Fréttir - Eyjafréttir - 26.10.2000, Blaðsíða 16
16
Fréttir
Fimmtudagur 26. október 2000
Prófasturinn í hátíðarskrúða:
Býður upp á vel
Jón Ingi Guðjónsson og Steinunn
Guðmundsdóttir, sem reka
Lundann, eru að færa út kvíamar
og hafa opnað skemmti- og
veitingastaðinn Prófastinn við
Heiðarveg. Þau riðu á vaðið um
síðustu helgi og buðu upp á
villibráðarkvöld og dansleik á eftir.
Húsnæðið, þar sem Prófasturinn
er til húsa, hefúr hýst margan
veitingastaðinn undanfarna
áratugi og má í því sambandi
nefna Gestgjafann, HB-pub,
Fjöruna og nú síðast Tímor. Sjálft
húsnæðið hefur ekki tekið ýkja
miklum breytingum í gegnum árin
nema hvað llakk hefur verið á
börum milli horna og misjafnt er
hvað snyrtimennskunni hefur
verið gert hátt undir höfði. En
grunninn lagði Pálmi Lór.
Staðurinn hefur fengið virkilega
andlitslyftingu hjá þeim Jóni Inga
og Steinunni og tekur Prófasturinn
fyrstu skrefin íklæddur
hátíðarskrúða. Ljósir litir eru
ráðandi sem gerir Prófastinn
bjartan og hlýlegan veitingastað.
Þannig tók hann á móti gestum á
laugardagskvöldið þar sem boðið
var upp á villibráðarkvöld.
Það er djarft uppátæki að opna
veitingastað með villibráðarkvöldi
því ef illa tekst til er erfitt að koma
staðnum á strik aftur. Þau höfðu
fengið til liðs við sig Hjálmar
Baldursson matreiðslumeistara og
matgæðingana Aðalstein
Baldursson, Heiðar Hinriksson og
Kristján Yngva. Hráefnið var sótt í
hefðbundna íslenska villibráð,
lofts, lagar og láðs og það
framreitt á hlaðborði. f forrétt var
í boði gæsasúpa sem kom
skemmtilega á óvart. Kjötréttirnir
voru fjölbreyttir. Mest bar á
fuglakjöti en einnig var boðið upp
á hreindýrakjöt og fjallalamb og
réttunum fylgdu viðeigandi sósur.
Sjávarréttahlutinn var að mestu
leyti hefðbundinn, reyktur lax og
grafinn, humar, skelfiskur,
gratineraðir réttir og steikt
rauðspretta. Kjötréttirnir
smökkuðust prýðilega en sá sem
þetta ritar féll fyrir fiskréttunum.
Allt var snyrtilega fram borið og
þjónusta var góð. Ekki skemmdi
að í upphafi var kynning á léttum
vínum þannig að sveitamenn í
vínum, eins og undirritaður er,
fengu tækifæri til að finna út hvaða
vín hentaði.
Hljómsveitin Fjórir bjórar lék
létta tónlist undir borðum og að
því loknu hækkuðu þeir sig og
buðu upp á danstónlist. Bjórarnir
skiluðu sínu með ágætum en eins
og stundum áður í
Vestmannaeyjum varð lítið úr
dansiballi.
Kannski verður breyting á þessu
í framtíðinni því Prófasturinn
verður stækkaður með tveimur
sölum á annarri hæð og eftir það
verður þarna 300 manna
skemmtistaður. Er stefnt að því að
framkvæmdum ljúki fyrir helgi.
Ó.G.
SALURINN hefur tekið
stakkaskiptum og er bæði
bjartur og hlýlegur.
Heilsuhorn
Hressó
Frá ruggustól
-að heilsuræktarstöðinni
Að halda því fram að allt eldra
fólk sé lasburða og eigi helst að
halda sig við sófann eða ruggustólinn
leiðiraðeins til ills. Tal af þessu tagi
er niðurdrepandi og getur orðið til
þess að viðhalda neikvæðu ástandi
einstaklingsins. Ef þú ferð að trúa
því að þú sért ekki í neinu ástandi til
að stunda líkamsæfingar þá muntu
ekki gera þær og aðgerðarleysið leið-
ir síðan til þess að þú ferð að finna til
ýmissa kvilla.
Besta úrræðið
Gefðu þér tíma til að komast að
hinu sanna í málinu. Talaðu við
heimilislækninn. Spurðu um mögu-
lega áhættu og hvað þú getir haft út
úr æfingunum. Finndu út hvaða
tegund æfínga henti þér best, hverjar
séu gagnlegastar, öruggastar og í
samræmi við þann hátt sem þú vilt
hafa á lífi þínu. Svo framarlega sem
þú átt ekki við alvarleg heilsufarsleg
vandamál að striða eru allar líkur á
því að læknirinn þinn muni leggja
blessun sína yfir að þú farir að stunda
reglubundnar líkamsæfingar. Þær
munu gera þér gott og hjálpa þér við
að lifa betra og innihaldsmeira lífi á
efri árum.
Það verður að segjast eins og er að
sumir læknar, hjúkmnarfólk og fé-
lagsráðgjafar og aðrir þeir sem starfa
í heilbrigðisgeiranum hafa ekki beint
verið meðvitaðir um mikilvægi
reglulegrar þjálfunar fyrir aldraða. I
dag hins vegar gera sífellt fleiri
læknar sér grein fyrir því að meira er
fólgið í góðri heilsu en það eitt að
vera ekki veikur eða veik og taka
verður upp ýmsa heilsubætandi lifn-
aðarhætti, þar á meðal líkamsæfingar
ef heilsan á að haldast góð til lengri
tíma litið. Þolfimiæfmgar geta verið
mjög fyrirbyggjandi gegn mörgum
kvillum og margt bendir til þess að
þær hafi ekki síður jákvæð áhrif á
heilsu eldra fólks en þeirra sem yngri
eru. Að mati ýmissa sérfræðinga
geta æfíngar komið í veg fyrir eða
bætt úr um helmingi af því líkamlega
hnignunarástandi sem yfirleitt er
tengt öldrun. Margt af því sem við
teljum eðlilega rýrnun á vöðvum
þegar aldurinn færist yfir hefur í raun
ekkert með öldrunina að gera, heldur
stafar hreinlega af hreyftngarleysi.
Þarna hafa æfingar augljóslega
mikið að segja og geta, eins og fyrr
sagði, bætt hið líkamlega ástand
verulega og dregið úr þessum svo-
kölluðu öldrunareinkennum.
HLAÐBORÐIÐ skartaði fjölbreyttu úrvali rétta úr villibráð. Heiðar Kristján Yngvi, Aðalsteinn og
Hjálmar áttu heiðurinn af því.
Lítil en hressileg bjórhátíð
MÁNABAR státar af því að halda
minnstu bjórhátíð í heimi og getur
það svo sem vel verið því ekki er
húsnæðið stórt. En það fara ekki
alltaf saman stærð og gæði og þegar
skemmtun er annars vegar eru það
þátttakendurnir gera útslagið. Það
sem upp á vantaði í stærðinni bætti
fólkið upp um síðustu helgi og úr
varð hressileg hátíð þar sem
bjórinn flaut í miklum mæli.
Þeir Mánabarsbændur, Tryggvi
Már og Sigfús Gunnar geta ekki
annað verið en ánægðir með viðtök-
umar því fullt var út úr dymm bæði
föstudags- og laugardagskvöld. Til að
skapa rétta stemmningu var öllum
húsgögnum hent út og í staðinn var
eitt langborð og bekkir. „Við urðum
að lok íyrir klukkan tvö bæði kvöldin
því fleiri komust ekki inn. Það mættu
nokkrir með gítara og héldu uppi
fjöldasöng og gerðu þeir sitt til að
skapa ógleymanleg kvöld,“ sagði
Sigfús Gunnar í samtali við Fréttir.
BIGGI Sveins lét sitt
ekki eftir liggja á
bjórhátíðinni og ekki
skemmir þegar hann
er meðal fagurra
kvenna.
ÞJÓRAÐ, sungið og spjallað á bjórhátíðinni.
fm * ' 'Jp .
í