Morgunblaðið - 13.08.1967, Page 5

MORGUNBLAÐIÐ, SUNNUDAGUR 13. ÁGÚST 1967
5
Áttrœð á morgun:
Sigrún Jönsdóttir
kaupkona á Isafirði
Á MORGUN 14. ágúst verður
áttræð frú Sigríður Jónsdóttir,
kaupkona Brunngötu 21, ísa-
firði.
Sigríður er fædd í Stapadal
í Arnarfirði. Foreldrar hennar
voru þau Jón Pálsson og Sim-
orúa Kristjánsdóttir.
Mánaðargömul fór Sigríður í
fóstur til Jóns Einarssonar og
Guðrúnar Árnadóttur á Hóli í
Bakkadal í Ketildölum og ólst
þar upp til tólf ára aldurs. Þá
fór hún til foreldra sinna, sem
flutt voru búferlum og bjuggu
þá í Hnífsdal og síðar á ísa-
firði. Faðir hennar var dugandi
skipstjóri og þau hjón bæði
dugnaðar og sómafólk.
Sigríður er elzt fimm syst-
kina, tvö þeirra dóu kornabörn
en þrjú náðu fullorðins aldri.
Þorbjörg systir hennar dó 24 ára
gömul, mikil efnis stúlka og
sárt saknað af ættingjum sín-
um, ekki sízt systur sinni sem
oft minnist hennar með trega.
Bróðurinn Kristján H. Jónsson
var búsettur til skamms tima á
Ísafirði, en þá flutti hann til
Akraness, þar sem hann býr nú.
Þau systkini eru samrýmd og
veit ég að Sigríður saknaði hans
mikið, þegar hann fluttist burt
ásamt konu sinni Önnu Sigfús-
dóttur. Þær mágkonur eru góð-
ar vínkonur, sem kunna vel að j
meta hvor aðra.
í æsku stundaði Sigríður ýmis
störf. Það var þó ekki úr svo
mörgu að velja fyrir ungar
stúlkur og kaupið ekki hátt.
Tæplega tvítug fer hún aust-
ur á Norðfjörð og vinnur þar
við verzlun í eitt og hálft ár.
Líkaði henni þau störf svo vel,
að hún eftirleiðis gerði þau að
lífsstarfi sínu. Þegar hún kom
aftur til ísafjarðar vann hún
um nokkurt skeið við afgreiðslu
en stofnaði sína eigin verzlun,
Dagsbrún 10. júní 1921 í Silfur-
götu 3. Alltaf síðan hefur hún
verið einn af þekktustu og
traustustu kaupmönnum í bæn-
um.
18. nóv. 1922 giftist Sigríður
Jóhanni Eyfirðingi. Jóhann var
íkkjumaður og gekk Sigríður
börnum hans í móður stað. Voru
það sérstaklega Ragnar og Sig-
urlaug, sem nutu umönnunar
hennar. Reyndist hún manni sín I
um og börnum hans framúrskar j
andi eiginkona og móðir. Á j
heimili þeirra i Brunngötu 21
andaði hlýju og gleði á móti
þeim sem þangað komu. Einn-
ig ól hún upp að mestu Jóhann
son Sigurlaugar stjúpdóttur
sinnar, sem er henni mjög hjart-
fólginn.
Mann sinn missti Sigríður
1959. Var þá stórt skarð fyrir
skildi á heimilinu, því þau hjón
voru mjög samhent. Nú er orð-
ið færra um manninn á Brunn-
götu 21, en Sigríður er samt
ekki ein eftir. Hjá henni býr
vinkona hennar Rannveig Sig-
urðardóttir, sem kom til þeirra
hjóna, sem ung stúlka og hefur
verið þar síðan, eða í 40 ár. Hún
hefur fylgzt með Sigríði í gleði
og hörmum, tekið ástfóstri við
börnin og húsbændurna og unn-
ið störf sín af gleði og umhyggju
Það segir sig sjálft að svo lengi
er maður ekki búsettur á sama
heimilinu nema maður mæti þar
sannri vináttu og hlýju. Hefi ég
heyrt Sigríði segja að það sé
einn þátturinn í lífsgæfu sinni
að hafa hana „Veigu sína“ allt-
af hjá mér. Ég efast ekki um
að þar mæli hún af heilum hug,
því að vissulega er Rannveig
vinur vina sinna. Hvað er líka
dýrmætara en góður og tryggur
vdnur.
Sigríður hefur tekið virkan
þátt í margs konar félagsstörf-
um. Verið röggsamur formaður
Kvennadeildar Slysavarnarfé-
lagsins á ísafirði í nær 30 ér.
Gengt ýmsum störfum í Kvenn
félaginu Ósk, ög verið í skóla-
nefnd Húsmæðraskólans Ósk,
lengur en nokkur annar eða í
43 ár og enn er hún þar starf-
andi. Eru mér sérstaklega kunn
störf hennar í þágu skólans og
veit hve vakandi áhuga hún hef
ur á öllum framgangi hans og
heiðri. Áður fyrr meðan Kven-
félagið Ósk sá um rekstur skól-
ans, mæddi mikið á skólanefnd-
inni og var undir dugnaði henn-
ar komið á samvinnu við Kven-
félagið, hvernig hagur skólans
í og rekstur allur blómgaðist.
1 Síðan þegar skólinn var gerð-
i ur að ríkisskóla þurfti Kvenfé-
I lagið ekki lengur að sjá honum
fyrir rekstrarfé og létti þá vissu
lega þungum áhyggjum af fé-
laginu og skólanefndinni.
i Eftir sem áður er það mikils
; virði fyrir skólann að í skóla-
nefnd eigi sæti víðsýnt og vak-
j andi fólk. Þrátt fyrir sín átta-
j tíu ár að baki sér hefur Sigríð-
ur glöggan skilning á þörfum
skólans og öll framfaramál hans
eiga vissan stuðning hennar.
Vona ég að hún eigi eftir að
vinna að má'lum hans sem lengst
og sem flestar konur með henn-
ar hugarfari eigi eftir að verða
í skólastjórn.
Það má segja að Sigríður hafi
sett svip á bæinn um langt ára-
bil, bæði sem athafnakona í
verzlun og sem húsmóðir á sínu
faliega heimili við hlið hins
þekkta dugnaðar- og athafna-
manns Jóhanns Eyfirðings. Man
ég eftir því sem unglingur, hve
mikil reisn mér fannst alltaf yf-
ir þeim hjónum, en þau voru
góðvinir foreldra minna. Fram-
koma Sigríðar hefur alltaf mót-
ast af rólegum virðuleik. Hún
gengur heilshugar að hverju
verkefni. Ég minnist þess þegar
hún kom til mín og hvatti mig
til að saekja um skólastjórastöðu
við Húsmæðraskólann á ísa-
firði. Ég var þá dauðfeimin við
þessa virðulegu konu og að þvi
er mér virtist fálátu konu, en
ég komst fljótt að raun um að
þar sem Sigríður var átti ég
haug í horni. Við hana er hægt
að ta!a af hreinskilni og hún
segir óhrædd meiningu sína.
Ég veit að það eru fleiri en
ég sem minnast með gleði komu
sinnar á hið vistlega heimdli
hennar. þar sem hlýjuna leggur
á móti manni þegar dymar opn
ast.
Áttatíu ár eru langur tími og
vissulega man Sigríður og jafn-
aldrar hennar tíma tvenna. í
æsku sinni var þetta fólk alið
upp við þrotlausa vinnu, nægju
semi og sparnað. Nú eru aðrir
tíma, meiru úr að spila og tæki-
færin fleiri til að afla sér þeirra
þæginda, sem við öll sækjumst
eftir. En þrátt fyrir þær breyt-
ingar sem orðið hafa á lífskjör-
um fólks, eru hin raunverulegu
verðmæti þau sömu nú og þá.
Við leitum öll að einhverju
meiru en því sem þarf til að
fæða okkur og klæða. Ef við ekki
finnum það, finnst okkur við
ekki hafa höndlað hamingjuna.
Á áttatíu árunum hennar Sig-
------------------------------1
ríðar hafa auðvitað skiptst á
skin og skúrir en Sigríður hef-
ur mætt því öllu af æðruleysi
og stillingu, sem hennd sæmdi.
Áhugi hennar fyrir starfi sínu
og því sem er aðgerast, er enn
vakandi og alltaf er hressandi
að hitta hana hvort sem það er
fyrir innan búðarborðið í Dags-
brún eða heima hjá henni. Sig-
ríður er búin að sjá eftir mörg-
um góðum vini og vandamanni,
þegar þeir hafa fluttzt á brott,
en hún hefur setið kyrr, bundin
traustum böndum sinni heima-
byggð og sinu starfi, Hún er
Vestfirðingur í húð og hár, gædd
þeirra beztu eiginleikum, þraut _
seigju, hógværð og æðruleysi.
Veit ég að ég tala fyrir munn
fjölda margra vina hennar víðs
vegar um landið, þegar ég óska
henni til hamingju með afmæl-
isdaginn og bið guð að gefa
henni langt og blítt ævikvöld.
Þorbjörg Bjarnadóttir,
frá Vigur.
Glasgow, 10. ágúst, AP.
FLUGVÉL af gerðinni
DC-4 frá skozka flugfé-
laginu „Cambrian Airlin-
es“ hóf sig til flugs hér á
Renfrew-flugvelli í gær-
dag og var ferðinni heitið
til Manchester. 34 farþeg-
ar voru með vélinni, sem
var í reglulegu áætlunar-
flugi. Þegar vélin var kom
in í 1500 feta hæð (457 m)
og var yfir bænum Clyde-
bank bar svo við, að ann-
ar hreyfillinn datt af henni
og lenti ofan á húsi einu
þar í bæ og kom niður í
dagstofuna. Svo vel vildi
til að enginn maður var
heima í húsinu er þetta
gerðist. Engan farþega sak
aði heldur og sneri vélin
þegar við og lenti aftur
á Renfrew þar sem far-
þegar skiptu um vél.
ROUX
FANCI - TONE
HÁRUTUR
Næst, þegar þér farið á hárgreiðslu-
stofu, getið þér beðið um hvaða lit,
sem yður dettur í hug, ljósan — dökk-
an, hvað sem kann að vera við yðar
hæfi.
STÚRKOSTLEG NVJUNG
Oss er mikil ánaégja að geta nú kynnt snyrtivörur sem framleiddar
eru af viðurkenndasta framleiðanda Bandaríkjanna á þessu sviði, ef
til viíl beztu framleiðslu sinnar tegundar í heimi. Flestar hárgreiðslu
stofur í Bandaríkjunum nota þessar vörur.
NÝTT MAKE UP
En það er fyrir hárið.
Mjög auðvelt í notkun — Allir geta notað það. Berið það í hárið
beint úr plasthylkinu.
Það þarf ekki að hafa það neinn á kveðinn tíma í hárinu.
Leggið hárið strax eftir að ROUX FANCI FULL RINSE hefur ver-
ið borið i — þarf ekki að skola það áður. FANCI FULL RINSE litar
betur en allt annað skol á markaðn um. Vatn hefur engin á'hrif á það,
en það þvæst mjög auðveldlega úr hárinu með shampoo.
Gefur lituðu sem ólituðu hári glóandi og fallegan blæ.
Felur gráu hárin, sem eru farin að skjóta upp kollinum.
Mikið litaúrval.
Veljið lit við yðar hæfi.
Háralitun — Lagning — Hárnæring
Allt þetta í senn.
Hár yðar hefur aldrei verið svo fall-
egt eftir litun ....
Heildsölubirgðir
'""'&famerióka ?
Aðahtrœtl 9 - PAHból/ tU - J»«vk/«rfk - Mtml »3080
■]