Morgunblaðið - 23.05.1958, Page 18

18
MORCUNBLAÐIÐ
Fðstudagur 23. maf 1958
Þannig er hinn nýi golfvöllur Golfklúbbs Reykjavíkur að verða. Það er 18 holu völlur, fullkominn
að gerð. VöMurlnn verður sunnan Gratarholts og verður ekið af þjóðveginum í krikanum við
Grafarholt. Á myndinni má sjá brautirnar 18, skálabygginguna, æfingasvæði og bílastæði. —
Sænskt firma, R. Sundblom & Co. annaðist teikninguna og vann N. Skiold arkitekt að henni.
Hefur hann komið hingað til mælinga og fleira.
Kristinn Gnðm
IHinningarorð
KRISTINN Guðmundur Guð-
bjartsson vélstjóri verður jarð-
settur í dag frá Fossvogskirkju.
Hann er fæddur að Sléttu í
Aðalvík 1. september 1895, dáinn
16. mai 1958. Hann var af góðu
bergi brotinn í báðar ættir, og
skal hér í fáum dráttum rakin
ætt hans og uppruni. Foreldrar
hans voru þau Guðbjartur Péturs
son, sem lézt á s. 1. ári, háaldr-
aður, og kona hans Kristjana
Kristjánsdóttir ljósmóðir, (hún
var systir Svanhvítar móður
Rakelar ljósmóður Pétursdóttur
að Blátúni, hún dó fyrir nokkr-
um árum). Faðir Kristjönu er
Kristján, Eldjárnsson Sigurðs-
sonar. Eldjárn átti Sigurfljóð f.
1800 Pétursdóttur bónda á Hrafn
fjarðareyri f. 1771, Jósepssonar
bónda á Marðareyri f. 1735, Sig-
mundssonar bónda á Hóli f. 1702,
Magnússonar Pétur á Hrafnfjarð-
areyri átti Sigríði f. 1767, Sig-
fúsdóttur Bjarnasonar f. 1675,
Ketilssonar bónda á Ósi Jóns-
sonar á Hóli Magnússonar.
Kristján Eldjárnsson átti Svan-
hvíti f. 1844 Gítionsdóttur, Bjarna
sonar bónda Brandssonar. Gítion
átti Ingibjörgu Stígsdóttur bónda
á Bakka í Króksfirði Jónssonar
bónda sama stað.
Þau Kristjana og Guðbjartur
fluttu með börnin ung til Bolung-
arvíkur, og þar sem Kristinn var
þeirra elstur kom það einkum í
hans hlut að styrkja heimilið
með vinnu sinni, svo hann réði
sig til sjós strax og hann mátti.
18 ára gamall hóf hann vélstjóra-
nám, að náminu loknu varð hann
vélstjóri á ýmsum mótorbátum,
Framkvœmdir hafnar við hinn nýja
völl Colfklúbbs Rvíkur
Firmakeppni klúbbsins að hefjast
GOLFKLÚBBUR Reykjavíkur
stendur í miklum stórræðum um
þessar mundir. Lokið er teikn-
ingu að nýjum, fullkomnum 18
holu velli við Grafarholt en
klúbburinn missir sinn 9 holu
völl og félagssvæði við Öskju-
hlíð. Eru hafnar mælingar vegna
framkvæmda á hinum nýja velli.
í sumar verður allt landið brotið
og girt. Sáð verður í grassvæði
næsta vor.
Þessar framkvæmdir Golf-
klúbbsins eru fjárfrekar mjög.
Ein helzta tekjulind klúbbsins
hefur á undanförnum árum verið
firlnakeppnin, en Golfklúbburinn
hóf fyrstur félaga slika keppni.
Að þessu sinni hefst firmakeppn
in á morgun, 24. maí og stendur
til 7. júní.
Þátttaka firmanna og velvild
þeirra í garð klúbbsins hefur
alltaf verið honum ómetanleg-
ur stuðningur. Væntir klúbbur-
inn áframhaldandi skilnings og
velvildar þessara aðila, ekki sízt
nú þegar staðið er í slíkum stór-
ræðum sem áður er getið.
Fyrsta keppnin
Hvítasunnukeppnin hófst s.l.
laugardag. í fyrstu umferð sigr-
aði Jóhann Eyjólfsson með 72
högg (keppt var með forgjöf).
Eftir tvær umferðir í milliriðlum
standa leikar svo að 4 menn eru
eftir og keppa þeir í undanúrslit
um í dag. Þorvaldur Ásgeirsson
(forgjöf 4) keppir við Gunnár
Þorleifsson (forgjöf 22) og Helgi
Jakobsson (forgjöf 14) keppi við
Guðmund Halldórsson (forgjöf
Ármann vann
NÝLEGA er lokið meistaramóti
íslands í sundknattleik. Tóku
aðeins tvö lið þátt í keppninm,
Ármann og Ægir. IJrsiit urðu
þau að Ármann vann með 6:0.
Er þetta í 18. sinn í röð sern Ar
mann vinnur íslandsmót i þess-
ari grein.
20 högg). Þeir tveir er sigra
keppa til úrslita á morgun.
Golfkennsla
Á vegum Golfklúbbsins er haf
in kennsla fyrir byrjendur og
lengra komna. Kennari er
Bandaríkjamaður, H. Gillisbie að
nafni. Hafar margir hafið nám
hjá honum eða látið skrá sig, en
ennþá geta þó fleiri komizt að.
Golfklúbburinn átti von á
nokkrum atvinnugolfmönnum til
sýninga hér í maílok. Þetta hefur
nú breytzt og koma þeir ekki
fyrr en um miðjan júnímánuð.
Þessir þrír eru af mörgum taldir vera beztu „aftasta vörn“ sem
ísl. Iið hefur haft á að skipa. Það er Sigurður Ólafsson, núver-
andi landsliðsnefndarmaður, bakvörður, Hermann Hermanns-
son, markvörður og Frímann Helgason, bakvörður. — Þeir
leika í liði Vals n. k. mánudagskvöld.
Hvor sigrar
Valur eða
Víkingur?
í KVÖLD eru síðustu forvöð að
hafa skilað seðlum í getraun í-
þróttasíðunnar um það hvernig
fari leikurinn milli liðs Vals og
víkings frá 1940 er liðin mæt-
ast n. k. mánudag. Þetta er leik-
ur sem flestir munu hafa gaman
af að sjá, því þarna eigast við
þeir menn sem af sumum eru
taldir hafa sýnt betri knatt-
snpyrnu en dæmi eru til á Is-
landi fyrr og síðar. Að vísu eru
þeir ekki í fullri þjálfun, en flest-
ir þeirra munu þó enn ekki hafa
gleymt list sinni. Seðlarnir skulu
sendast Mbl. merktir Iþróttasíð-
unni og berast í síðast lagi í
kvöld.
Dómarar og iinu-
verðir i vikunni
27. maí Háskólavöllur kl. 20.
2. flokkur, KR — Fram. D. Frí-
mann Helgason. Lv. Sigurður
Karlsson og Sigmundur Eiríks-
son.
27. maí Háskólavöllur kl. 21.
2. flokkur Valur — Þróttur. D.
Sigurgeir Guðmannsson. Lv.
Baldvin Ársælsson og Friðbjörn
Guðmundsson.
29. maí Melavöllur kl. 20,30.
M.fl. KR — Valur. D. Þorlákur
Þórðarsson. Lv. Bjarni Jensson
og Valur Benediktsson. ,
SPURNING VIKUNNAR:
Haraldur tekur vítaspyrnu, en
knötturinn hittir þverslá og fer
út á völl, hann nær knettinum
og skorar sitt glæsilegasta mark
til þessa, enn hvað skeður þegar
dómarinn flautar.
Spursmál vikunnar: Má horn-
flagg vera undir einum metra á
hæð?
Dómarar vinsamlegast tilkynn-
ið forföll eigi síðar en tveim dög-
um fyrir þann leik sem þið eig-
ið að starfa við og forðizt að
lenda í „straffi“ félagsins vegna
vanrækslu — um leið léttið ,ið
starfið fyrir stjórnina.
Ath: Sækið aðgöngumiða að
leik Í.A. — Unglingaliðið fyrir kl.
17 laugardag 24. til vallarvarðar.
Sar við spurningu síðustu viku.
Mark.
. Guðbjortsson
einnig vann hann við vélar á
togurum. Seinna varð hann með-
eigandi í tveimur mótorbátum
og var jafnframt vélstjóri á þeim
í mörg ár. Skipin voru „Jón Þor-
láksson“ og „Rifsnes".
Kristinn kvæntist 1928 Salvöru
Gissurardóttir, mestu merkis-
konu, hann missti hana 1937. Þau
bjuggu lengst af á Laufásvegi
20 og eignuðust fallegt og mynd-
arlegt heimili. Þau hjón voru
sérlega hamingjusöm og samhent
um allt. Á heimili þeirra var
jafnan gestkvæmt og veitt af
mikilli rausn, því Kristinn var
örlátur og hjartagóður, hann vildi
hvers manns vanda leysa er til
hans leitaði. Hann var góður
félagi. Svo það fór ekki hjá því
að hann eignaðist marga vini,
sem leituðu jafnan á hans fund.
Kristinn var ljúfur og góður
heimilisfaðir, sem lét sér annt um
börnin og vildi allt fyrir þau
gera.
Eins og áður er að vikið, var
hann mikill athafnamaður, og
átti þá miklu karlmannslund að
hann æðraðist aldrei á hverju
sem gekk, sem kom einkarvel í
Ijós eftir að hann missti heils-
una.
Hann keypti jörðina Hurðar-
bak í Kjós og rak þar nokkurn
búskap í 5 ár, jafnframt ■ sem
hann sótti sjóinn.
Þau hjónin eignuðust tvö
mannvænleg börn: Kristjönu
Lilju, gíft Héðni Jónssyni mál-
ara, þau búa á Óðinsgötu 25, en
það hús hafði Kristinn keypt
eftir að hann komst í sæmileg
efni. Hér má skjóta því inn í, að
það sýnir hugulsemi hans og
manngæzku að það húsnæði sem
hann leigði út lét hann jafnan
barnafjölskyldur sitja fyrir, sem
því miður er fremur sjaldgæft.
Annað barn þeirra er Gissur
Jörundur, sem vinnur á umferða-
skrifstofunni, en er jafnframt
eftirlitsmaður með sérleyfishöf-
um. Hann er kvæntur Ástu
Hannesdóttur.
Kristinn kvæntist í annað sinn
Helgu Ólafsdóttur, en þau skildu
eftir nokkra sambúð, og áttu
ekkert barn.
Á seinni árum, sótti á hann
heilsuleysi og í ágúst-mánuði s. 1,
kom hann af sjónum sárþjáður,
sá sjúkdómur dró hann til dauða
16. þ. m. eins og áður er sagt.
I banalegunni, sem endranær,
sýndi hann frábært þrek, og bar
þjáningar sínar með miklu æðru-
leysi. Hann kvartaði aldrei og
hélt glaðværð sinni til hinztu
stundar.
Hans er sárt saknað af öllum
sem kynntust honum. Og þá ekki
sízt börnum hans, sem eiga á
bak að sjá ástríkum föður. Og
móðir hans, aldurhnigin og far-
in að heilsu, minnist sonarins
góða, sem allt frá bernsku var
hennar stoð og stytta og vildi
allt fyrir hana gera.
Sá sem þetta ritar, sendir þeim
öllum sínar beztu samúðarkveðj-
ur.
Jón Þorleifsson.