Morgunblaðið - 18.03.1960, Síða 17

Fðstucfagur 18. marz 1960
MORGUNBLAÐIÐ
17
,Leikið og
reiknað'
KENNSLUTÆKI voru löngum
fá í íslenzkum skólum, og er það
alkunn saga. En er skólaskylda
var hér lögleidd fyrir hálfri öld,
þótti varla annað fært en að
flytja inn nokkuð af kennslu-
tækjum, sem þá voru algeng hér
í nágrannaríkjum. Mátti raunar
segja, þegar alls er gætt, að for-
sjármenn menntamála þeirrar
tíðar hefðu býsna glöggan skiln-
ing á þessu, og ber þá hæst fyrsta
fræðslumálastjórann, Jón Þór-
arinsson, sem lét sér mjög annt
um þessa hlið fræðslunnar og
skildi þá manna bezt nauðsyn á
kennslutækjum í skólana. Fengu
skólar þá landabréf, ýmsar vegg
myndir og eðlisfræðiáhöld, sem
þeir bjuggu lengi að og mikið
voru notuð.
Nú er tækniöld upprunnin, sem
lætur sig ekki án vitnisburðar.
Margt og mikið hafa nú flestir
skólar hlotið af tækjum, sem
kennara varla dreymdi um áð-
ur. Og broslegt er nú í huga
margt baslið, er við gömlu kenn-
ararnir máttum sætta okkur við
í þessum efnum og þau „tæki“,
sem búin voru til og notuð á
fyrri tíð, og vöktu þá fögnuð,
glæddu starfsvilja og áhuga og
voru góð tilbreyting og gagn-
leg.
En gott er hversu hér hefur
víða stórum þokað fram í þess-
um efnum, þótt margt sé enn
ófengið og mörgu áfátt, og mætti
sem dæmi nefna skort á góðum
og glöggum landabréfum við
barna hæfi.
En hinu má ekki gleyma, sem
gert hefur verið og til heilla
má horfa ef rétt er notað, eins
og til dæmis allan hinn mikla
myndagrúa, sem fjöldi skóla
hefur nú fengið til gamans og
gagns við námið. Og heldur ekki
má það liggja í þagnargildi, þeg-
ar á þetta er minnzt, hversu
stórt spor var stigið í framfara-
átt með útgáfu hinnar ágætu
handbókar 1 landafræði, sem
Jón Þórðarson kennari hefur brot
izt í að semja, með góðra manna
hjálp, og gefið út. Er það ekki
aðeins þeim kennurum til sóma
sem að þessu hafa unnið heldur
og stéttinni í heild, sem vafa-
laust kemur til að notfæra sér
slíkt tæki rækilega. Á það má
líka benda, að stórum mun
áhaldadeild námsbókaútgáfunn-
ar auðvelda skólum að afla séf
nauðsynlegra kennslutækja.
Hins vegar munu kennarar
telja skort á hentugum reikhings
bókum til trafala, þótt yngri
börnin hafi þar verið betur sett,
einkum eftir að reikningshefti
Jónasar B. Jónssonar, komu til
afnota, en þau munu a. m. k.
mikið notuð í Beykjavík. Þó er
athyglisverðast hversu lítið hef-
ur verið greitt fyrir því að skól-
arnir sinntu meir iðkun huga-
reiknings en verið hefur. Vita
þó allir hvílík nauðsyn er á slíku
og að ekki er vansalaust að láta
það ógert, enda hygg ég að við
munum þar aftarlega í röð. Hér
þarf bót á að verða. Hefi ég ör-
ugga reynslu fyrir því, hve
miklu má þar til góðs vegar
Snúa með litlum tækjum, og
mætti þó meiri árangurs vænta
ef tækin væru auðnotuð og hent-
ugri. En slíkt á auðvitað við
um fleira.
Fyrir mörgum árum reyndi
Kennarafélag Eyjafjarðar að
bæta úr skorti á kennslutækjum
með því m. a. að gefa út vinnu-
bók í átthagafræði. Var slíkri
frumsmíð að vísu i mörgu áfátt,
en kom þó að góðu gagni og var
mikið notuð í skólum norðan-
lands, og víðar. Nú hefur hið
sama félag tekið sig tíl og gefið
út einskonar vinnubók fyrir byrj
endur í reikningi, og er þá fyrst
og fremst ætlazt til að hún styrki
sem bezt undirstöðuatriðin við
reikningsnámið og hvetji til
hugareiknings.
Heiti þessarar bókar er:
LEIKIÐ og REIKNIÐ. Hún er
ekki stór, aðeins 24 bls., í allstóru
broti þó, en prýdd fjölda skýr-
ingamynda, sem börn munu hafa
ánægju af.
Höfundur þessarar bókar, sem
K. E. gefur út, er Þórarinn Guð-
mundsson kennari við barnaskóla
á Alkureyri, en myndir hefur
samkennari hans, Einar Helga-
son ,teiknað og skrifað textann.
Á kápu bókarinnar lætur höf.
þessa getið, m. a.:
„Öllum kenurum ber saman
um, að skilningur á talnahug-
tökum verði að vera grundvöllur
reikningskennslunnar þegar í
byrjun, annars getur brugðið til
beggja vona um árangur í fram-
tíðinni. Þessari litlu bók er ætlað
að létta nokkuð þá örðugleika,
sem jafhan fylgja því, að leggja
grundvöll reikningskennslunnar,
og er hér að nokkru stuðzt við
reynslu erlendra skólamanna.
Þótt bókin sé fyrst og fremst
sniðin við hæfi algerðra byrj-
enda, hefir reynsla mín úndan-
farin ár leitt í ljós, að börn, sem
hafa fengið nokkra undirstöðu-
kennslu í talnameðferð, hafa eigi
síður ánægju og gagn af slíkri
vinnu . . .“.
Eru síðan nokkrar leiðbeining-
ar um notkun bókarinnar, og
væntir höf. þess, að „Sé bókin
réttilega notuð“, megi hún verða
til þess, „að gera þetta erfiða
nám barnanna að þroskandi
leik“.
Það er mikið gleðiefni þegar
kennarar og félög þeirra sýna
áhuga á bættri kennslu og upp-
eldi og birta það í verki. Þess
vegna vil ég með gleði geta þess-
arar litlu bókar, sem birtir áhuga
og mun gera gagn. K. E. hefir
nú starfað í hartnær 30 ár, og
gefið út Heimili og skóla í 18
ár, og margt látið til sín taka
er skóla og uppeldi varðar. —
Hvert átak þess í þá átt gleður
vissulega gamlan félaga, er eitt
sinn léði hugsjón þess lið. Megi
það lengi lifa og starfa og þetta
nýja vinnubókarkerfi koma sem
flestum að góðu gagni.
Snorri Sigfússon.
Garðahreppsbúar
skora á Alþingi
HREPPSNEFND Garðahrepps
hélt fund á föstudaginn var og
ræddi framkomna þingsályktun-
artillögu Matthíasar Á. Mathie-
sens um lagfæringú á þjónustu
bæjarsíma Reykjavíkur og Hafn-
arfjarðar.
Samþykkti hreppsnefndin svo-
hljóðandi áskorun til Alþingis:
„Hreppsnefnd Garðahrepps
samþykkir einróma að skora á
hið háa Alþingi að samþykkja
framkomna þingsályktunartil-
lögu frá Matthíasi A. Mathiesen,
3. þingmanni Reykjaneskjör-
dæmis, um samræmingu símtala
og símgjalda í umdæmi bæjar-
síma Reykjavíkur og Hafnar-
fjarðar, þannig' að símtöl milli
Hafnarfjarðar, Garðahrepps,
Bessastaðahrepps, Seltjarnarnes-
hrepps, Kópavogs og Reykjavík-
ur verði allsstaðar með sama
fyrirkomulagi og eigi dýrari en
innanbæj arsímtöl“.
Kirkjutónleikar
HÚSAVÍK, 14. marz. — Kirkju-
kór Húsavíkur hélt söngskemmt-
un í Húsavíkurkirkju í gær.
Söngstjórar voru Friðrik A.
Friðriksson, prófastur, Ingimund-
ur Jónsson og Sigurður Hallmars
son. Einsöngvarar Eysteinn Sig-
urjónsson og Ingvar Þórarinsson.
Við hljóðfærið var Gertrud Frið-
riksson.
Kirkjan var þéttsetin og söngn
um mjög vel tekið. — Frétta-
ritari. —
Eigum engin börn
— erl fjóra hunda
LIDO í Reykjavík er allt öðru
vísi en Lido í París en Lido í
Reykjavík er ágætt og okkur
fellur strax vel við staðinn.
Þetta sögðu hjón ein sem kom
in eru til að skemmta Lido-
gestum með dansi og söng og
svo sannarlega skemmta þau
gestunum vel. Það ’var klapp-
að svo fyrsta kvöldið, að eng-
inn erlendur skemmtikraft-
ur þar hefur fengið slíkt lófa-
klapp.
Þau nefna sig Averil og
Aurel. Hún er ensk, hann er
franskur og þau hafa farið
mjög víða og alltaf verið dans
andi. Tvívegis hafa þau ver-
ið um 6 mánaða tíma í Banda-
ríkjunum við miklar vinsæld-
ir, í Kanada, Mexico og á
nokkrum stöðum í Suður-
Ameríku. Alls staðar vinsæl —
og það þykir þeim sem sáu
þau á fyrsta kvöldi þeirra hér
engin furða.
Hún syngur — og hann tek-
ur undir og bæði dansa þau,
létta komiska dansa, C'harles-
ton og viltan jazz með léttu
og skemmtilegu látbragði sem
iær dynjandi undirtektir í
I.ido.
— Við erum búin að vera
gift í 8 ár, sagði hún þegar
tíðindamaður blaðsins hitti
þau snöggvast að máli. Atta
yndisleg ár, sögðu þau bæði
samtímis.
— Eij ið þið mörg börn?
— Engin börn — en við
eigum 4 hunda.
— Jæja, er gaman að hund-
um?
— Yndislegir.
Hvað heita þeir?
— Josefina og Napoleon,
Topsie og Gigi.
Og svo spurðum við hana í
einlægni og alvöru; dansar
hann vel?
— Hann er bezti dansari í
heimi.
Og sömu spurningu lögðum
við fyrir hann og svarið var:
— Hún er ein bezta söng-
kona í heimi!
Og þau töluðu um hve vel
þeim litist á Reykjavík við
fyrstu sýn — að undanskildu
því að forin .væri gífurleg í
nýju hverfunum en þau búa
í einu slíku. Og hún sagðist
ætla að syngja eitthvert kvöld
ið lag, sem hún kann vel og
heitir „Mud, mud glorious
mud, it’s nothing like it for
cooling the blood“. . .o.s. frv.
Þau skemmta tvívegis hvert
kvöld þessi hjón. A milli þess,
undan og eftir syngur enska
stúlkan Valarie Shane, en hún
hefur aflað sér mikilla vin-
sælda að undanförnu á Lido,
svo samningur hennar hefur
verið framlengdur, — og vin-
sældir hennar aukast enn. En
þessi „þrenning" á Lido, hjón-
in og hún er án efa bezta
kvöldskemmtun, sem völ er
á í bili í höfuðborginni.
AKRANES
LTSALA - CTSALA
Seljum í dag og næstu daga á meðan birgðir endast.
— Herrarykfrakka með belti og án þess á kr. 200, og 435, 525.00, 565.00 og 875.00. Þetta er ótrúlega lágt verð.
Kvenpoplinkápur á kr. 200.—300.00 og 390.—
Telpupoplinkápur á 8—14 ára á kr. 240.— I >rengj arykfrakkar á 4—14 ára kr. 240.—

Allar þessar yfirhafnir eru úr ágætu efni og fara mjög vel, en þar sem þær eru af eldri birgðum seljum við þætr aðeins fyrir sem svarar saumalaunum. — Hér er því um stórkostlega hagstæð kaup að ræða. 1
Efnalaug Akraness