Skagfirðingabók - 01.01.1970, Blaðsíða 178
SKAGFIRBINGABÓK
sér vænan sopa úr því, síðan stakk hann pelanum í vasa sinn aftur og
hélt inn í kirkju og beint í stólinn og fór að prédika eins og ekkert
hefði í skorizt.
Eitt sinn var síra Páll að gefa saman hjón í Knappsstaðakirkju.
Fyrr meir var siður að hringja kirkjuklukkunum að hjónavígslu lok-
inni. En í þetta skipti var það annaðhvort, að enginn tók sér fram
um að hringja klukkunum, eða að presti hefir leiðzt eftir hringing-
unni. Og nokkuð er það, að þegar allir höfðu þagað nokkra stund
á eftir vígslunni, snýr prestur sér að söfnuðinum, klappar saman lóf-
unum og segir: „Það er sama sem hringing, rýjan mín". „Rýjan mín"
var orðtæki hans.
Einu sinni byrjaði síra Páll hjónavígsluræðu þannig: „Allar skepn-
ur vilja maka, og þú líka, Guðbjörg mín".
Síra Páll var léttleikamaður hinn mesti og glíminn með afbrigð-
um á sínum yngri árum. Var hann annálaður fyrir það í skóla, enda
kom það honum vel, því að oft átti hann smásökótt við skólabræður
sína.1 Mig minnir, að faðir minn segði mér, að eitt sinn hefði
skólabræður hans hótað að ganga af honum dauðum. Varð þá Páll svo
hræddur, að hann skreið út um reykháfinn og hljóp burtu og faldi sig
eina tvo daga.
Húnsstaðir eru hjáleiga frá Knappsstöðum og næsti bær. Land-
seti síra Páls hét Runólfur. Venjulega kom þeim vel saman og voru
mestu mátar. Einu sinni bar þó út af því. Þeir komu báðir úr Siglu-
firði og voru báðir fullir og síra Páll þó meira. Segir ekki af ferðum
þeirra, fyrr en þeir eru komnir niður undan Stóra-Holti. Þá sést
heiman að þaðan, að þeir fara báðir af baki og saman um leið. Urðu
nokkrar sviptingar með þeim, en þó fór svo, að prestur varð undir,
og grúfir Runólfur sig yfir hann. Leizt mönnum þá ekki á blikuna
og hlupu þangað, en það var stutt leið. Þegar að var komið, lá prestur
upp í loft og hafði Runólfur rekið upp í hann járnbúna svipu stóra,
er hann var með, og studdi fast á. En svo hélt síra Páll fast með
1 J- J-: „Þótti Páll standa framarlega að allri fimi, en ekki var hann karl-
menni að sama skapi".
176