Morgunblaðið - 21.03.1961, Page 15

Þriðjudagur 21. marz 1961
MORGVNBLAÐIÐ
15
IEF AÐRAR þjóðir hefðu látið
svo lítið að hlusta eftir inn-
anlandsmálum íslendinga
undanfarnar vikur, mundu
þær hafa heyrt herbresti og
tröllkvennalæti norður í heim.
Hitt mundu þær eiga erfiðara
með að skilja, að þessi borg-
arastyrjöld mörlandanna stæði
um það, hvort heimila skuJi
að laga hálfónýtt bjór-gutl.
En þetta er nú eitt harðasta
deilumál með þjóðinni; þing-
menn verja dýrmætum tíma
sínum í umræður um gutlið,
ýmis félög halda um það langa
fundi, sérstök blöð eru gefin
út í sama tilgangi, auk þess
sem almenningur ræðir málið
laust Oig fast. Það hefir jafnvel
komið skapsmunum sumra
manna svo úr jafnvægi, að
ekkert virðist geta lagað
þá, nema þá helzt bjór og
hann sterkari en 3 Vá %.
Skiptast menn í tvær and-
stæðar fylkingar, sem kalla
mætti Bjórbelgi og Bjórfjend-
ur. Eru þeir fyrrnefndu þorst-
látir mjög og telja að ekkert
geti bætt betur þann kvilla
Sen bjór upp á þrjú og hálft,
en þeir síðarnefndu vilja með
engu móti leyfa þeim fyrr-
nefndu að svala þorsta sín-
’um. Hafa þessar tvær fylk-
ingar nú upphafið harðar
deilur, láta báðar ófriðlega
og bíta í skjaldarrendur.
Minnir viðureignin helzt á
Heljarslóðarorustu, en henni
lýsir Gröndal m. a. svona:
.......... „Þá reis sól upp
og var nú Svalförum og
Tartaraliði fylkt undir hömr-
unum .... Sló nú í bardaga,
og var það skömm hríð, því
að loftið fylltist allt af óvætt-
um og il'lum lýð og varð allt
kvikt; þar voru forynjur í
öllum myndum, hálfir manna
búkar, armleggir, hendr, læri,
fætr, rassar búklausir og
fótalausir, hausar, augu og
eyru; var allt þetta á flugi í
loptinu og hafði leðurblöku-
vængi; þar voru og jötunux-
ar, flugdrekar og finngálkn,
fiskar fljúgandi og vængjuð
naut og nykrar, og fílar, og
spjó allt slí'ku eitri og ó-
lyfjan, að það var engum
mennskum manni fært móti
því að vega.“
1 Nú þori ég ekki fyrir mitt
litla líf að taka afstöðu til
þessa stórkostlega deilumáls;
þori sem sagt í hvorugan fót-
inn að stíga af ótta við að tapa
á því atkvæðum, ef ég kýnni
einhvern tímann að bjóða mig
! fram til Alþingis eða bæjar-
stjórnar. En lesendum til
1 dægradvalar langar mig ti>l
að rifja hér upp sumt af því,
, sem íslenzk skáld hafa kveðið
um bjór á liðnum öldum. Ef
Bjórbelgir telja mig fjalla um
þetta hugsjónamál af of mik-
illi léttúð og Bjórfjendum
finnst of vel talað um það
Djöfulsins spilverk, sem 3%%
bjórinn er, þá bið ég báða
aðila að hafa hugfast, að ég
gerí hér ekki annað er. vitna
í orð annarra manna.
Forfeður vorir virðast hafa
verið miklir bjórþambarar og
farið misjafnlega með, sam-
anber miður kurteislegar að-
farir Egils ættföður vors við
gestgjafa sinn, Ármóð skegg.
En bjór Ármóðs hefir greini-
lega staðið meira en 3og hálft.
Ein elzta bjórvísan er í
Sigurdrífumálum, og virðist
höfundur þeirra hafa verið
istuðningsmaður Péturs Sig-
urðssonar (alþingismanns):
„Bjór færik þér/ brimþings
apaldr,/ magni blandinn/ ok
megintíri./ Fullr er hann
ljóða/ ok líknstafa/ góðra
galdra/ ok gamanrúna.“
Bæði Snorri Sturluson og
Sturla Þórðarson frændi hans
virðast hafa kunnað meta öl-
ið, Snorri segir: „Þi'ggja kná
með gulli glöð/ gotna ferð at
ræsi mjöð.“
Þegar kemur fram á mið-
aldir okkar, virðast það eink-
um vera mætir guðs menn,
sem hæla bjórdrykkju, þótt
ótrúlegt megi virðast. Sjálfur
Hallgrímur Pétursson kveður:
„Yndi er að sitja öls við pel/
og gamna sér,/ en fallegt er
að fara vel,/ þótt ör sé sá,
sem á skenker.“ Það er
greinilegt, að Hallgrímur
fylgir hófdrykkjustefnunni,
sem nú er mjög umdeild.
Annað frægt sálmaskáld, sr.
Ólafur á Söndum (sá, sem
orti „Vors herra Jesú vernd-
in blíð veri með oss á hverri
tíð“) hefir líka látið freistast
af bjómum. Hann kveður:
„Gleður mig enn sá góði
bjór,/ guði sé þök'k og lof;/
þó mín sé drykkjan megn og
stór/ og mjög við of,/ mun
þó ei reiðast dróttinn vór/
— hýr gleður hug minn.“
Skylt er að geta þess, að
sr. Ólafur varár við misnotk-
un öls: „Vond ofdrykkjan
veldur oft,/ að vináttan for-
gár öll,/ sundurþykkjan fer
senn á loft/ og sárleg föll,/
sumum fer það heldur gróft,/
— hýr gleður hug minn.“ —
En klerkur nær sér aftur á
strik í náestu vísu, hefir
sennilega dreypt vel á krús-
inni, áð'ur en hann orti hana:
„En þegar dánumenn drekka
vel,/ sem drjúgum oft hefur
skeð,/ þá vex af ölinu vin-
áttuþel/ og virðing með;/
veizlu góða ég svoddan tel/
— hýr gleður hug minn.“
Greinileg hrifning er í þess-
ari hressilegu vísu Bjarna
Thór.: „Gamall mjöður gleð-
úr þjóð/ ginnir hann vatn af
tönnum,/ geðjast allvel góma-
slóð/ og gisnum kverkarönn-
um,/ vekur líf og veitir móð/
vesælustu mönnum/ inn þá
borinn er á bjóð/ í gullbún-
um könnum.“
Björn M. Ólsen rektor kveð-
ur: „Nú heitum,. bræður, að
heiðnum sið/ á Þór./ Hann
félagi voru leggi lið/ og bjór/
og auðgi safnið að eigum
fornum/ en einna þó mest að|
drykkjarhornum . .. .“ Og síð-,
ar: ,Nú drekkum freyðandi
fulla skál/ af bjór/ og heit-
um þambandi þyrstri sál/ á
Þór.“ (Úr Fornfræðingasöng).
Hannes Hafstein orti margt
um bjór, t. d.: „Það þarf víst
HRINGUNUM.
C/igii)iþó*&cc
ekkj að eggja neinn/ af ykk-
ur til að þjóra,/ þið kunnið
tökin hver og einn við
koníakk og bjóra." Og: „Eld-
gamli Carlsberg, ágæti bjór/
áður en hverfur söng vorn
heyrðu ....“ Og: „Þeir fóru
að hitta Halberg/ og hugg-
uðu sig við Carlsberg/ og
gamli, gamli Carlsberg/ þeim
gerði beztu skil.“
Eftir daga þei-rra Ólsens og
Hannesar fer bjórvisum að
fækka, enda hætti hann þá
bráðlega að flytjast til lands-
ins með löglegum hætti. Um
áhrif víns, góð og ill, gleði
þess og ömurleg eftirköst
hefir mikið verið ort og er
enn, en það verður ekki týnt
til hér, því að nú er varla
minnzt á annað en bjór.
Ég vona, að það sem hér
hefir verið fram talið af bjór-
kveðskap geti orðið báðum
deiluaðilum til nokkurrar
hugnunair. Bjórvinum getur
verið hvatning í því að rifja
það upp, sem skáldin hafa
gott kveðið um bjórinn (þótt
sennilega hafi ekkert þeirra
verð að lofa 3Vfe% bjór), og
bjórfjendum líka, því að þeir
geta með þessu sannað, hve
bjórinn getur leitt jafnvel
frómustu menn á villigötur
og freistingar.
Annars er báðum þessum
flokkum hin mesta nauðsyn á
að koma sér stríðssöngvum og
herhvöt, til að herða baráttu-
viljann og glæða hugsjóna-
eldinn.
— RJÓH.
Volkswagen '59
til sýnis og sölu í dag. —
Verð kr. 103 þús.
Gamla bílasalan
RAUÐARA
Skúlag. 55. — Sími 15812.
Gerum vil bilaða
krana
og klósettkassa.
Vatnsveita Reykjavíkur
Símar 13134 og 35122
Gúmmíhanzkar
Gúmmíhanzkar nýkomnir.
HALLDÓR JÓNSSON HF.
• Heildverzlun
Hafnarstræti 18 Símar: 1 25 86 — 23995.
Húseigendur á hitaveitusvæðinu:
Hitna sumir miðstöðvarofnarnir illa?
Er hitareikningurinn óeðlilega hár?
Ef svo er þá get ég lagfært það. — Hafið samband
við mig og ég mun segja yður hvað verkið mun kosta.
Tek að mér að hreinsa og lagfæra miðstöðvarkerfi.
Ábrygist góðan árangur.
Ef svo skyldi fara að verkið mistækist, þurfið þér
ekkert að greiða fyrir vinnuna.
BALDUR KRISTIANSEN, pípulagningam.
Njálsgötu 29 — Sími 19 13 1.
Höfðatúni 2 -— Sími 24866
Sækjum — Sendum
Höfum móttöku á eftirtöldum stöðum:
Efnalaugin Lándin, Hafnarstræti 18.
Nýju efnalauginni Laugav. 20b og FiehersunQi.
Efnalaugin Hjálp, Bergstaðastræti 28.
Grenimel 12, Skóbúðinni Álfheimum.
Toledo Langholtsvegi 128 og Ásgarði 20—24
Skeifunni, Blönduhlíð 35.
Skóverkstæðið Grens.ásvegi 26.
Verzlun Steinnes, Seltjarnarnesi.
Verzluninni Sólvallagötu 27.
Efnalaug Hafnarfjarðar.
Skeifan, Snorrabraut.
Efnalaugin Sunna, Hafnarfirði
R aðsvefnbekkurinn
er fallegur
Minerva *
herraskyrtur
Síslétt efni
Strauning óþörf
- Fást í fimm litum
Fermingarskyrtur
stærðir 32—36
Laugavegi 38. — Snorrabr. 38.
EGGERT CLAESSEN og
GtTSTAV A. SVEINSSON
hæstaréttarlögm en,j.
Þórshamrí við Templarasund.
þægilegur
Bólstrariitn
Hverfisgötu 74