Skólavarðan - 01.05.2008, Blaðsíða 24
24
FRéTTIR OG TILKYNNINGAR
SKÓLAVARÐAN 3.TBL. 8. ÁRG. 2008
Aðalfundur Kennarafélags Reykjavíkur var haldinn 30. apríl sl. á Hótel Loftleiðum. Fjölmennt
var á fundinum og hann þótti takast vel að sögn fundargesta og umræður góðar. Fyrir
fundinum lágu tillögur um lagabreytingar sem samþykktar voru með þorra atkvæða. Með
lagabreytingunum var hnykkt á hlutverki félagsins og hlutverk þess skýrt enn frekar. Kosið
var til stjórnar og var Þorgerður Laufey Diðriksdóttir endurkjörin formaður til næstu tveggja
ára. Eiríka Ólafsdóttir, Hjördís Þórðardóttir og Sigrún Ólafsdóttir voru allar endurkjörnar
til tveggja ára. Jafnframt voru þær Þóra Elísabet, Kjeld, Þóra Kristinsdóttir og Þórunn Sif
Böðvarsdóttir kosnar í uppstillingarnefnd til næsta aðalfundar. Skoðunarmenn reikninga KFR
eru Ágúst Benediktsson og Jenný Guðrún Jónsdóttir til vara eru þær Katrín Ragnarsdóttir
og María Kristín Thoroddsen. Stjórn Kennarafélags Reykjavík skipa því Þorgerður Laufey
Diðriksdóttir formaður, Eiríka Ólafsdóttir, Hjördís Þórðardóttir, Ólafur Örn Pálmarsson,
Kristbjörn Árnason, Lilja Margrét Möller og Sigrún Ólafsdóttir. Lesið um aðalfund KFR á
heimasíðu félagsins, www.kennarar.is
Formaður Kennarasambandsins
hyggst hætta að loknu því
kjörtímabili sem er nýhafið
Eiríkur Jónsson nýendurkjörinn formaður KÍ
sleit 4. þingi þess þann 11. apríl sl. og tæpti
á nokkrum málum sem til umræðu höfðu
verið. Hann fagnaði góðri umræðu um hin
ýmsu mál en sagði jafnframt að honum þætti
leitt að ályktun gegn háum vöxtum hefði
ekki verið samþykkt. „Vextir eru kjaramál,“
sagði Eiríkur, „og er það ekki svolítið skrítið
að sama dag (þ.e. 10. apríl, innskot blm.)
og þing KÍ tekur út tillögu um vexti þá setur
Ísland heimsmet í háum vöxtum?“
Eiríkur upplýsti jafnframt að nú færi í hönd
síðasta kjörtímabil hans sem formanns og
hann vildi tilkynna það strax til þess að fólk gæti
farið að velta fyrir sér hvort það hefði áhuga
á að bjóða sig fram að þremur árum liðnum.
Hann sagði að án þess að hann ætlaði að segja
arftaka fyrir verkum teldi hann að það væri eitt
sem nýr formaður þyrfti nauðsynlega að gera,
þ.e. að slíta sig frá því aðildarfélagi sem hann
hefði tilheyrt og ætti rætur sínar í til að geta
þjónað öllum félagsmönnum. Eiríkur þakkaði
fráfarandi stjórnar- og nefndarmönnum, bauð
nýtt fólk kærlega velkomið og sagði fjórða
þingi KÍ slitið.
Á fjórða hundruð manns sóttu Ráðstefnuna
Rödd barnsins sem haldin var í Borgar-
leikhúsinu föstudaginn 18. apríl sl. Á
ráðstefnunni var fjallað um leiðir til að
hlusta á raddir leikskólabarna og hvernig
tryggt verði að börn hafi áhrif á viðfangsefni
sín og umhverfi.
Fyrirlesarar ráðstefnunnar voru:
Sue Dockett prófessor við Charles Sturt
University í Ástralíu fjallaði um mismunandi
aðferðir til að hlusta á börn. Hún fjallaði
jafnframt um af hverju hlustað er á sjónarhorn
barna, hvernig þau geta haft áhrif á rannsóknir og hvaða gagn er í því að hlusta á börn.
Einnig gaf hún dæmi um mismunandi aðferðir til að nálgast börn og fjallaði um hvað er gert
í framhaldi af því að hlusta á raddir barna. Viðtal við Sue er í næsta tbl. Skólavörðunnar.
Jóhanna Einarsdóttir prófessor við KHÍ fjallaði um um ólíka sýn á börn og hvernig sú sýn
mótar það starf sem unnið er með börnum í leikskólum og hefur áhrif á hvernig rannsóknir
eru unnar með börnum. Jafnframt voru skoðuð mismunandi viðhorf til þátttöku barna í
ákvarðanatöku og rannsóknum. Fjallað var um kosti og galla ólíkra rannsóknaraðferða og
velt upp ýmsum álitamálum í rannsóknum með ungum börnum.
Kristín Dýrfjörð lektor við HA. fjallaði í fyrri hluta fyrirlestursins um lýðræði, gerði grein
fyrir kenningu Nussbaum um lýðræði og tengsl hennar við leikskólastarf. Í seinni hlutanum
fjallaði hún um uppeldisfræði hlustunar og var sérstaklega litið til hugmyndafræði tengda
hlustun sem rakin er til leikskólastarfs í Reggio Emilia á Ítalíu.
Anna Magnea Hreinsdóttir doktorsnemi við HÍ fjallaði um mat barna á leikskólastarfi og
gerði grein fyrir niðurstöðum rannsóknar sinnar. Niðurstöður rannsóknarinnar sýna að börn
mynda sér auðveldlega skoðun á ýmsum þáttum í tilveru sinni og eiga auðvelt með að láta
hana í ljós þegar eftir henni er leitað. Niðurstöður rannsóknarinnar benda til þess börn geti
tekið þátt í mati á leikskólastarfi og að sjónarmið þeirra geti leitt til breytinga á starfinu séu
þau nýtt til úrbóta.
Leikskólasvið Reykjavíkurborgar stóð fyrir ráðstefnunni í samstarfi við RannUng
(Rannsóknarstofu í menntunarfræðum ungra barna, við Kennaraháskóla Íslands).
Sumarnámskeið Samtaka móðurmálskennara 2008 verður haldið á Hótel Flúðum
5.- 6. september n.k.
Líkt og í fyrra verður haldið tveggja daga námskeið sem hefst á hádegi á föstudegi og
lýkur síðdegis á laugardegi. Námskeiðið er ætlað móðurmálskennurum í grunn- og fram-
haldsskólum.Viðfangsefnið verður bókmenntir og bókmenntakennsla. Góðir gestir munu
flytja fyrirlestra og farið verður í vettvangsferð í Skálholt. Undirbúningur námskeiðsins
stendur yfir og er áhugasömum bent á að fylgjast með fréttum af námskeiðinu á heimasíðu
SM, www.ki.is/sm
Samtök móðurmálskennara
þrjátíu ára
Þrjátíu ára afmæli Samtaka móðurmáls-
kennara var fagnað á fjölmennum vor- og
aðalfundi þeirra í Flensborgarskóla í
Hafnarfirði 2. maí.
Þrír fyrirlesarar töluðu á vorfundinum:
Höskuldur Þráinsson prófessor í HÍ sagði frá
niðurstöðum úr viðamikilli rannsókn á til-
brigðum í íslenskri setningagerð sem nú er
verið að kynna og vinna úr. Sigurbjörg Einars-
dóttir, íslenskukennari og menntunarfræð-
ingur, flutti erindi þar sem hún fjallaði um
markmið og aðferðir í bókmenntakennslu í
framhaldsskólum. Erindið byggði hún að hluta
á starfsrýni sinni frá síðasta ári. Þorvaldur
Þorsteinsson, rithöfundur og myndlistamað-
ur rak lestina og fjallaði um mikilvægi þess
að virkja sköpunarkraft unglinga um leið
og hann gagnrýndi eitt og annað í náms-
efni og aðferðafræði móðurmálskennara.
Tveir hafnfirskir verðlaunahafar úr Stóru
upplestrarkeppninni fluttu ljóð.
Samtök móðurmálskennara voru form-
lega stofnuð júní 1978. Þá voru lög um
Samtökin samþykkt og fyrsta stjórn kosin.
Hana skipuðu: Indriði Gíslason, Kolbrún
Sigurðardóttir, Ólafur Víðir Björnsson, Þórður
Helgason og Bjarni Ólafsson. Stofnendur
félagsins voru gerðir að heiðursfélögum á 30
fundinum og var afhent heiðursskjal því til
staðfestingar.
Félagar SM eru nú 560 og starfsemin í
nokkuð föstu fari. Félagið stendur fyrir náms-
keiðahaldi og gefur út málgagn sitt Skímu
sem er mikilvægasta framlag Samtakanna
til móðurmálskennara og annarra sem áhuga
hafa á starfi þeirra.
Félagsmenn! Kynnið ykkur lög
Kennarasambandsins með nýsamþykktum
breytingum á www.ki.is á undirsíðunni
Þingsamþykktir eða undir Um KÍ/Lög KÍ.
Formaður endurkjörinn
Gagnlegt að hlusta á börn og skemmtilegt líka
Sue Dockett
Móðurmálskennarar á Flúðir í haust