Skírnir - 01.01.1960, Page 136
134
Halldór Halldórsson
Skírnir
úr örnefnum. Tveir menn hétu svo 1910. Fjögur börn voru
skírð þessu nafni 1921—40.
Kimbi var viðumefni á landnámsöld og er einnig kunnugt
úr örnefni. Einn fslendingur með þessu nafni var uppi á 13.
öld.
Kimbli kemur fyrir á 14. öld í föðurnafni. Er því ekki loku
fyrir það skotið, að það hafi verið viðurnefni.
Kjaran kemur fyrir á landnámsöld, er auk þess í örnefnum
og nú notað sem ættarnafn. Þrjú hörn voru skírð þessu nafni
1921—50, þó ekki sem aðalnafni.
Knakan kemur fyrir í föðurnafni Brands Knakanssonar,
sem var uppi um 1200.
Mýrkjartan hét einn íslendingur samkvæmt manntalinu
1910. Að öðru leyti er það nafn ókunnugt sem íslenzkt manns-
nafn.
Patrekur er ókunnugt sem nafn á fslendingum að fornu.
Einn Patrek er nefndur í manntalinu 1910, og eitt barn var
skírt Patrekur á tímabilinu 1941—50.
d) Nokkur írsk nöfn hafa náð rótfestu innan íslenzka nafna-
forðans, sum þeirra þó aðeins um skeið. Nöfnin eru þessi:
Brjánn kemur fyrir í bæjarnafninu Brjánslœkur. Tveir
menn hétu þessu nafni á 15. öld, og nafnið tíðkast lítillega nú.
Þrjú börn voru skírð þessu nafni 1921—50.
Dufgus var allmikið notað á fyrstu öldum íslandsbyggðar,
en virðist svo hafa fallið úr tízku.
Erpr kemur fyrir á landnámsöld og tíðkaðist fram á 12.
—13. öld, en mun þá hafa fallið úr tízku.
Kjartan hefir að líkindum tíðkazt á öllum öldum íslands-
byggðar, t. d. báru 15 það nafn 1703. 261 barn var skírt þessu
nafni 1921—50.
Konáll var notað frá landnámsöld fram á 13. öld, en virð-
ist þá falla úr tízku.
Kormakr var notað frá landnámsöld fram á 14. öld, fellur
þá úr tízku. Enginn bar það nafn 1703, 1855 né 1870. Einn
Kormákur er í manntalinu 1910, svo að segja má, að nafnið
hafi verið endurlífgað. Fjögur börn voru skírð þessu nafni
1921—50.