Morgunblaðið - 08.10.1961, Síða 12

12
MORGUNBLAÐIÐ
Sunnudagur 8. okt. 1961
tripsí#W»i$>
Cftgefandi: H.f Arvakur, Reykjavík.
Framkvsemdastjóri: Sigfús Jónsson.
Ritstjórar: Valtýr Stefánsson (ábm.)
Sigurður Bjarnason frá Vigur.
Matthías Johannessen.
Eyjólfur Konráð Jónsson.
Lesbók: Arni Óla, sími 33045.
Auglýsingar: Arni Garðar Kristinsson.
Ritstjórn: Aðalstræti 6.
Auglýsingar og avgreiðsla: Aðalstræti 6. Sími 22480.
Askriftargjald kr. 55.00 á mánuði innanlands.
1 lausasölu kr. 3.00 eintakið.
AUSTRÆN INNRÁS í ÍSLAND
Cumum íslendingum hefur
^ gengið furðulega illa að
skilja, að í heiminum í dag
eigast við tvö öfl, annars-
vegar ofbeldis- og yfirgangs-
stefna kommúnismans og
hinsvegar þeir, sem ekki
vilja una kúgun og staðráðn
ir eru í að verja frelsi sitt.
Heimskommúnisminn dregur
enga dul á, að takmark hans
sé undirokun allrar heims-
byggðarinnar og til að ná
því takmarki telur hann
heimilt og raunar sjálfsagt
að beita hverjum þeim ráð-
um sem tiltæk eru.
Samkvæmt yfirlýsingum
og kennisetningum kommún-
ista sjálfra mundu þeir heyja
heimsstyrjöld til að koma
kommúnism^ á í þeim ríkj-
um, sem búa við annað
stjórnkerfi, ef þeir treystu sér
til þess án þess að gjalda
óbætanlegt afhroð. Það er
þess vegna varnarmáttur
lýðræðisþjóða einn, sem
fram að þessu hefur komið
í veg fyrir að ný styrjöld,
sem yrði að alheimsátökum,
brytist út. Hinsvegar hafa
kommúnistar hvað eftir ann-
að beitt vopnum á takmörk-
uðum landssvæðum til þess að
reyna að leggja undir sig
eitt þjóðlandið af öðru. En
ekki er ætlunin að rekja
þá sögu hér.
Innrásir af öðrum toga
spunnar hafa þeir gert í flest
þjóðlönd, en óvíða þó lagt
sig jafnmikið fram og hér-
lendis. Austur í Moskvu eru
lögð á ráðin um starfsemi 5.
herdeildar innan lýðræðis-
ríkjanna. Þangað er stefnt
þeim mönnum, sem Kreml
telur bezt treystandi til að
svíkja þjóð sína á vald hinna
austrænu heimsvaldasinna.
Þar eru þeim kenndir klæk-
irnir og fyrirskipanir gefnar.
Þessir svikarar við þjóð
sína eru síðan vopnaðir nær
takmarkalausu fjármagni og
sendir til baka til starfa í
heimalöndum sínum. Svo
lengi hefur þessi' manngerð
stundað iðju sína hérlendis,
að íslendingar ættu að vera
farnir að þekkja hana.
RÚBLAN
TVTafnið sem íslenzkur al-
’ menningur hefur gefið
höll þeirri, sem kommúnist-
ar hafa byggt við Laugaveg,
Rúblan, sýnir líka, að íslend
ingum er fullljóst, hvaðan
fjármagn kommúnista kem-
ur. Það er þó ekki eingöngu
til að byggja Rúbluna, sem
íslenzkir kommúnistar hafa
fengið fé austan úr Rúss-
landi. Enginn efi er á því, að1
hinn gífurlegi fjáraustur
svonefndra „samtaka her-
námsandstæðinga“ á rætur
sínar að rekja til sömu auðs-
uppsprettunnar.
• Sjálfsagt taka hinir sann-
trúuðu kommúnistar, sem á
mála eru hjá Moskvuvald-
inu, á móti þessum fjárstuðn
ingi með glöðu hjarta og
góðri samvizku. Þeir helga
sig starfi að framgangi þeirr
ar „hugsjónar“ að svíkja
þjóð sína á klafa ofbeldis og
kúgunar. Hitt er furðulegt,
að finnast skuli lýðræðis-
sinnaðir menn, sem brosandi
skrifa upp á kvittunina til
Krúsjeffs, að til skuli vera
þeir íslenzkir rithöfundar,
sem í öðru orðinu afneita
kommúnisma, en í hinu ját-
ast undir forsjá Moskvu-
valdsins, er þeir starfa fyrir
útgáfufélag þess, sem nefnir
sig Mál og menningu.
Sumir þeirra manna, sem
upp á rita siðferðisvottorð
fyrir Kreml, telja sig vera
hlutlausa og gæta hlutleysis-
ins með þátttöku í „Samtök-
um hernámsandstæðinga“ og
störfum fyrir útgáfufélag
kommúnista. Vart verður
þeim þó ætluð sú fávizka að
þeir geri sér ekki grein fyrir
því að takmark þeirra
manna, sem skipulagt hafa
þessi samtök og ráða þeim,
er eitt og aðeins eitt: að
beita þeim í þágu heims-
kommúnismans, eins og þeir
líka rækilega hafa gert.
VILJA ÞEIR
ÞETTA?
Þjóðviljanum fyrir nokkr-
um dögum skrifaði mað-
ur með íslenzku nafni, Guð-
mundur Ágústsson, grein frá
Austur-Berlín. Hann lofsyng-
ur þjóðarfangelsun Austur-
Þjóðverja og lýsir henni m.
a. með þessum orðum:
„Þó er metið meira af ráð-
andi mönnum hér, að vinnu-
krafturinn hverfur ekki í
vinnu til kapitalistanna
vestan megin og að áætlun-
in verður ekki fyrir rösk-
un .
Þessi orð birtir Magnús
Kjartansson, ritstjóri, að von
um með mestu velþóknun.
Fyrir austan hefur draum-
urinn rætzt. Þjóðin er lokuð
inni í gaddavírsgirðingu til
þess að „vinnukrafturinn
hverfi ekki úr landi“, til þess
að „áætlunin verði ekki fyr-
ir röskun“.
Maðurinn skiptir engu
máli í ríki kommúnismans.
Það er „áætlunin“, sem ekki
«má raska og mannfólkið er
FYRIR skömmu kom yfirmaður loftvarna
Japans, Minoru Genda hershöfðingi, í heim-
sókn til Bretlands. — Á fundi með blaða-
mönnum í Lundúnum rifjaði hann það upp,
að hann hefði átt sinn þátt í að undirbúa
hina fyrirvaralausu árás á flotastöð Banda-
ríkjanna í Pearl Harbor — sem var gerð
án undangenginnar stríðsyfirlýsingar og oft
er vitnað til s^m eins hins svívirðilegasta
glæps sögunnar.
— * —
Fréttamönnum hnykkti því við, þegar
Genda bætti því við, að hann hefði „ekk-
ert samvizkubit“ vegna þessarar hrottalegu
árásar. Þegar hershöfðinginn sá furðusvip-
inn á fréttamönnunum, glotti hann og bætti
við: — Ja, reyndar er það ekki alveg-rétt
— ég sá eftir því, að við' skyldum aðeins
gera eina árás. Við hefðum átt að ráðast
á Pearl Harbor aftur og aftur!
Eftir að Genda var kominn heim til
Japans, var gefin út opinber tilkynning á
vegum ríkisstjórnarinnar vegna fyrrgreindra
ummæla hans. Sagði þar, að hann hefði
„aðeins látið í ljós sína persónulegu skoðun,
sem atvinnuhermaður“.
GENDA: —
„Ekkert samvizkubit" vegna
Pearl Harbor.
Svo bregðast
krosstré....
S V O bregðast krosstré sem
önnur tré. Hjónbönd Holly-
wood-leikara þykja æði ó-
traust, eins og kunnugt er
og oft er til vitnað — en
þar eru þó nokkur „pör“,
sem talin hafa verið ónæm
fyrir „skilnaðar-sýklinum“. í
þeim hópi hafa t.d. talizt þau
José Ferrer og Rosemary
Clooney, sem hætti kvik-
myndaleik til þess að helga
sig manni sínum og heimilL
Nú er hjónaband þeirra kom
ið í flokk hinna misheppn-
uðu.
— ★ —
í>au höfðu verið gift í 8 ár
Ferrer-fjölkyldan — heimilis
hamingjan reyndist byggð á
sandi . . .
heimilislífið virtist vera hið
ánægjulegasta í alla staði.
Jafnvel nánustu kunningjar
þeirra urðu sem þrumu lostn
ir, er þeir heyrðu, að Rose-
mary hefði sótt um skilnað
frá José. En dag nokkurn í
september gekk Roosemary
á fund hins fræga „skilnað-
arsérfræðings" Hollywood,
Jerry Gieslers, og tjáði hon-
um döpur, að hún sæi sig
tilneydda að sækja um skiin-
að frá manni sínum — vegna
„grimmdarlegrar framkomu“
hans við sig.
— Ég veit, að allir vinir
okkar verða furðu lostnir yf-
ir þessum tíðindum, kjökraði
Rosemary, — en þetta er
engin skyndiákvörðun af
minni hálfu. Við Joe höfum
alltaf haft gjörólíkar skoðan-
ir á næstum öllum efnum —
og ég tel, að þetta sé skársta
lausnin, a.m.k. fyrir börn-
in....
u
aðeins „vinnukraftur“. Það á
að vera dráttardýr hins
kommúníska þjóðskipulags.
Er það þetta fyrirkomulag,
sem þeir verkalýðsleiðtogar
vilja innleiða á íslandi, sem
nú berjast við hlið kommún-
ista. Er það þetta ástand,
sem þeir sakleysingjar vilja
leiða yfir íslenzka alþýðu,
sem skrifa upp á siðferðis-
vottorðið fyrir Kremlverja
og styrkja þá á þann hátt í
þeirri trú, að þeim sé óhætt
að beita hvers kyns ofbeldi,
því að lýðræðissinnar hafi
ekki manndóm til að standa
gegn ofríkinu.
Nú vilja Rússar 5
NEW YORK, 30. sept. — Ráð-
stjómin mun hafa gert nýja til-
lögu um endurskipulagningu yfir
stjórnar Sameinuðu þjóðanna.
Haft er eftir góðum heimildum,
að nú vilji Rússar, að fram-
kvæmdastjórn verði fimm manna
ráð. Vesturveldin hafa ekki fall
izt á neina breytingu og m.a. mót
mælt harðlega, að neitunarvald
yrði fengið meðlimum slíks fram
kvæmdaráðs. Rússar segjast nú
hafa horfið frá neitunarvaldinu,
en í nýju tillögunni segja þeir,
að allir fimrn meðlimir ráðsins
verði að vera sammála um allar
framkvæmdir. Bandaríkjamenn
hafa svarað því tfl, að ekki sé
hægt að sjá annað en þar sé um
dulbúið neitunarvald að ræða —
og vísa þeir þessari tillögu á bug
sem hinum fyrri.
Viðbúnaður
í Katanga
Brussel, 4. okt. —
Innanrikisráðherrann í Katanga
sagði í viðtali við belgísku frétta
stofuna í dag, að Katanga mundi
grípa til vopna, ef S.Þ. ryfu vopna
hléð. Sagði hann, að 150 þús.
manns væru undir vopnuim f
Katanga, þriðjungurinn hefði
vopn og hergögn af fullkomnustu
gerð. Ríkisstjórnin hefur gert
ýmsar ráðstafanir og er við öllu
búin. — f annarri frétt segir, að
talsmaður S.Þ. í Leopoldville hafi
tilkynnt í dag, að 15 hermenn
S.Þ. hafi verið drepnir, 69 særzt
og 160 teknir til fanga í átökun
um 1 Kongó'í síðasta mánuði.