Morgunblaðið - 29.03.1968, Blaðsíða 2

2
MORGUNBLAÐIÐ, FÖSTUDAGUR 29. MARZ 1968
Reyna að ryðja leiðina
norður heiðar í dag
MBL. sneri sér til Vegagerðar-
innar í gær og spurðist fyrir um
færð á þjóðvegum landsins. Var
blaðinu tjáð, að skafrenningur
væri víða og þungfært á mörgum
vegum, en gert var ráð fyrir að
skafrenningur ætti eftir að auk-
ast í nótt, þannig að enn verri
færð yrði í dag.
í gær var sæmileg færð á
austurleið um Þrengslin fyrir
stærri bíla og jeppa. Var hér í
næsta nágrenni borgarinnar snjó
koma fram aS hádegi, en úr því
sk- '"enningur, svo að fólksbílum
Vc. aldrei fært.
Allsæmilega fært var austur
til Víkur fyrir stærri bíla, en
mjög þungfært á Mýrdalssandi.
trá Homafirði var orðið fært á
Mýrar og austur að Lónsheiði.
Ennþá er óloki’ð mokstri á veg-
inum í Álftafirði, en áætlað er
að fært verði til Djúpavogs á
laugardag. í nágrenni Egilsstaða
var fært um miðhéraðið og um
Fagradal til Eskifjarðar.
Svo vikið sé að Norðurlandi,
þá var fært út frá Akureyri til
Dalvíkur, ennfremur um Sval-
barðströnd og til Húsavíkur var
fært stórum bílum og jeppum.
Öxnadalsheiði og Holtavörðu-
heiði voru ófærar, en gert er rá’ð
fyrir að hjálpa bílum yfir þær
í dag, ef veður leyfir. Frá ísa-
firði verður vegurinn opnaður
til Bolungarvíkur í dag, og
reynt er að halda veginum
kringum flugvöllinn á Patreks-
firði færum, en þar var stormur
og skafrenningur í gær.
Brattabrekka var ófær í gær,
og eins fjallvegir á Snæfellsnesi,
en vegurinn um Kerlingarskarð
og Fróðárheiði verða ruddur í
dag, ef kostur er. Fært var frá
Borgarfirði til Reykjavíkur í gær.
Hjartalokur úr
grís græddar í konu
Leeds, 28. marz,
NTB-AP.
SKURÐLÆKNAR í Leeds á
Englandi hafa grætt þrjár
hjartalokur úr grís í hjarta
30 ára gamallar konu, Jean
Bastow að nafni. Sjúkrahús-
læknar í Leeds upplýstu í
dag, að aðgerðin hefði farið
fram á mánudag og Bastow
sé nú við ágæta heilsu. Hún
hefur um nokkurt skeið átt
við hjartasjúkdóma að stríða
og voru þrjár af fjórum
hjartalokum hennar sýktar.
Sérfræðingar í Lundúnum
segja, að ekki sé óvanalegt, að
gervihjartalokur séu græddar í
menn, en þetta er í fyrsta sinn,
sem hjartalokur úr lifandi vef
eru græddar í manneskju.
Jean Bastow er gift og tveggja
barna móðir. Eiginmaður henn-
ar, Edgar, ræddi lítillega við
hana í sjúkrahúsinu í Leeds í
dag og sagði, að hún hefði getað
brosað og talað dálítið.
Aðgerðina framkvæmdi hópur
lækna frá ýmsum löndum undir
stjórn yfirmanns skurðlækna-
deildarinnar í Leeds-sjúkrahús-
inu, Geoffrey H. Woolers.
Kunnur skurðlæknir í Lund-
únum, sem græddi hjartaloku í
mannshjarta í Oxford fyrir
tveimur árum, kvaðst vantrúað-
ur á árangur skurðaðgerðarinn-
ar í Leeds. Hann sagði, að í
hana hefði verið ráðizt með
djörfung og nýjustu tækni, en
það virtist of mikil bjartsýni, að
græða þrjár hjartalokur úr grís
í mannshjarta, þegar svo lítið
væri vitað um hjartalokugræðslu
yfirleitt.
Starfsmaður Slysavarnafélagsins með gúmbátinn.
Gúmbátur iannst
nálægt Sandgerði
GÚMBÁT rak á fjöru nálægt
bóndabæ, sem stendur milli
Stafness og Sandgerðis.
Tveir ungir piltar á bæ þess-
um fundu bátinn í fyrradag og
var hann óútblásinn. Báturinn
vaT sendur til Reykjavíkur, þar
sem sérfræðingar Slysavarnar-
félagsins skoðuðu hann. Mátti
sjá, á útliti hans, að hann hafði
verið lengi að velkjast í sjón-
um. Ómögulegt var að sjá af
hvaða skipi hann hefur verið, en
þó mátti sjá að hann er þýzkur
að uppruna. Var hann mjög á-
þekkur gúmibát þeim, er
fannst við Krísuvíkurbjarg, og
telja sérfræðingar ekki ólíklegt
að báðir bátarnir séu frá sama
skipi, enda þótt ekki sé kunn-
ugt um nein þýzk skip, sem orð-
ið hafi fyrir áföllum.
IVIótmæla
frumvarpi
MBL. barst í gærdag svohljóð-
andi yfirlýsingu sem send hefur
verið til Sjávarútvegsnefndar
Neðri-deilidar Alþin.gis:
Við undirritaðir siglingafræði-
kennarar við Stýrimannaskól-
ann í Reykjavík, viljum beina
því til hæstvirtrar sjávarútvegs-
nefndar Neðri-deildar Alþingis,
að fraimkomið frumvarp um at-
vinnuréttindi skipstjórnar-
manna verði ekki afgreitt frá
nefndinni óbreytt, þar sem það
er stórt skrei aftur á bak.
Eindregin tilmæli okkar eru
þau, að frumvarpið verði sent
tiil nefndar, skipaðri mönnum úr
stéttarfélögum skipstjórnar-
manna, til athugunar og breyt-
h.ga.
Virðingarfyllst:
Jónais S. Þorsteinsson,
Ingólfur Þórðarson,
Benedikt Alfonsscn,
Þorvaldur Ingibargsson ,
Þorsteinn Gíslason,
Ásmundur Hallgrím'Sison,
Skúli Möller.
Yfirmaður
franskra
almannavarna
| sakaður um njósnir
París, 28. marz — NTB —1
FYRRV. yfirmaður almanna-'
varna í Frakklandi, Maurice |
Picard var í dag ákærður j
fyrir að hafa haft samband,
við erlenda njósnara. Ákær-I
an var borin fram eftlr að |
Picard hafði verið yfirheyrð-
ur affrönsku gagnnjósnadeild
inni í átta daga.
í hinni opinberu ákæru á I
hendur Picard, segir, að hann |
hafi haft samband við erlenda,
njósnara og með því skaðað'
hernaðarlega og diplómatiska I
stöðu Frakklands og mikil-
væg hagsmunamál Frakka.
Picard var settur atf sem1
yfirmaður almannavarna í I
júlí í fyrra, en hann hafði(
þá gegnt þessu emibætti í 14 /
mánuði. Picard þótti mjög
þýzksinnaður og ferðaðist I
hann oft til V-Þýzkalamds. |
Gagnnjósnadeildin franska j
segir, að Picard hatfi einnig
átt grunsamileg viðskipti við I
Austur-Þjóðverja og aðra út-(
lendinga

Myndin var tekin við afhend ingu verðlauna og eru á mynd-
inni, talið frá vinstri: Gunnar J. Friðriksson, formaður Félags
íslenzkra iðnrekenda, Ástmar Ólafsson, teiknari og Vigfús
Sigurðsson forseti Landssam bands iðnaðarmanna.
Merki „Iðnkynn-
ingar /968" valið
EINS og fram hefur komið í j
fréttum munu Landssamband
iðnaðarmianna og Félag ís-
lenzkra iðnrekenda gangast fyr- !
ir aukinni kynningu á íslenzk- j
um iðnaðarvörum nú á þessu
ári. Hefur kynning þessi hlotið
nafnið „Iðnkynningin 1968“.
Markmið kynningarinnar er
fyrst og fremst, að hvetja til
aukinna kaupa á innlendri iðn-
aðarframleiðslu. Mun áherzla
verða lögð á að veita upplýsing-
ar uim, hvað íslenzkur iðnaður
hefur upp á að bjóða og hve
mikilvægu hlutverki iðnaðurinn
gegnir, bæði með tilliti til þjóð-
arhags og atvnnuöryggis.
Efnt var til samkeppni um
merki fyrir iðnkynninguna.
Verðlaun fyrir beztu tillögu
voru ákveðin kr. 20.000.00. f
samráði við Félag íslenzkra
teikn-ara var skipuð dómnefnd,
en hana skipuðu, Skarxyhéðiun
Jóhannsson, Sæmundur Sigurðs
son. Atli Már Árn-as-on, G-uð-
bergur Auðunsson og Rafn
Hafnfjörð.
Dómnefndin lau-k nýlega ,
störfu-m. Alls höfðu 182 tillög- !
ur borizt frá 53 aðilum.
Fyrir vali dómn-efnd-arinnar
varð tillaga merkt „Samtengi
B“, _en höifundur hennar reynd-
ist Ástmar Ólatfsson.
Öll merkin voru til sýnis dag-
ana 8. og 9. marz, og hafa þau
nú^ v-erið en-dursend.
í greinargerð dómnefndar
segir ma..: „Merkið hentar vel
fyrir ýmis konar útfærslu, t.d.
prentun, vefnað ljósauglýsin-gar
og sjónvarp. Það er einfalt að
VELJUM ÍSLENZKT
ISLENZKAN IÐNAÐ
Merki Iðnsýningarinnar
gerð og því auðvelt að muna
það. Merkið nýtur sín vel í ein-
um lit en er þó hægt að setja
í það li-ti ef þurfa þykir. Það
fer vel við texta sem nauðsyn-
legur er ti-1 áróðurs og kynning-
ar vegna Iðnkynnigairinnar
1968“.
(Frá Iðnkynningunni)
Ekki hægt að leita að eld-
flauginni vegna veðurs
EKKI var hægt að leita að eld- |
flauginni, þeirri einu sem ófund
in er úr orrustuþotunni, í gær j
vegna veðui-s. Er það hald
manna, að þún liggi annað hvort
undir flaki vélarinnar eða hafi
fallið í Tjarnarlæk.
Rannsóknarr-efnd er komin
frá Bandaríkjunum, og fór hún
áleiðis austur í gær. Er g-ert ráð
fyrir því að hún verði komin
að flugvélabrakinu í kvöld, en
við verður eki hreyft fyrr en
nefndarm-enn hatfa litið á það.
Þá er ekki hægt að leita að eld
flauginnl í Tjarnarlæk fyrr en
þiðnað hefur.
Máttúru-
nafna-
kenningin
2. erindi á sunnudag
ÞÓRHALLUR V i! mu nda rson
prófessor flyrur annan fyrirlest-
ur sinn um íslenzk örnefni og
nátt-úrunafnakenninguna í há-
tíðasal Háskóla fsiands sunnu-
daginn 31. marz kl. 14.30. Fyrir-
lesturinn nefnist Áfangi.
Öllum er heimili aðgangur.
(Frétt frá Háskóla íslands).
Skákþing Islands
— Tefld verður ein umferð daglega
SKÁKÞING íslands 1968 verð-
ur sett sunnudaginn 7. apríl í
húsakynnum Dansskóla Her-
inanns Ragnars, Háaleátisbraut
158—160 ,klukkan 1.30.
Innritun í aðra flokka en
landsliðsflokk fer fram föstu-
daginn 5. apríl frá kl. 7—11 og
laugardaginn 6 apríl frá kl. 2—
6 á skrifstotfu Skáksamibands fs-
lands í Skák-heimilinu.
Þátttakendur í landsliðsflokki
verða Björn Þorsteinsson, núver
andi íslandsmeiistari frá T.R.,
Arinbjörn Guðmundsson, Taifl-
félagi Kópavogs, Halldór Jóns-
son, Skáktfélag Ákureyrar, Gunn
ar Gunnarsson, Taflfélagi
Reykjavíkur, Guðmundur Sigur-
jónsson, Tatflfélag Reykjavíkur,
Brag: Kristjánsson, Taflfélagi
Reykjavíkur, Ingimar Halldórs-
son, Tafifélagi Ólafsvikur, Björn
Theódórsson, Taflfélagi Reykja-
víkur og Freysteinn Þorbergs-
son.
Þessir menn höfðu allir unn-
ið sér rétt til þátttöku, en síð-
an hefur Skáksambandið boðið
eftirtöidum skákmönnum til
keppni,: Skáksambandi Suður-
lands og Hauki Angantýssyni,
Taflfélagi Reykjavíkur. Þá var
F'riðrik Ólafssyni, Inga R. Jó-
hannssyni, Guðmundi Pálma-
syni og Ingvari Ásmunchssyni
boðin þátttaka, en þeir séu sér
ekki fært vegna anna að vera
með .
Að þessu s!nni verður aðeins
keppt ein umferð daglega í stað
tveggja á undanförnum ámm.
Er hugmyndin sú hjá Stjórn
Skáksambandsins að keppnin
verði ekki eins erfið og verið
hefur, og gert verður ráð fyrir
betri taflmiennsku. Mótinu lýk-
ur annan í páskum en hraðskák-
mót íslands verður haldið sunnu
daginn 21. apríl á sama stað.
Þar fer þá einnig fram verð-
launaafhendinig.