Lögmannablaðið - 01.12.2006, Blaðsíða 14

4 < LÖGMANNABLAÐIÐ – 4 / 2006
Föstudaginn 20. október s.l. fór fram í
blíðskaparveðri hið árlega meistaramót
LMFÍ í knattspyrnu utanhúss. Mótið
fór fram á gervigrasvelli Frammara í
Safamýrinni.
Mikill áhugi var á mótinu meðal
félagsmanna og mættu sjö lið til leiks
sem er metþátttaka. Er gaman að sjá
hve hinir „yngri“ í félaginu hafa tekið
við sér við knattiðkunina. Átta lið
voru reyndar skráð til leiks en lið Lex
og co. afboðaði þátttöku sína á síð-
ustu stundu sökum skyndiákvörðunar
faglegs framkvæmdastjóra Lex hf. um
vinnufund.
Vegna liðafjölda var leikið í tveim-
ur riðlum. Var riðlakeppnin jöfn og
spennandi eins og sjá má á úrslitum.
A riðill:
1) Pacta.
2) Fullheimtan.
3) RogL.
4) Glettnir.
B riðill:
1) Logos FC.
2) Líndal.
3) Lögfræðistofa Rvk. á Mörkinni
(LRM).
Sögulegt meistaramót LMFÍ í knattspyrnu:
Nýtt nafn á bikarinn!
Riðill:
A: Pacta - Fullheimtan 1-3
A: RogL - Glettnir 0-5
B: Logos FC - Líndal 0-3
A: Pacta - RogL 0-3
B: LRM - Logos FC 2-3
A Fullheimtan - Glettnir 1-2
B: Líndal - LRM 0-1
A: Pacta - Glettnir 2-2
A: Fullheimtan - RogL 2-0
A riðill lokastaða:
Glettnir 2 1 0 9:3 7
Fullheimtan 2 0 1 6.3 6
RogL 1 0 2 3:7 3
Pacta 0 1 2 3:8 1
B riðil lokastaða:
Líndal 1 0 1 3:1 3
LRM 1 0 1 3:3 3
Logos 1 0 1 3:5 3
Lið Glettnis sigraði í A riðli en liðið er
skipað starfsmönnum Glitnis banka.
Lið Fullheimtunnar var í öðru sæti
eftir hreinan úrslitaleik við gamla stór-
veldið Reynslu og Léttleika.
Í B riðli urðu öll lið jöfn að stigum
og markatalan réði hvaða lið komust
í úrslit.
Undanúrslitaleikirnir voru sérlega
spennandi og enduðu báðir í fram-
lengingu. Lið Glettnis sigraði lið LRM
með marki á síðustu mínútu framleng-
ingar en í hinum leiknum sigraði lið
Fullheimtunnar nokkuð óvænt sterkt
lið Líndals, 3-1.
Var því ljóst að nýtt nafn yrði skráð
á bikarinn en hingað til höfðu gömlu
stórveldin Reynsla og Léttleiki og
Grínarafélagið (Lögfræðistofa Reykja-
víkur á Mörkinni) ein liða sigrað á
mótinu.
Leikur Fullheimtunnar og Glettnis var
fjörugur og spennandi en endaði með
öruggum sigri þeirra Fullheimtumanna
sem voru vel að sigrinum komnir.
Samtals sigraði liðið í 4 leikjum og
tapaði einum leik. Til hamingju með
sigurinn Fullheimtumenn.
Ritnefndin.
Lið Glettnis (í rauðum búningum)
tapaði gegn liði Fullheimtunnar
(í ljósbláum búningum) í gríðarlega
spennandi úrslitaleik.