Morgunn - 01.06.1964, Blaðsíða 72

Aðalfundur
Sálarrannsóknafélags íslands
1964
☆
Aðalfundur Sálarrannsóknafélags Islands var haldinn í
samkomuhúsinu Sigtúni í Reykjavík 24. marz s. 1.
Otto Michelsen setti fundinn og stýrði honum, þar sem
forsetinn, séra Jón Auðuns dómprófastur, var staddur er-
lendis sér til heilsubótar. Það var mikið áfall fyrir félagið,
er læknar á síðastliðnu ári réðu okkar ágæta forvígismanni
til þess að taka sér algjört frí frá störfum um skeið. Og þeg-
ar fulltrúaráðið fékk tilkynningu um þetta um síðastliðin
áramót, óskaði það að fresta kjöri forseta um skeið í þeirri
von, að heilsufar dómprófastsins mundi batna svo, að hann
sæi sér fært að gegna forsetaembættinu að fenginni nauð-
synlegri hvíld um skeið. Jafnframt var séra Sveini Víkingi
falin ritstjórn Morguns fyrst um sinn.
Fundarstjóri skýrði frá störfum félagsins á vetrinum.
Hann gat þess, að félagsfundir hefðu verið haldnir mánaðar-
lega og verið mjög vel sóttir. Þakkaði þeim, sem þar hefðu
flutt erindi eða á annan hátt stuðlað að því að gera fundina
ánægjulega og uppbyggilega. Hann skýrði frá því, að félags-
fólki hefði fjölgað allverulega, og væru nú skráðir félagar
um 600 að tölu. Hann minnti á það, að tímaritið Morgunn
væri nú orðið ársrit félagsins, og væri andvirði þess innifalið
í félagsgjaldinu, sem nú er kr. 100.00 á ári. Benti hann á í
því sambandi, að mjög áríðandi væri, að félagsfólkið léti
ekki undir höfuð leggjast að tilkynna félaginu bústaðaskipti
til þess að greiða fyrir því, að ársritið kæmist til allra með
greiðum skilum.