur aukist og að þeir vilja
standa sig vel. Það eru þessi örsmáu augnablik sem
halda kennurum gangandi. Hins vegar getur það
líka gerst að markmið undirbúningsins næst ekki og
þá er um að gera að endurhugsa, ígrunda og skoða
aðrar leiðir, kveikjur o.þ.h. Óhætt er að segja að hugur
kennarans sé sístarfandi við að finna hugmyndir að
áhugaverðu námsefni og kennsluaðferðum. Starfið er
krefjandi og það er engin leið að fara heim og skilja
vinnuna eftir.
Á tímamótum
Ég veit ég stend mig vel í starfi, því að ég legg mig alla
fram við að koma til móts við nemendur og hugsa út
fyrir minn þægindaramma svo að nemendur njóti góðs
af. Einstaklingsmiðað nám er frábær hugsjón sem ég
vil að verði að veruleika þó að það sé kannski hægara
sagt en gert. Allt tekur þetta sinn tíma, en ég trúi því
fastlega, að jákvæð þróun verði í enskukennslu og
enskunámi á Íslandi í framtíðinni.
22 MÁLFRÍÐUR
Agnes Valdimarsdóttir,
enskukennari við Fjölbrauta
skólann við Ármúla.
Að fá til baka það sem þú setur út
„Ég lofa, Agnes, þetta verður auðveldara á næstu önn“
www.nams.is
Námsgagnastofnun • Víkurhvarf 3 • 203 Kópavogur • Sími 5350400
Få en god START og
bliv rigtig SMART
Í desember mun gagnvirkur vefur,
ætlaður sem ítarefni fyrir bækurnar
START og SMART, koma út á vef Náms-
gagnastofnunar. Til að byrja með
verða leikir með START aðgengilegir.
Leikirnir með START verða níu talsins.
Hver og einn leikur birtist sem eitt
púsl í 12 bita púsluspili. Þegar nem-
andi hefur lokið við leik, náð 80%
árangri eða meira, snýst það púsl við
og þá birtist mynd. Hugmyndin með
þeirri útfærslu er að vera hvatning
fyrir nemendur að ljúka við sem flesta
leiki til að sjá hvernig myndin lítur út.
Nýtt efni FRÁ
NÁMSGAGNASTOFNUN
DANSKA
Smil
Smil er námsefni í dönsku fyrir
unglingastig grunnskóla. Áhersla
er á alhliða hæfni nemenda til að
nota tungumálið í fjölbreyttum tilgangi og við ólíkar
aðstæður. Textarnir í bókinni eru fjölbreyttir og ríkulega skreyttir
myndum sem styðja við textann.
Markmið með myndunum er að hvetja, virkja og vekja áhuga nemenda
á efninu og hjálpa þeim að tileinka sér orðaforða. En einnig að gleðja.
Það sama gildir um textann, hann er fjölbreyttur og markmiðið með
honum er að koma til móts við áhugasvið nemenda og flétta saman
alla færniþætti tungumálanáms í leiðinni.
SMILNÁMSGAGNASTOFNUN 07099
Smil er kennslubók í dönsku fyrir unglingastig grunn-
skóla. Bókinni fylgja tvær vinnubækur. Hlustunaræfingar, talæfingar og kennsluleiðbeiningar
eru á vef NámsgagnastofnunarHöfundar eru Ásdís Lovísa Grétarsdóttir og Erna Jessen.
☺
☺
SMIL
opgavebog
A
B
opgavebok
A