Morgunblaðið - 19.12.1959, Blaðsíða 6
6
MORCUISRLAÐIÐ
Laugardagur 19. des. 1959
ísraelsmenn vilja vin-
áttusamning við Araba
JERÚSALEM, 17. desember. —
Hin nýmyndaða stjórn David
Ben-Gurions hlaut mjög öflugan
stuðning ísraelska þingsins í dag.
Ben-Gurion lagði fram ráðherra-
lista sinn í gær og að stjórninni
standa sömu 5 flokkarnir og að
síðustu stjórn. Við atkvæða-
greiðsluna í dag hlaut stjórnin
78 gegn 33.
Flesta ráðherrana hefur Mapai
flokkur Ben-Gurions, eða 9 af
16. Þessi flokkur hefur verið sá
öflugasti í landinu allt frá stofn-
un ísraelsríkis 1948 og hefur Ben
Gurion verið leiðtogi hans frá
upphafi. Nú hefur flokkurinn
48 þingsæti af 120.
Eitt helzta stefnuskráratriði
stjórnarinnar er að bjóða öllum
Arabaríkjum að gera gagn-
kvæman friðar- og vináttusamn-
ing við ísrael. Er þá gert ráð
fyrir því að landamæri Israels
og Arabaríkjanna haldist óbreytt
og ríkin dragi smám saman úr
herafla sinum. Jafnframt ætlast
ísraelsmenn til að Arabaríkin
hætti öllum andróðri, stjórnmála-
legum og efnahagslegum, gegn
ísrael.
Gerir stjórn Ben-Gurions þann
ig tilraun til þess að aflétta
banninu sem sett hefur verið á
siglingar ísraelsskipa um Súez-
skurð, en ætlar jafnframt að
tryggja Arabaríkjunum að ísraels
menn hafi ekki í huga neina
landvinninga.
Dömupeysur — Peysusett
Verzlunin Anna Þórðardóttir h.f.
Skólavörðustíg 3
Baðker
Rússnesku baðkerin kosta aðeins
kr. 1845.00 með botnventli, vatnslás og
yfirfalls-ventli. Birgðir væntanlegar inn-
Tökum á móti pöntunum.
an skamms. Sýnishorn fyrirliggjandi.
Mors Troding Compony Hf.
Klapparstíg 20 — Sími 1-73-73
Ceysir hf.
Fatadeildin
„M O O R E S“ HATTAR
nýkomið fallegt og vandað úrval, uppbrettir
og niðurbrettir — margir litir
Fallegir — Vinsælir — Þægilegir
Klæða alla
Gunnar Gunnarsson
HELGAFELL hefur sent tvær
nýjar bækur á markaðinn, og má
búast við að þær veki báðar at-
hygli.
Önnur þeirra er ævisaga Gunn
ars skálds Gunnarssonar eftir
sænska rithöfundinn Stellan Ar-
vidson í þýðingu Jóns Magnús-
sonar fréttastjóra Ríkisútvarps-
ins. Arvidson ræðir fyrst og
fremst um skáldferil Gunnars og
tekur til meðferðar skáldverk
hans hvert af öðru. Kaflarnir í
bókinni bera þessi heiti: Borgar-
ættin, Ströndin, Vargur í véum,
Fóstbræður, Sælir eru einfaldir,
Fjallkirkjan, Svartfugl, Jón Ara
son, Vikivaki, Jörð; Hvítikristur,
Grámann, Aðventa, Heiðaharm-
ur, Sálumessa, Brimhenda og
Gunnar Gunnarsson. Síðasti kafl
inn er lengstur og fjallar um upp
runa og þroska skáldsins. Bókin
er 260 bls. og mjög smekkleg að
ytra frágangi.
Þá eru komnir út ferðaþættir
Thors Vilhjálmssonar frá Rúss-
landi og nefnir hann þá ,,Undir
gervitungli*1. Þættirnir eru 33
talsins og segir þar af mörgu
skemmtilegu og athyglisverðu,
enda er Thor löngu kunnur fyrir
snjallar ferðaminningar. Bókin er
187 bls., vel úr garði gerð og
prýdd kápumynd eftir Kristján
Davíðsson. Er þetta fjórða bók
Thors. Hinar eru „Maðurinn er
alltaf einn“ (1950), ,,Dagar
mannsins" (1954) og „Andlit í
spegli dropans“ (1957).
Þá er komin út á vegum Menn-
ingar- og fræðslusambands al-
þýðu bókin „Fyrir aldamót“, sem
er endurminningar Erlings Frið-
jónssonar frá Sandi, er hann var
hálfbróðir skáldanna Guðmund-
ar og Sigurjóns. Erlingur lét fé-
lagsmál mjög til sín taka, var
áhugasamur um ungmennafélags-
skapinn og vann síðan mikið fyrir
Alþýðuflokkinn, sat m.a. í bæj-
arstjórn Akureyrar fyrir hann í
31 ár fram til 1946. Þá var hann
og þingmaður Akuréyrar á árun-
um 1927—31. Einnig hefur hann
látið sig skóla og verzlunarmál
miklu skipta sem og ýmis önnur
mál, er horfðu til framfara.
„Fyrir aldamót“ er 194 bls. For-
mála fyrir bókinni hefur Halldór
Halldórsson ritað, en höfundur
skrifar sjálfur eftirmála. 1 bók
Thor Vilhjálmsson
inni er að finna mikinn fróðleik,
m.a. sæg ag kveðlingum og
kvæðabrotum. Eins og nafnið ber
með sér tekur bókin aðeins yfir
bernsku- og æskuár höfundarins
fram að aldamótum, en hann er
fæddur árið 1877.
Októbeiljóð
— ný kvœðabók eftir
Gunnar Dal
MEÐAL jólabóka Norðra í ár
er „Októberljóð" eftir Gunnar
Dal. Bók þessi flytur bæði ný
ljóð og auk þess úrval úr eldri
bókum höfundar.
Bókin er í 6 aðalköflum, Ljóð
úr Veru (fyrstu bók höfundar),
Myndrím, Októberljóð, Órímuð
ljóð, Rímuð Ijóð og Þýdd ljóð
úr Spámanninum eftir Kah'il
Gibran.
Bókin er vel gerð, 150 blað-
síður að stærð og myndskreytt.
Jón Engilberts listmálari gerði
kápumynd, en teikningar með
ljóðum, eru eftir Helgu Svein-
björnsdóttur.
Ceira glókollur
ÚT er komin á forlagi Æsk-
unnar Geira glókollur í Reykja-
vík, eftir Margréti Jónsdóttur,
skáldkonu.
Þessi bók er framhald bókar-
innar Geira glókollur, sem vann
sér vinsældir hinna yngri les-
enda, einkum stúlknanna. En
nú er Geira glókollur vel vaxin
úr grasi og orðin 15 ára, enda
komin til höfuðstaðarins.
Sagan gerist á þeim tímum,
þegar unglingsstúlkur fengu
tvær krónur um vorvikuna og
sex krónur um sumarvikuna, eða
yfir sláttinn. Margt er annað
eftir þessu. En ekki er víst, að
það líf, sem bókin lýsir, hafi
skapað einstaklingnum minni
hamingju en þjóðlíf hraðans, er
nú gengur yfir.
Og hvað sem því. líður, hafa
unglingar gott af að kynnast þeim
tímum, sem bók þessi lýsir.
Bókin er með stígandi frásagn-
arþunga, miklar það fagra og
góða og er á vönduðu máli. Hún
mun reynast heilbrigðri æsku
hollur lestur, svo sem ég veit að
muni hafa verið tilgangur höf-
undarins.
ísak Jónsson.
Tekur við
WASHINGTON, 17. desember_
Bandaríski flotaforinginn Rupert
Dennison á að taka við yfirstjórn
Atlantshafsflota NATO-ríkjanna
frá 1. marz n.k. Wright flotafor-
ingja var í gær veitt lausn frá
störfum, eins og skýrt hefur verið
frá í fréttum.
Ævisaga Gunnars og
ferðaþættir Thors
Endurminningar Erlings Friðjónssonar
írá Sandi
skrifar úr
dagleqa lifinu
• Leið til fjáröflunar
Bóndi skrifar:
„Þegar rætt var um það í
þættinum, Spurt og spjallað í
útvarpssal hverjar leiðir hugs-
anlegar væru landsmönnum til
fjáröflunar datt mér í hug ein
leið, sem ég tel vænlega í
þessu skyni. Það er að vinna
að því að auka ferðamanna-
strauminn hingað til landsins.
Talið er, að t. d. Norðmenn
hafi allmiklar tekjur af ferða-
mönnum, svo að skiptir hundr
uð milljónum króna á ári
hverju og svo mun einnig um
fleiri lönd. Og því skyldum við
ekki reyna að fara inn á þessa
fjáröflunarleið?
Hitt er að vísu vitað, að all-
mikið vantar á, að við getum
tekið sómasamlega á móti
auknum ferðamannastraum,
og þá helzt hvað viðvíkur gisti
húsum. Ég var hálfpartinn að
vonast eftir að gestgjafinn,
sem kom þarna fram í þættin-
um, kæmi inná þetta mál. Þar
sem hann, vegna þekkingar
sinnar og reynslu, hefði öðr-
um fremur verið fær um að
gera því nokkur skil. Þó tekið
væri að láni nokkurt fé, ætti
það fljótt að koma aftur, með
auknum tekjum af útlendum
ferðamíönnum. Og hús, sem
ætluð væru aðeins til sumar-
dvalar, ættu ekki að þurfa að
vera nærri því eins dýr, og
hús, sem ætluð eru til íbúðar
allt árið. Með auknum ferða-
mannastraum skapast lands-
mönnum ýmsar aðrar .tekjur,
svo sem ýmis konar fyrir-
greiðsla og ferðalög á hestum
og bifreiðum, sala á innlend-
um munum, svo og innlendar
afurðir til neyzlu, t. d. kjöt
mjólk o. fl. sem oftast er nóg
til af á þeim tíma árs. '
* Örva ferðamanna-
strauminn
Svona mætti halda áfram
að telja. Niðurstaða mín verð-
ur því sú, að sjálfsagt sé, að
vinna að því, að örva ferða-
mannastrauminn í landið, og
verja til nokkru fé, að það
megi takast. Mættu alþingis-
menn gjaman taka þetta til
athugunar þegar þeir fara að
ræða um fjáröflunarleiðir
landsmönnum til handa. Sitt-
hvað fleira mætti um þetta
segja, en ég eftirlæt það mér
færari og vitrari mönnum.
Þessi fjáröflunarleið, sem hér
hefir verið bent á, miðar að
því, að afla tekna á heiðar-
legann hátt af útlendum ferða
mönnum, en sem í þess stað,
gæti losað landsmenn við nýja
skatta. Og því þá ekki að
reyna þetta?
• Eiga þakkir skilið
Kona hringdi til Velvakanda
og sagði, að sig langáði til að
bæta örlitlu við þau hrósyrði,
sem strætisvagnabílstjórum
hefðu verið gefin hér í dálk-
unum. Kvaðst konan hafa orð-
ið fyrir ánægjulegri reynslu
af skilvísi og heiðarleik stræt-
isvagnabílstjóranna.Hún hefði
tapað bæði peningabuddu og
regnhlíf í strætisvögnum, en
vagnstjórar hefðu haft upp á
hvorutveggju fyrir hana og
fært henni.