Lögmannablaðið - 01.12.2006, Blaðsíða 6

6 < LÖGMANNABLAÐIÐ – 4 / 2006
Inngangur
Þann 1. janúar n.k. taka gildi hér á
landi lög nr. 64/2006 um aðgerðir gegn
peningaþvætti og fjármögnun hryðju-
verka. Um er að ræða innleiðingu til-
skipunar Evrópuþingsins nr. 2005/60/
EB sem byggð er á vinnu alþjóðlegs
vinnuhóps FATF (Financial Action
Task Force on Money Laundering).
Tilskipunin hefur reyndar ekki verið
felld inn í EES-samninginn enn sem
komið er en íslensk stjórnvöld ákváðu
hins vegar að innleiða hana um leið og
nýjar reglur um aðgerðir gegn peninga-
þvætti og fjármögnun hryðjuverka.
Hertar kröfur til
lögmanna
Nýju lögin gera umtalsvert meiri kröf-
ur til lögmanna en þær reglur sem gilt
hafa fram til þessa og mikilvægt fyrir
félagsmenn LMFÍ að kynna sér vel efni
þeirra. Með lögunum eru m.a. gerðar
mun strangari kröfur um áreiðanleika-
könnun lögmanna á umbjóðendum
sínum, hvort heldur sem er áður en
þeir taka að sér hagsmunagæslu fyrir
þá eða á meðan slíkri hagsmunagæslu
stendur. Einnig þurfa lögmenn að
tilnefna sérstakan ábyrgðarmann úr
hópi stjórnenda sem ber að annast
tilkynningar til lögreglu. Lögmenn
þurfa einnig að setja sérstakar skrif-
legar innri reglur, viðhafa innra eftirlit
og gera skriflegar skýrslur um allar
grunsamlegar og óvenjulegar færslur
sem verða við framkvæmd verkefna
fyrir umbjóðendur. Þá er lögmönnum
einnig skylt sjá til þess að starfsmenn
þeirra hljóti sérstaka þjálfun. Hér á
eftir verður reynt að stikla á stóru yfir
þau atriði sem lögmenn þurfa sérstak-
lega að huga að í rekstri sínum til að
uppfylla þær skyldur sem lögin leggja
þeim á herðar en lögmenn eru jafn-
framt hvattir til að kynna sér þær nýju
kvaðir sem lögin leggja á þá og ekki
síður hvenær þær eiga við.
Gildissvið
Samkvæmt f. lið 1. mgr. 2. gr. lag-
anna eiga þau við um lögmenn þegar
þeir sjá um eða koma fram fyrir hönd
umbjóðanda síns í hvers kyns fjármála-
eða fasteignaviðskiptum og þegar þeir
aðstoða við skipulagningu eða fram-
kvæmd viðskipta hvað varðar kaup og
sölu fasteigna eða fyrirtækja, sjá um
umsýslu peninga, verðbréfa eða ann-
arra eigna umbjóðanda síns, opna eða
hafa umsjón með banka-, spari- eða
verðbréfareikningum, útvega nauðsyn-
legt fjármagn til að stofna, reka eða
stýra fyrirtækjum eða stofna, reka eða
stýra fjárvörslusjóðum, fyrirtækjum og
áþekkum aðilum. Eins og sjá má af
þessari upptalningu ná lögin til mjög
mikilvægra þátta í störfum lögmanna
sem þeir koma að í hagsmunagæslu
fyrir umbjóðendur sína.
Áreiðanleikakönnun
Kveðið er á um það í 4. gr. laganna að
lögmönnum sem og öðrum tilkynn-
ingarskyldum aðilum beri að kanna
áreiðanleika viðskiptamanna sinna við
upphaf viðvarandi samningssambands
og eins vegna einstakra viðskipta að
fjárhæð 15.000 evrur eða meira og
gjaldeyrisviðskipta að fjárhæð 1.000
evrur eða meira. Skiptir þá ekki máli
hvort þessi viðskipti fara fram í einni
færslu eða fleirum sem virðast tengjast
hverri annarri. Samkvæmt ákvæðinu
vaknar þessi könnunarskylda einn-
ig þegar grunur leikur á um peninga-
þvætti eða fjármögnun hryðjuverka án
tillits til undanþágna eða takmarkana
af neinu tagi. Einnig þegar vafi leikur
á því að fyrirliggjandi upplýsingar um
viðskiptamann séu réttar eða nægilega
áreiðanlegar.
Jafnframt eru gerðar ítarlegar kröfur til
þess að væntanlegir umbjóðendur upp-
lýsi um tilgang fyrirhugaðra viðskipta
og sanni á sér deili áður en samnings-
sambandi er komið á. Einstaklingum
er þannig gert að framvísa persónuskil-
ríkjum sem gefin eru út af opinberum
aðila en lögaðilum með framlagningu
vottorðs úr fyrirtækjaskrá ríkisskatt-
stjóra eða sambærilegri opinberri skrá
með heiti, heimilisfangi og kennitölu
eða álíka upplýsingum. Ber að varð-
veita ljósrit af persónuskilríkjum og
öðrum þeim gögnum sem krafist er,
eða fullnægjandi upplýsingar úr þeim,
í a.m.k. fimm ár frá því að viðskiptum
lýkur.
Reglubundið eftirlit
En það er ekki bara við upphaf við-
skipta sem eftirlitskrafan er virk held-
ur er tilkynningarskyldum aðilum gert
skylt samkvæmt 6. gr. laganna að hafa
Ingimar Ingason
Ný lög um aðgerðir
gegn peningaþvætti o.fl.
F
í
t
o
n
/
S
Í
A
Er þín starfsemi tryggð?
Þú færð starfsábyrgðartryggingu lögmanna hjá VÍS sem býður fjölbreytt úrval
vátrygginga fyrir einstaklinga og fyrirtæki.
Samkvæmt lögum nr. 77/1998 þurfa lögmenn að hafa starfsábyrgðartryggingu.
Tryggðu þína ábyrgð og hringdu í síma 560 5000.
Þar færðu allar nánari upplýsingar.
Vátryggingafélag Íslands Ármúla 3 108 Reykjavík Sími 560 5000 www.vis.is
Þar sem tryggingar
snúast um fólk
C
M
Y
CM
MY
CY
CMY
K
Starfsab.tr. logmanna, A4 augl.aPage 1 11/28/06 5:23:54 PM