Lögmannablaðið - 01.12.2006, Blaðsíða 36
36 < LÖGMANNABLAÐIÐ – 4 / 2006
Dómur Hæstaréttar
9. nóvember 2006 í máli nr.
150/2006, Bjarkar Sæbjörn
Adolfsson gegn Sjóvá-
Almennum tryggingum hf.
Málavextir
Málavextir voru þeir að áfrýjandi varð
fyrir slysi þegar hann var að flytja
óökufæra bifreið milli staða með sér-
útbúinni dráttarbifreið. Hluti af bún-
aði dráttarbifreiðarinnar er hjólastell
sem nefnt er „dollý“, sem er sett undir
laskaðan hjólabúnað bifreiða svo hægt
sé að draga þær. Slysið varð þegar
áfrýjandi var að losa laskaða bifreið af
hjólastellinu með þar til gerðri járn-
stöng sem er hluti búnaðarins. Við
þetta losnaði járnstöngin úr spennu-
stöðu og slengdist af miklu afli í höfuð
áfrýjanda sem slasaðist alvarlega við
höggið.
Notkun eða ekki notkun bif
reiðar
Í málinu reyndi á hvort slys áfrýj-
anda yrði rakið til notkunar ökutækis
í skilningi 2. mgr. 92. gr. sbr. 88. gr.
umferðarlaga nr. 50/1987 með síðari
breytingum.
Umræddur búnaður bifreiðarinnar,
hið svokallaða dollý, er hvorki knúinn
sérstaklega af aflvél dráttarbifreiðarinn-
ar né áfastur við hana. Búnaðurinn
fylgir hins vegar dráttarbifreiðum eins
og þeirri sem áfrýjandi átti og vann við
og er hluti af sérhæfðum fylgibúnaði
slíkra dráttarbifreiða. Búnaðurinn er
nauðsynlegur þegar bifreiðir með lask-
aðan hjólabúnað eru fluttar. Afferm-
ingu bifreiðarinnar var ekki lokið þegar
slysið varð.
Í ákvörðunarástæðum Hæstaréttar
kemur fram að afferming skemmdrar
bifreiðar frá dráttarbifreið sé þáttur í
notkun þeirrar síðarnefndu. Svo segir
orðrétt:
„Samkvæmt framanrituðu varð slys
áfrýjanda við notkun tækis sem heyrði
til eðlilegs og nauðsynlegs búnaðar drátt
arbifreiðar og við venjubundin not henn
ar sem slíkrar. Áfrýjandi átti dráttarbif
reiðina og notaði hana í rekstri sínum. Í
umrætt sinn var hann að afferma lask
að ökutæki sem hann var að flytja með
dráttarbifreiðinni og var því við stjórn
hennar í skilningi 92. gr. umferðarlaga
nr. 50/1987. Eins og aðstæðum er hér
háttað skulu stefndu bera fébótaábyrgð
á tjóni áfrýjanda samkvæmt 2. mgr. 92.
gr., sbr. 88. gr. umferðarlaga, sbr. 2. gr.
laga nr. 32/1998.“
Þá var ekki talið að áfrýjandi ætti að
bera tjón sitt að einhverju leyti sjálfur.
Vilhjálmur H. Vilhjálmsson, hrl.
Dollý-dómurinn
Suðurlandsbraut 24 • gutenberg.is • Sími 545 4400