Morgunblaðið - 03.10.1964, Síða 3

MORGUNBLAÐIÐ
3
•Laugardagur 3. okt. 1964
Vestmannaeyjum, 2. okt.
FYRIR 25 árum, þann 1. okt.
1939, lenti í fyrsta sinni flug-
vél Ilér í Vestmannaeyjum. I
þessari vél voru þeir Agnar
Kofoed-Hansen, flugmaður og
nú flugmálastjóri, og Bergur
Gislason, stórkaupmaður í
Reykjavík, sem á þeim tíma
voru ungir menn, fullir áhuga
á því að brjóta ísinn í flug-
málum íslendinga. Þar sem
þetta var og er mjög merkur
atburður í flugmálasögu þjóð-
arinnar þótti bæjarstjórn Vest
mannaeyja tii hlýða að efna
til mannfagnaðar ' og hafði í
gær boð inni fyrir þá Agnar
Kofoed-Hansen og Berg Gísla
son, Ingólf Jónsson, flugmála-
ráðherra, flugráð, bæjarfull-
trúa, forystumenn flugfélag-
anna og nokkra aðra gesti.
Reykvísku gestirnir er þeir lögðu af stað héðan með flugvél F.I. — A myndinni sjást m.a.
Agnar Kofoed-Hansen, flugmálastjóri og kona hans, Bergur Gíslason, stórkaupmaður og frú
og Ingólfur Jónsson, flugmálaráðherra og frú.
Fyrsta Eyjaflugsins minnzt með hdfi
Urinið verður áfram að þvi að í æta fiugþjóffiustuna við Eyjar
Var þetta hinn bezti fagn-
aður. Þar voru margar ræður
fluttar. „Tóku menn flugið“,
ef svo mætti að orði kveða í
þessu sambandi, eftir að Guð-
Hrandur Magnússon, hinn
aldni áhugamaður um flug,
hafði haldið skemmtilega
tölu.
Fagnaðurinn var settur af
Guðlaugi Gíslasyni, alþingis-
manni og bæjarstjóra í Vest-
mannaeyjum, er lýsti nokkuð
tilefninu. Síðan tók til máls
Ingólfur Jónsson, flugmála-
ráðherra, er gaf Vestmanna-
ingum loforð um það, að á-
fram yrði haldið flugvallar-
gerð, og ekki hætt við fyrr
en kominn væri svo góður
flugvöllur að hægt yrði að
-lenda hér í öllu venjulegu
veðri. Svo sem kunnugt er, er
þverbrautin á Vestmannaeyja
flugvelli enn aðeins 700 metra
löng, en þarf enn að lengjast
verulega, svo hún komi að
fullum notum.
Þá talaði flugmálastjóri,
Agnar Kofoed-Hansen, og
lýsti nokkuð aðdraganda og
tildrögum þessa flugs þeirra
tvímenninganna fyrir 25 ár-
um. Ræddi hann um það, sem
æskilegt væri að koma ætti í
flugvallargerð Vestmanna-
eyja, og minntist á í því sam-
bandi, að við þyrftum að
koma hinum dýrari tegundum
af okkar ágæta fiski flugleið-
is á borð þeirra vandlátu í
Evrópu, fáum tímum eftir að
honum hefði verið skipað hér
á land. Klykkti hann síðan út
með því, að segja að sú flug-
vél, sem þeir félagar hefðu
komið á fyrir 25 árum, myndi
verða gefin byggðasafni Vest-
mannaeyja til minningar um
þennan merkisatburð í sögu
Vestmannaeyjaflugsins.
Þá tók til máls Örn O.
Johnson, forstjóri Flugfélags
íslands, og flutti athyglis-
verða ræðu, þar sem hann
rakti nokkuð sögu flugs á ís-
landi, og stefnu Flugfélags ís-
lands í þeim málum nú og í
framtíðinni. Gaf hann fyrir-
heit um það að Flugfélagið
hyggðist þegar á næsta ári
bæta mjög þjónustu við Vest-
mannaeyinga með komu hinna
Guðlaugur Gislason, bæjarstjuri, flytur ræðu í hófinu sein haldið var í Vestmannaeyjum, til
að minnast fyrsta Eyjaflugsins. Við borðið sitja Bergur G. Gíslason, stórkaupmaður og frú,
Ingólfur Jónsson, flugmálaráðherra og frú og lengst til hægri Agnar Kofoed Hansen og frú.
(Ljósm. Sigurgeir).
nýju Fokker Friendship-véla.
Sagði Örn að frá upphafi vega
hefði Flugfélagið flutt um 180
þús. manns milli lands og
Eyja, eða sem samsvarar allri
þjóðinni. Má þá segja að all
álitlegur hópur hafi ferðazt
hér á milli, því að nú kem-
ur nokkuð meira til. í nokk-
ur ár héldu Loftleiðir einnig
uppi áætlunarflugi til Eyja og
fluttu fjölda farþega.
Bergur Gíslason flutti þakk
arorð fyrir höfðinglegt boð og
ræddi vítt og breitt um að-
draganda atburðarins fyrir 25
árum, og ennfremur um flug
og flugmál.
Auk þeirra, sem hér eru
taldir, töluðu Baldvin Jóns-
son, hrþ, forseti Flugmálafé-
lags íslands, Sigfús Johnsen,
forstjóri Eyjaflugs, Stefán
Árnason, fyrrv. yfirlögreglu-
þjónn, Jóhann Friðfinnsson,
kaupmaður.
Samsæti þetta var hið
ánægjulegasta í alla staði. Að-
komumenn virtust skilja mæta
vel sérstöðu Vestmannaeyja í
samgönugmálum og vera full-
ir af áhuga fyrir því að leggja
sitt af mörkum til þess að
bæta um, og þegar þeir
kvöddu veizlugesti úr Eyjum
kl. 12 á miðnætti, höfðu Eyja-
menn það á tilfinningunni að
þeir hefðu kvatt góða gesti,
og óskuðu þeim góðrar ferðar
og velfarnaðar.
— Björn.
Vetrarstarf KFUM
og K að hefjast
SUMARSTARF KFUM og K lauk
um mánaðamótin ágúst og sept-
ember. Hafði aðsókn að sumar-
búðum félaganna í Vatnaskógi
og Vindáshlíð aldrei verið meiri,
en er innritunin hófst á síðastl.
vori. Tíu dvalarflokkar dvöldu í
hvorum sumarbúðanna, þar á
meðal mjög fjölmennir flokkar
unglinga á aldrinum 14—17 ára.
í lok síðastl. mánaðar var unn-
ið að því að steypa grunn og gólf
fyrir nýjum og stórum skála, rúm
lega 30 metra löngum, í sumar-
búðunum í Vatnaskógi. Var það
starf unnið í sjálfboðavinnu.
Skálinn verður einnar hæðar
timburhús og verður húsið byggt
að vori.
Um helgina hefst 66. starfsvet-
ur félaganna hér í borg. Félögin
starfa á fjórum stöðum í borg-
inni en auk þess í Kópavogi. Að-
alstöðvarnar eru í húsi þeirra
við Amtmannsstíginn en auk
þess hafa þau barna- og ungl-
ingadeildir í húsi sínu við Kirkju
teig 33, félagsheimilinu við Holta
veg og að Langagerði 1. Þar eru
félögin nú að reisa nýtt félags-
heimili, sem vonir standa til, að
unnt verði að hefja starf í um
áramót. Þangað tii verður starf-
ið í bráðabirgðahúsnæði, sem
notazt hefur verið við undan-
farna vetur. Þar hefst starfið um
aðra helgi. Sama gegnir um
Kópavogsdeildina. Á hinum þrem
stöðunum — Amtmannsstíg,
Holtavegi og Kirkjuteigi — hefst
starfið á morgun (sunnudag).
Sunnudagaskólinn f húsinu við
Amtmannsstíg hefst kl. 10,30 f.h.,
og drengjadeildirnar á öllum
þrem stöðunum hafa fyrsta fund
sinn kl. 1,30 e.h. Telpnadeild
KFUK hefur fyrsta fund sinn
að Amtmannsstíg 2B sama dag
kl. 3.
Aðrar barnadeildir, svo og
unglinga- og aðaldeildir, hefja
starf sitt í vikunni eða um næstu
helgi.
Almennar samkomur verða á
sunnudagskvöldum kl. 8,30 í hús-
inu við Amtmannsstíg, svo sem
verið hefur, og æskulýðsvika
verður haldin þar dagana 11.—
18. þ. m.
Fjölgun stúdenta
Á haustin, þegar skólarnlr'
hefja kennslu, vakna jafnframt
umræður um fræðslumálin og
athyglin beinist að því, sem bet-
ur má fara. Það verður varla
sagt, að fræðslumálin séu í góðu
lagi. Má nefna skólakerfið sjálft,
en líklegt er að því sé betur
skipað með öðrum hætti. Helzta
vandamálið er þó skortur á hús-
rými og kennurum. Það er ekki
sérstakt íslenzkt vandamál, held-
ur eiga flestar þjóðir við það að
stríða.
Þróunin er til meiri og betri
menntunar, fleiri og fleiri ganga
nú menntaveginn, þess vegna
gengur illa að halda í horfinu
með byggingar og kennara.
Kaupmannahafnarblaðið Ber-
lingske Tidende ritar forustu-
grein nú í vikunni um þrengslin
dönskum háskólum. Hér birtist
upphaf greinarinnar, en allt sem
þar stendur gæti átt við hér-
lendis.
„Stúdentarnir eru búnir að
yfirfylla háskólana. Fjöldi nem-,
enda við æðri menntastofnanir
hefur farið fram úr öllum áætl-
unum og straumurinn mun vaxa
stöðugt. Stjórnarvöld og háskói-
arnir sjálfir hafa gert mikið til
þess að sjá fyrir húsnæði og
kennurum, en mest eru það þó
neyðarúrræði, þar sem reynt er
að leysa vandann frá ári til árs,
stundum jafnvel frá degi til
dags.“
Gætum dregizt
aftur úr
Alþýðublaðið fjallar um
fræðslumál í forustugrein í gær.
Þar segir m.a.:
„Nú er augljóst, að innan
nokkurra áratuga muni þrír af
hverjum fjórum íslendingum
hafa annað hvort stúdentspróf
eða sambærilega tæknimenntun.
Þá verður búið að gleyma þeirri
gömlu. trú, sem enn er við líði,
að stúdentspróf sé trygging fyr^,
ir opinberu skrifstofuembætti til
æviloka. Þvert á móti mun unga
fólkið með stúdents- og tækni-
prófin streyma út í atvinnu- og
menningarlífið til þeirra starfa,
sem þjóðin þarfnast hverju sinni.
Menn spyrja, hvort þjóðin hafi
ráð á því skólakerfi, sem nú er
við lýði. Raunhæfara væri að
spyrja, hvort íslendingar fylgist
með tímanum, hvort ekki er þörf
stórum meiri átaka til að mennta
æskuna. Við megum gæta okkar,
að dragast ekki aftur úr á þessu
sviði. Fari svo, er hætta á að við
verðum eftirbátar á fleiri svið-
um.“
Skólaskoitur
Tíminn ræðir um fræðslu-
málin í forustugrein í gær. —
Nefnist greinin: Skólaskort-
urinn. Upphaf greinarinnar er á
þessa leið:
„Skólahaldið er að hefjast. Það,
sem víða er nú áberandi, er auk-
inn skortur á skólahúsnæði.
Fjöldi unglinga víða um land
getur ekki notið lögboðinnar
fræðslu, svo að með góðu móti
sé, vegna skorts á skólahúsnæði."
Barizt við draug?
Þjóðviljinn ræðir einnig um
þessi mál og kemur þar fátt at-
hyglisvert fram. Blaðið krefst
jafnréttis í skólamálum og er
ekki alveg ljóst við hvað er átt.
Hefði þessi grein verið rituð fyr- ,
ir hálfri öld mætti telja, að þar
komi fram krafa um það, að öíl-
um væri kleift að stunda skóla-
nám af fjárhagsástæðum.
Þá gerir blaðið það að tillögu
sinni til úrbóta í fræðslumálum,
að ríkið setji skólanemendur á
föst laun, eins og tiðkast í Sovét-
ríkjunum. Segir blaðið þetta svo
brýnt, að íslenzk menning standi
og falli með framkvæmd þessa
boðskapar.