Dagblaðið Vísir - DV - 14.08.2009, Blaðsíða 25

Hver er maðurinn? „Sveinn Waage,
maður dagsins í DV.“
Hvar ertu uppalinn? „Í Eyjum.“
Uppáhaldsstaður utan Íslands?
„Edinborg, Liverpool og Vestmanna-
eyjar.“
Hver er uppáhaldsmaturinn
þinn? „Lítið eldað naut, humar og
serrano á hlaupum.“
Ertu duglegur við húsverkin? „Er
með verkstjóra á heimilinu sem
útdeilir verkefnum en ég sé annars
um eldamennskuna og er svínklár á
þvottavélina.“
Hver er sagan á bak við Brian
McBastard? „Hann var búinn að lúra
lengi í mér og kom stundum í ljós á
sviði en núna var bara kominn tími til
að fara alla leið. Það sér ekki fyrir
endann á þeim ósköpum.“
Hvar steig hann fyrst á svið og
hvernig var honum tekið? „Hann
kom í fyrsta sinn fullskapaður fram á
200 manna árshátíð í apríl, innan um
misfræga útlendinga og eðalfólk.
Móttökurnar voru frábærar.“
Er hann algjör bastarður? „Já,
svona. Hann er alla vega mjög
kjarnyrtur og á það til að hvæsa út í
salinn. Sem dæmi: „You look like
Carlos Tévez, before the accident.“
Hefurðu æft skoska hreiminn
mikið? „Nei, ekki beint. Það hefur
lengi legið vel fyrir mér að pikka upp
mismunandi hreima eins og
páfagaukur. Skoskan er þó í uppáhaldi
og í mestri þjálfun.“
Nú er hann að halda í útrás,
hvernig kom það til? „Eftir fyrsta
opna uppistandið á Batteríinu fóru
hlutirnir að gerast. Ég er að skoða
málin, kostnað og slíkt. Þetta er
spurning um að hrökkva eða stökkva í
pilsinu.“
Er McBastard Celtic- eða Rangers-
aðdáandi? „Hann er hrifnari af Celtic,
enda syngja þeir sérlega fallegt lag á
sínum leikjum. “
Áttu fleiri svona karaktera á
lager? „Elvis-búningurinn var að
lenda.“
Verður IcesaVe-samnIngurInn samþykktur á alþIngI?
„Nei, ég held ekki.“
GUNNlaUGUR KaRlssoN
20 ára aTViNNuMaður Í MóTorkroSSi
„Nei ég á ekki von á því að þessi vitleysa
verði samþykkt. Við eigum ekki að vera
að borga annarra manna skuldir. Svo
efast ég um að við höfum efni á þessu.“
FRiðRiK stEiNGRÍMssoN
34 ára SENDiBÍLSTJóri
„Já, hann verður samþykktur.“
HaUKUR ÞoRstEiNssoN
43 ára VErkEfNaSTJóri BLuE MouNTaiN
„Já, ég held að hann verði samþykktur.
En með fyrirvörum þó.“
svERRiR ÞoRstEiNssoN
45 ára fraMkVæMDaSTJóri BLuE
MouNTaiN
Dómstóll götunnar
McBastard hvæsir
á salinn
„Ég vona að þetta verði ekki samþykkt.
Ég held að þjóðin hafi ekki efni á
þessu.“
RaGNaR Á. RúNaRssoN
22 ára HúSaSMÍðaNEMi
UppistaNdaRiNN svEiNN
WaaGE
hefur verið að slá í gegn með nýjum
skoskum karakter sem heitir Brian
McBastard. Móttökur hans hafa verið
svo góðar að nú hefur McBastard
verið boðið út að skemmta.
maður Dagsins
Á tröppunum á leikvangi fyrir utan
Nürnberg í Þýskalandi sitja nokkrir
strákar berir að ofan og grilla. Fyrir
neðan er hópur fólks að spila hjóla-
skautahokkí. Líklega væri senan ekki
svo merkileg, ef ekki hefði verið fyr-
ir það að 70 árum áður söfnuðust
hér 200.000 manns saman á flokks-
þingi nasista til að hylla leiðtoga
sinn, reiðubúnir að steypa Evrópu
í glötun. Það var einmitt á þessum
tröppum, þar sem grillið stendur nú,
sem leiðtoginn gekk eitt sinn í hinni
frægu mynd Leni Riefenstahl.
Í kjölfar seinni heimsstyrjald-
ar tóku Þjóðverjar þátt í að stofna
bandalag með nágrannaþjóðum sín-
um sem þróaðist yfir í að verða Evr-
ópusambandið. Þeir voru of öflugir
og of hættulegir til þess að fá að ráða
málum sínum alveg sjálfir. Núna eru
þeir svo samtvinnaðir álfunni að það
er nánast ógerlegt fyrir þá að steypa
henni aftur í glötun, jafnvel þó að
viljinn sé fyrir hendi.
Ísland, EsB og nasisminn
Líklega er þetta ástæðan fyrir því að
Evrópusambandið er svona spennt
fyrir því að fá Íslendinga til að gerast
meðlimi. Það er einmitt hannað til
þess að koma í veg fyrir að einstaka
þjóðir geti dregið alla álfuna niður
með sér. Íslendingar eru ekki stór-
þjóð eins og Þjóðverjar, en þeir hafa
nú átt sinn þátt í vandamálum álf-
unnar. Land eins og Ísland, sem er í
senn afskekkt en nútímavætt, og sem
tekur stórhuga ákvarðanir af miklum
galgopahætti, getur reynst heims-
byggðinni afar hættulegt ef að ekk-
ert eftirlit er haft með því. Það hefur
reynslan nú sannað. „Ísland er ríkt
land sem hegðaði sér óábyrgt og átti
sinn þátt í að efnahagskerfi heimsins
komst í ólag. Íslendingar verða nú að
taka lyfin sín,“ segir Simon Johnson,
fyrrum hagfræðingur Alþjóða gjald-
eyrissjóðsins sem kennir nú í MIT.
Þegar ég var yngri og fór fyrst að
hafa áhuga á sögu fannst mér nán-
ast óskiljanlegt hvernig heil þjóð
gat gengið hugmyndafræðistefnu á
hönd sem hlaut að leiða til hörm-
unga. Eftir að hafa orðið vitni að
því hvernig Íslendingar tóku frjáls-
hyggjuna upp á sína arma er mun
auðveldara að skilja fyrirbæri eins
og nasismann. Þó að þessar tvær
stefnur eigi fátt sameiginlegt eru þó
einstaka þættir í sögu þeirra svip-
aðir. Ótrúlegir sigrar nasista framan
af gerðu það að verkum að fólk hélt
áfram að trúa á nasismann, jafnvel
þó að hann væri í raun hruninn.
Þjóðverjar töpuðu stríðinu í ársbyrj-
un 1943, en héldu samt áfram að
berjast í rúm tvö ár þrátt fyrir það.
Mestur skaðinn var einmitt gerður
á þeim tveimur árum. Frjálshyggj-
an á Íslandi beið í raun skipbrot árið
2006, en samt hélt fólk áfram að trúa
í rúm tvö ár. Langmestur skaðinn,
svo sem Icesave-reikningarnir, var
einmitt gerður á þeim tíma eftir að
allt var í raun hrunið.
sannleikur og sátt
Ekki langt frá Nürnberg-leikvangin-
um er réttarsalurinn þar sem helstu
forkólfar nasismans, sem náðist í,
voru látnir gera upp sakir sínar fyrir
augum heimsbyggðarinnar og loks
dæmdir fyrir glæpi sína. Nasisminn
hefur aldrei síðan orðið afl í Þýska-
landi og mun líklega aldrei verða.
Í staðinn er þar blómlegt lýðræðis-
ríki. Í Rússlandi voru ekki sakir gerð-
ar upp með sama hætti eftir endalok
einræðisins þar, enda er varla hægt
að segja að þar ríki lýðræði í dag.
Vafalaust þurfa Íslendingar sína
eigin útgáfu af Nürnberg-réttarhöld-
unum. Það þarf að komast að því hver
bar ábyrgð á því að svo fór sem fór.
Menn mega ekki komast upp með
að þykjast ekki kannast við neitt. Og
hugsanlega þarf að refsa fyrir glæpi
sem ekki voru taldir glæpir á þeim
tíma sem þeir voru framdir. Það kann
að reynast nauðsynlegt ef við eigum
að læra af reynslunni. Og líklega þarf
Ísland að ganga í Evrópusambandið.
Sjálfstæðisflokkurinn er of hættuleg-
ur til þess að fá nokkurn tímann að
stjórna landi aftur eftirlitslaust.
Korputorgsréttarhöldin
mynDin
FjölMENNi Á MótMælUM Margt var um manninn á austurvelli á fimmtudag þegar haldinn var fundur til að mótmæla því að ríkisábyrgð yrði samþykkt vegna icesave-
samningsins án fyrirvara. MYNd RaKEl ósK
kjallari
umræða 14. ágúst 2009 föstudagur 25
valUR
GUNNaRssoN
rithöfundur skrifar
„Vafalaust þurfa
Íslendingar sína eigin
útgáfu af Nürnberg-
réttarhöldunum.“