Morgunblaðið - 17.10.1957, Blaðsíða 13

Fimmtudagur 17. okt. 1957
MORfíVNBLAÐIÐ
13
,Sack-line' á tízkusýnlngu
Sýningin látlaus og fjölbreytt
SL. LAUGARDAG var uppi fót-
ur og fit í heimi kvenna hér í
Reykjavík. Það var tízkusýning í
Sjálfstæðishúsinu. Hinn mikli
viðburður sem helzt engin kona
má missa af. Var húsið fullt út
úr dyrum ef svo mætti að orði
komast, af prúðbúnum konum.
Baksvipur Elínar Ingvarsdótt-
ur í brúna ullarkjólunum. Á
höfð'i hefur hún snotran svart-
an flauelshatt með litlu slöri.
Þær voru sjálfar eins konar tízku
sýning, a.m.k. sumar hverjar,
þótt aðrar létu sig hafa það að
mæta í fyrri ára tízku.
Fyrir sýningunni stóðu þær frú
Bára Sigurjónsdóttir og frú Guð-
rún Stefánsdóttir, en þær hafa
undanfarin ár gengist fyrir tízku-
sýningum. Kynnir var Ævar
Kvaran leikari en undirleik önn-
uðust þeir Josef Felzman og Carl
Billich. Allar blómaskreytingar
bæði í sal o" 4 kjiMum annaðist
Vigdis syndi inju6 ..j nZKuleg-
an kjól með „pokasniði“, sem
klæddi hana sérstaklega vel.
Foged í blómaverzl. Hraun í
Bankastræti.
Sýningin fjórskipt
Sýningin var fjórskipt, fyrst
voru sýnd náttföt, þá hattar og
síðan kjólar frá frú Báru, en eftir
hléið voru sýndir kjólar og kápur
frá Guðrúnu.
Það var gaman að náttfatasýn-
ingunni, þótt lítið væri á henni
að græða, þetta voru ósköp venju
leg náttföt, ekk^rt sérstakt, nema
ef vera skyldi fallegur ljósblár
náttkjóll, sem var fleginn og
rykktur undir brjóstunum.
í heild má segja um hattana
að þeir hafi verið einkar lát-
lausir, þótt nokkrir væru sérlega
áberandi fallegir. Aðaltízkulitir
haustsins eru svart, sterkblátt,
grænt, ljóst drapp og alla vega
brúnir litir. Hattarnir voru
skreyttir með prjónum, nælum,
espritfjöðrum og nokkrir með
pennafjöðrum. Þeir voru flestir
úr velour. filti, melusin, flaueli
og einn hatturinn var úr bifurs-
skinni. Eins og áður segir voru
flestir hattarnir mjög látlausir,
flestir með hinu svo kallaða
„suðvestur-sniði“, nokkrir með
háum kolli og niðurslútandi börð
um. Sá hatturinn sem mesta at-
hygli vakti var úr flaueli, gul-
brúnn að lit með hinu svokallaða
pokasniði (sack-line).
Nú var komið að kjólunum
frá Báru. Þeir voru einnig lát-
lausir og vöktu ekki sérlega at-
hygli, flestir úr ullarefni með
leðurbelti.
Þá var komið að Guðrúnu.
Hennar kjólar vöktu mikla og
verðskuldaða athygli, því þar
gat að líta í fyrsta sinn hér á
landi kjóla með hinu flunkunýja
pokasniði. Það hljómar undarlega
að kjólar, sem virðast vera með
teygjubandi í faldinum geti ver-
ið fallegir en svona er það nú
samt sem áður. A.m.k. klæddu
þeir sýningarstúlkurnar alveg
Ijómandi vel. Sérstaklega smekk-
legur var brúnn kjóll sem var
með síðri blússu og poka í bak-
inu. Annar einnig sérstæður var
rennisléttur upp og niður með
klaufum í hliðunum úr dökku
köflóttu ullarefnkk Minnti sá
einna helzt á náttskyrtur er
gamlir menn sváfu í fyrr á tím-
um. En sá kjólinn sem mér fannst
bera af var úr skærbláu rifs-
silki, hálsmálið beint fyrir, fleg-
inn út á axlirnar, með hálferm-
um, aðskorinn í mittið og pokinn
Kollhár hattur með slútandi
börðum. Hann nýtur sín sér-
staklega vel á hinni háu og
tígulegu Vigdísi Aðalsteins-
dóttur. (Ljósm. Studio).
saumaður á um mjaðmirnar.
Margir kvöldkjólanna voru úr
brókaðiefnum, einn skreyttur
með loðkanti, aðrir úr rifsi með
„semili-steina“-hlýrum.
Blómaskraut var á nokkrum
kjólum eftir Foged í Hrauni.
Sumt af því var yfirdrifið og
ósmekklegt, en annað mjög fall-
egt og viðeigandi. T.d. gat að líta
smekklegan höfuðbúnað úr reyni
berjum, en höfuðbúnaðurinn sem
búinn var til úr blómum og slæðu
^úr svörtu tjulli var i einu orði
sagt alveg hræðilegur. Var álita-
mál hvort hann skyldi notaður
við jarðarför, á grímudansleik
eða í brúðkaupi. Frú Bára Sig-
urjónsdóttir sýndi gullfallegan
samkvæmiskjól úr alsilki, í fall-
egum fjólu-lit, og var frúin með
fallegan ,.hatt“ búinn til úr litl-
um blómum.
Kápurnar á sýningunni voru
fáar en fallegar, úr loðnu efni
(mohair), ein úr kemdu mohair
og var hún glansandi eins og hún
væri úr silki.
Sýningarstúlkurnar
voru glæsilegar og elskulegar
eins og áður. Að þessu sinni
sýndu tvær, sem ekki hafa sýnt
áður, ungfrú Vigdís Aðalsteins-
dóttir, sem er há og grönn og
hefur vöxt sem prýðilega er fall-
inn til þess að sýna kjóla. Hún
mætti samt vera ofurlítið glað-
legri á svipinn. Ungfrú Ragn-
heiður Jónasdóttir sýndi þarna í
fyrsta sinn. Mér þótti hún vera
heldur þrekin yfir um sig, þótt
hún hefði grannt og fallegt mitti.
En hún var ákaflega glaðleg og
elskuleg ung stúlka. Sýndi hún
m.a. brúðarkjól frá Báru. Hann
var í sjálfu sér ekki tignarlegur
en höfuðbúnaðurinn, stutt tjull
slæða var fallegur. En brúðurin
á ekki að ganga eins hratt og
Ragnheiður gerði, heldur í takt
við brúðarmarsinn og litla parið
sem fylgdi henni gekk allt of
nálægt brúðinni.
Aðrar sýningarstúlkur sem
þarna sýndu eru nú orðnar gaml
ar í hettunni. Frú Elín Ingvars-
dóttir virðist alltaf frikka með
hverju árinu sem líður og hún
hefur mjúkar og fallegar hreyf-
ingar. Frú Rannveig Vigfúsdóttir
ber frúarkjólana mjög vel og er
framkoma hennar mjög smekk-
leg. Frú Guðný Berndsen er tíg-
ulleg kona og er auðséð að hún
kann sitt verk vel, en hún ætti að
athuga að vera ekki innskeif. Og
loks sýndi frú Elsa Breiðfjörð,
Frú Bára Sigurjónsdóttir hafði
léttar og fallegar hreyfingar og
heillaði áhorfendur er hún
sýndi hinn fallega samkvæm-
iskjól með „pokapilsi".
sem kynnirinn sagði að hefði unn
ið um árabil hjá Simpson í Lond
on. Hún ætti aftur á móti að
athuga að vera ekki of útskeif.
Það er vandratað meðalhófið.
Tveggja sýningarstúlkna sem
oft áður hafa sýnt var saknað,
þeirra frú Önnu Clausen og ung-
frú Rúnu Brynjólfsdóttur.
Kvenfélagið Heimaey
heldur skemmtifund í Silfurtunglinu í kvöld kl. 8,30
Allir Vestmannaeyingar velkomnir.
Takið með ykkur gesti.
Skemmtinefnd.
Vélritunarstúlka
ó s k a s t .
Umsóknir ásamt upplýsingum um menntun og fyrri
störf sendist skrifstofu Alþingis fyrir 20. þ. m.
Starfsstúlka óskast
strax í heimavist Laugarnesskólans.
Uppl. hjá forstöðukonunni.
Sími 32827.
Rösk og ábyggileg
Stúlka
vön símavörzlu og vélritun, óskast strax að stóru
fyrirtæki. Tilboðum sé skilað á afgreiðslu Morgun-
blaðsins merkt: 3020, fyrir 19. þ. m.
A. Bj.
Ó d ý r u
drengjabuxurnar
komnar aftur
Stærðir: 2ja—10 ára. — Verð frá kr. 98.00.
Allt á barnið
á einum stað.
Austurstræti 12
Skrifstofustúlka
Stúlka vön vélritun og vel að sér í ensku, óskast
á skrifstofu 1. desember nk. Æskilegt væri að við-
komandi kynni enska hraðritun. Hátt kaup.
Umsækjandi sendi blaðinu upplýsingar um aldur og
fyrri störf merkt: „Framtíð —3026“, fyrir næstk.
sunnudag.
er flutt að Ingólfsstræti 16, syðri dyr.
Sími 14046.
íbúð óskost
Tveggja til þriggja herbergja íbúð óskast
sem fyrst. Góð umgengni.
Tilboð sendist Morgunbl. fyrir 21. okt. 1957,
merkt: „Húsnæði —3025“.