Fréttablaðið - 10.05.2007, Blaðsíða 1

Skjöldur sér um útlit stjarnanna og skreppur í
söngtíma þess á milli.
Það er aldrei lognmolla í kringum hinn fjölhæfa
Skjöld Eyfjörð. Hann hefur alltaf í mörgu að snúast
og verkefnin fjölbreytt og skemmtileg.
„Ég er náttúrlega á skrilljón hér á hársnyrtistof-
unni Supernova og svo hef ég verið að hjálpa Hara-
píunum með stíliseringar. Í framhaldi af þ í
ég vonandi að vinnab
einu saman. Það þurfa allir að hafa aukavinnu með,
annars endar þetta bara í vitleysu,“ segir hann og
bendir á að nú sé Jónsi í Svörtum fötum farinn að
vinna við flug. „Sem sannar að allar íslenskar popp-
stjörnur þurfa að hafa aukavinnu.“Þegar Skjöldur er inntur eftir því hvað honum
þyki skemmtilegast við starfið í háist hann haf
Poppstjörnur
þurfa aukavinnu
www.xf.is
BEITUM SKYNSAMLEGU AÐHALDI
Í INNFLUTNINGI Á VINNUAFLI
VERJUM LAUNAKJÖRIN
Opið til 21 í kvöld
BT bæklingur fylgir Fréttablaðinu í dag
Fæðingar á Landspítalanum verða
um fimmtungi fleiri í sumar en í fyrrasumar
samkvæmt áætlunum spítalans.
Að sögn Margrétar I. Hallgrímsson, sviðs-
stjóra hjúkrunar á kvennasviði Landspítal-
ans, sýna tölur um konur sem fóru í sónar
eftir nítján vikna meðgöngu að fæðingar
verði alls 976 í júní, júlí og ágúst. Í fyrra
sýndu sömu gögn að fæðingar yrðu 807 í þess-
um mánuðum. Þær urðu síðan í raun nokkuð
fleiri, eða 843.
„Það hefur alltaf sýnt sig að góðærið kallar
á fleiri fæðingar. En við eigum síðan eftir að
greina hvort þetta er aukning á erlendu vinnu-
afli sem kemur hingað og sest hér að og eign-
ast börn. Við erum þegar farin að sjá það,“
segir Margrét spurð um skýringar á þessari
miklu fjölgun fæðinga sem væntanleg er.
Að sögn Margrétar er von á 319 fæðingum í
júní, 317 fæðingum í júlí og 340 fæðingum í
ágúst. Samtals eru þetta 976 fæðingar og að
meðaltali 325 fæðingar á hvern sumarmánað-
anna. Sams konar spá fyrir sumarið í fyrra
hljóðaði upp á 269 fæðingar á hvern mánuð að
meðaltali.
Margrét bendir á að það sem af er þessu ári
hafi fæðingar í allt aðeins verið um tuttugu
fleiri á Landspítalanum en á sama tíma í fyrra.
Þannig voru fæðingar fyrstu fjóra mánuði árs-
ins aðeins 235 að meðaltali á hvern mánuð, eða
100 færri á mánuði en von er á í sumar.
„Þetta hefur verið mjög viðráðanlegt það
sem af er árinu en það verður mjög mikið að
gera í sumar,“ segir Margrét en ítrekar að
þrátt fyrir fyrirsjáanlegt annríki sé ekkert að
óttast.
Anna Stefánsdóttir hjúkrunarforstjóri segir
að sjúkrahúsið muni bregðast við vandanum
sem fylgir aukningunni.
„Allir sem vettlingi geta valdið, allar ljós-
mæður, sem hægt verður að ná í og aðrir
munu leggja hönd á plóg. Þá munu stjórnend-
ur og sviðsstjórar starfa við meiri klíníska
vinnu heldur en ella. Þannig munu hjúkrunar-
menntaðir stjórnendur klæða sig í búninginn
og taka til hendinni við hjúkrunarstörf í
sumar,“ segir hjúkrunarforstjórinn.
Sprenging í fæðingum í sumar
Búist er við tuttugu prósent fleiri fæðingum á Landspítalanum í sumar en í fyrra. Margrét Hallgrímsson
sviðsstjóri nefnir góðæri og erlent vinnuafl sem skýringar á barnasprengjunni sem springur í sumar.
„Líkurnar á því að
við komumst áfram úr undan-
keppninni eru fifty-fifty,“ segir
Eiríkur Hauksson um möguleika
Íslands á að komast upp úr undan-
keppni Eurovision í kvöld. „Ég vil
nú bara vera hógvær í tengslum
við þetta, þó maður voni auðvitað
það besta,“ sagði Eiríkur eftir
aðalæfingu undankeppninnar sem
haldin var í gær og tókst vel.
Í veðbönkum er ekki gert ráð
fyrir góðu gengi íslenska lagsins
en á vefsíðunni eurovision-
torrents.com kveður við annan
tón. Þar er Íslandi spáð einu af tíu
efstu sætunum. Á síðunni geta
gestir hlýtt á framlag þátttöku-
landanna og gefið lögunum
einkunn. Spádómshæfileikar not-
enda síðunnar koma svo í ljós í
kvöld þegar undankeppnin fer
fram.
Hún hefst klukkan sjö í kvöld
og er í beinni útsendingu Ríkis-
sjónvarpsins. Eiríkur er fimmti á
svið af 28 keppendum. Tíu lög
komast áfram í úrslitakeppnina á
laugardag.
Sjötíu lög á lager fyrir
væntanlega sólóplötu
Listahátíð í Reykjavík
verður sett í dag. Um leið og
hátíðin verður sett í Listasafni
Íslands opnar þar sýningin
COBRA Reykjavík þar sem sýnd
verða verk listamanna sem
tilheyrðu hinum alþjóðlega
COBRA-hópi.
Bein útsending verður frá
setningarathöfninni í Sjónvarpinu
klukkan 17.45.
Klukkan átta í kvöld verður
frumsýning um borð í varðskpinu
Óðni á verkinu Gyðjan í vélinni.
Er það Vatnadansmeyjafélagið
Hrafnhildur sem leiðir sýninguna.
Í fyrramálið hefst sýning franska
götuleikhússins Royal de Luxe um
risann sem vaknar til lífsins í
miðbæ Reykjavíkur og risessuna,
dóttur hans, sem reynir að róa
hann niður.
Þórunn Sigurðardóttir, listrænn
stjórnandi Listahátíðar, segir hana
verða stórstjörnuhátíð með
verkum í hæsta gæðaflokki.
„Listirnar gera meira en að lífga
upp á hvunndaginn. Þær skapa
raunveruleg lífsgæði, auka
skilning og mannúð,“ segir Þórunn
í ávarpi til listahátíðargesta.
Listahátíð í Reykjavík stendur
til 26. maí.
Listahátíðin
hefst í dag