Skólavarðan - 01.05.2008, Blaðsíða 28
28
FRéTTIR OG TILKYNNINGAR
SKÓLAVARÐAN 3.TBL. 8. ÁRG. 2008
Guðrún Alda Harðardóttir tók
nokkrar myndir af okkar fólki í
Kennarasambandinu á verkalýðs-
daginn. Skólavarðan rændi tveimur
þeirra góðfúslega af bloggi Kristínar
Dýrfjörð, roggur.blog.is
Kristín Dýrfjörð bloggar oft um
skóla og kennara, sérstaklega á
fyrsta skólastiginu, leikskólanum.
Fremur fáir kennarar láta að sér
kveða á blogginu en þeir eru engu
að síður nokkrir.
Lesendur mega gjarnan hafa sam-
band við kristin@ki.is ef þeir vita
um einhvern góðan bloggara í
kennarastétt.
Þann 29. maí næstkomandi kl. 13.00–17.00
verður haldið málþing í Kennaraháskóla
Íslands um menntun kennara.
Á málþinginu verður rætt um þróun kenn-
arastarfsins í ljósi samfélagsbreytinga og
menntun kennara til framtíðar. Megin-
markmið með málþinginu er að fá fram
sjónarmið hagsmunaaðila leik-, grunn- og
framhaldsskóla um áherslur í kennaranámi
út frá þörfum hvers skólastigs. Á málþinginu
skapast vettvangur fyrir umræður og hug-
myndavinnu sem nýtist m.a. við skipulag og
mótun kennaranáms.
Inngangserindi flytur Jón Torfi Jónasson
prófessor í uppeldis- og menntunarfræði
við Háskóla Íslands. Einnig ávarpa þingið
fulltrúar foreldra og framhaldsskólanema.
Síðan taka til starfa umræðuhópar þar sem
þátttakendur ræða hugmyndir sínar um
kennaramenntun og inntak kennaranáms.
Að málþinginu standa Kennaraháskóli Ís-
lands, Kennarasamband Íslands, Samband
íslenskra sveitarfélaga, Heimili og skóli, Há-
skóli Íslands og Menntamálaráðuneytið.
Málþingið er liður í dagskrá í tilefni af
100 ára afmæli Kennaraskólans – Kennara-
háskóla Íslands.
Málþingið er öllum opið og þátttakendum að
kostnaðarlausu.
Kennarar í Englandi og Wales fóru í sitt fyrsta verkfall í 21 ár þann 24. apríl sl. Það
stóð yfir í einn sólarhring eins og lagt hafði verið upp með. „Við erum orðin hundleið á
sívaxandi verðbólgu og launum sem halda engan veginn í við hana“, sagði Leanne Hahn
leikskólakennari frá Norður-London í viðtali við Reuters fréttastofuna. Leanne er í hópi
þúsunda kennara sem gengu um götur Lundúna þennan dag með mótmælaspjöld sem á
stóð „Nei við launalækkunum“ og „Engar ólaunaðar vinnustundir”. Athyglisvert var að allir
stjórnmálaflokkar landsins fordæmdu verkfallið. Stefna Gordons Browns er að halda launum
lágum út frá þeirri hugmyndafræði að þannig megi takast að koma böndum á verðbólgu –
ef marka má viðbrögð stjórnmálamanna við sólarhringsverkfallinu eru þeir allir sammála
Brown. Kennurum var meðal annars núið um nasir að vinna gegn menntun og send þau
skilaboð að þeir ættu að hafa „No Strike“ stefnu í samtökum sínum. Launahækkunin sem
kennarar fóru fram á var 4,1% í stað 2,45% eins og til stendur.
Á 4. þingi KÍ í apríl sl. kom Gísli Þór Sigurþórsson kennari í MS í pontu og lýsti yfir stuðningi
við tillögu um árleg framlög til þróunarstarfs í löndum þar sem kennarar og skólastarf á
erfitt uppdráttar vegna stríðsátaka eða annarra hörmunga. Þá sagði Gísli: „Við erum rík
þjóð með langa lýðræðishefð. Við ættum að samþykkja að ef breskir kennarar fara í verkfall
leggjum við fimmtíu milljónir í þeirra verkfallssjóð!“ Ekki varð af því að þessu sinni en það er
full þörf á að styðja félaga okkar í Bretlandi með ráðum og dáð, innan sem utan verkfalls.
Mjög áhugaverð námsstefna er haldin á
Sauðárkróki 15. maí. Hugsanlegt er að
Skólavarðan hafi borist fólki tímanlega og
það geti hent aukasokkum og vatnsbrúsa
ofan í dagpokann og drifið sig á Krókinn –
ef það er þá ekki þar fyrir.
Námsstefnan heitir Að læra úti – útinám
og skólastarf. Hún er í sal Fjölbrautaskóla
Norðurlands vestra (FNV) og stendur yfir frá
klukkan tvö til sex eða þar um bil. Auk mjög
spennandi fyrirlestra um ævintýraferða-
mennsku, hálendisferðir með nemendum,
útinám í leikskólum og framhaldsskólum,
útieldun og fleira skemmtilegt verður boðið
upp á ratleik með veglegum vinningum. Þá
er á námsstefnunni kynning á áttavitum
og ratleikjabúnaði frá Recta fyrir skóla frá
Rakó ehf. og kynning á vörum til útieldunar
frá Muurikka.
Dagskrá og allar nánari upplýsingar
eru á www.ki.is
Sólarhring í verkfalli
Okkar fólk á 1. maí
og kennarablogg
Málþing um kennara-
menntun á tímamótum
Hvernig kennara þarf samfélag
framtíðarinnar?
Útinám og skólastarf