Þjóðmál - 01.09.2012, Blaðsíða 47

46 Þjóðmál haust 2012

Ragnar Önundarson
Hatursstjórnmálum
eftirhrunsáranna verður
að linna
Í síðustu nýársprédikun sinni minnti Karl Sigurbjörnsson biskup á hvernig
norska þjóðin tókst á við áfallið sem hún
varð fyrir í fyrrasumar . „Við sáum hvernig
heil þjóð tók höndum saman um að mæta
hatrinu með kærleika,“ sagði biskup .
„Lærum af því .“ Ekki fer á milli mála að
norska þjóðin naut öruggrar leiðsagnar .
Hún stendur heil og sameinuð í sorginni,
lang varandi reiði og hatri var bægt frá, hún
naut áfallahjálpar forystumanna sinna .
Norskir stjórnmálamenn gerðu atburðinn
ekki heldur að bitbeini sín á milli . Núna
fyrst, þegar eitt ár er liðið, dómur fallinn
yfir hinum seka og þjóðin tekin að jafna
sig er rætt um hverjir eigi að axla ábyrgð
á síðbúnum viðbrögðum lögreglu . Við
Íslendingar erum hins vegar enn reiðir,
enn að glíma við nær fjögurra ára gamalt
áfall, án leiðsagnar þeirra sem valdir voru
til forystu . Forystumenn okkar gæta ekki
virðingar sinnar . Þess í stað deila þeir um
keisarans skegg í fjölmiðlum . Þeir haga
orðum sínum þannig að bein útsending frá
fundum Alþingis færir þjóðinni jafnóðum
skila boð um sundrung og upplausn . Við
fáum daglega fréttir af átökum innan
flokka . Orðræða þessi öll einkennir haturs-
stjórnmál eftirhrunsáranna og tefur fyrir að
áfallastreitu almennings ljúki .
Pólitískt skaup
Síðasta áramótaskaup RÚV var ekki
græsku laust . „Allir búnir að gleyma Vafn-
ingsdrullunni, Sjóvársvindlinu og N1-
ruglinu,“ sagði þar . Í þessu var því miður
broddur þó skopskynið vantaði . Við þurf-
um forystumenn með trausta dómgreind,
sem átta sig á hvernig aðrir sjá þá . Menn
segja það snjóar í sporin, kjósendur eru
fljótir að gleyma . Ef við erum nógu hörð
í stjórnarandstöðunni þá réttir fylgið sig
af . Hugsanlega er eitthvað til í þessu en
forsendan, að „fólk sé fífl“, er hvimleið .
Landsfundur Sjálfstæðisflokks dróst á
þessi sjónarmið, þó 1300 manns fjölluðu
um málið . Góður kostur var í boði, en