Lögmannablaðið - 01.12.2006, Blaðsíða 17

LÖGMANNABLAÐIÐ – 4 / 2006 > 7
enn á ný þurfti að setja töskur á gegn-
umlýsingarfæriband og losa vasana
áður en gengið var í gegnum örygg-
ishlið. Þá loksins var hópnum treyst
til að stíga fæti inn fyrir dyr glæsilegs
dómsalar þar sem hátt er til lofts og
vítt til veggja.
Fyrir dóminum var flutt málið Barrett
v. Rosenthal og áður en málflutning-
ur hófst fengu viðstaddir afhenta litla
bæklinga þar sem gerð var grein fyrir
helstu ágreiningsatriðum þeirra sex
mála sem taka átti fyrir þennan dag og
þann næsta. Áður en dómararnir gengu
í salinn gerði Ohlrich grein fyrir helstu
reglum sem gilda um málflutning fyrir
dómstólnum, svo sem eftir hvaða
reglum væri farið þegar dómurunum
sjö er skipað til sætis við dómaraborðið
og hversu langan tíma málflytjendur
hefðu til að flytja mál sitt auk þess sem
hann fór nokkrum orðum um gríðar-
stórt freskumálverk sem blasir við yfir
höfðum dómaranna.
Það vakti athygli mína að dómararnir
spurðu málflytjendur spurninga um
hin ýmsu atriði á meðan á málflutn-
ingi stóð. Þá voru dómararnir ófeimn-
ir við að leggja fyrir málflytjendurna
spurningar almenns eðlis sem virtust
ekki snerta málið með beinum hætti.
Allt fór vel fram og greinilegt að bæði
Helgi Jóhannesson þakkar
Frederick K. Ohlrich fyrir
höfðinglegar móttökur í
Hæstarétti.
dómarar og málflytjendur eru vanir
slíkri tilhögun. Eftir málflutninginn
vorum við leidd í rúmgóðan fundarsal
þar sem Ohlrich gaf okkur kost á að
koma að enn fleiri spurningum sem
hann svaraði vel og greiðlega.
Heimsóknin í Hæstarétt Kaliforníu
var fróðleg og upplýsandi og var
ferðin í heild vel skipulögð, fræðandi
og skemmtileg – eins og góðar ferðir
eiga að vera.
Arnfríður Einarsdóttir héraðsdómari.
Hluti hópsins fyrir utan Hæstarétt.