Morgunblaðið - 10.07.1968, Blaðsíða 20

20
MORGUNBLAÐIÐ, MIÐVIKUDAGUR 10. JÚLÍ 1968
- Mér hafði aldrei dottið það
í hug. Ég vildi bara komast burt.
En hún var sjúklegur lygari og
við eina tilraunina til að halda
í mig, kom hún með lygi. Hún
leitaði til yðar og sagði yður, að
ég sæti um líf hennar, og hefði
ógnað henni í þá átt. Vitanlega
var þetta haugalygi. Svo kom
hún heim og fór að grobba af
þessu. Hún sagði, að ég
kæmist ekki burt þar eð lögregl-
an mundi hafa auga með mér, -
því hefði hún séð fyrir. Að ég
mundi hafa leynilögreglumann
á hælunum, dag og nótt. Ég
sagði, að ég hefði aldrei ógnað
henni - hvernig henni gæti dott-
ið I hug svona vitleysisleg lygi.
Hún sagði, að hún væri ekki svo
sérlega vitleysisleg, þar eð lög-
reglan tryði henni.
— Þetta er ekki satt, sagði
Nemetz. — Ég hafði það einmitt
mjög ákveðið á tilfinningunni,
að hún væri að ljúga.
— Já, en það vissi ég ekki.
Ég gekk beint að skrifborðinu,
dró út skúffu, tók skammbyss-
una mína og skaut hana. Skaut
hana meðan hún var á leið út úr
stofunni, hlæjandi. Ég gekk nú
ekki út frá, að hún væri mjög
mikið særð, því að hún fór að
æpa á hjálp og hljóp út úr íbúð-
inni. Þegar ég svo fór út, fimm
mínútum seinna, fann ég hana
úti undir tröppunni. Hún var
dauð.
— Og hvað gerðuð þér þá.
— Fór í sjúkrahúsið.
— Og þér iðruðust ekki neins?
— Ekki nema það skyldi þá
vera þess, að hafa ekki gert
þetta fyrir löngu. Ég hafði verið
heigull. Allt frá fyrstu byrjun
hafði hún lagt kapp á að eyði-
leggja mig - og ég veitti enga
mótsnyrnu. Hún rændi mig öllu
- heimili, móður, fjölskyldu,
sjálfsvirðingu. Og ég lofaði
henni að gera það - varð önug-
ur, forðaðist hana, hélt mig sem
mest að heiman, en ég lofaði
henni að fara sínu fram. Hún
bað um refsingu, en ég refsaði
henni ekki. Þessvegna fann hún
upp á þessari lygi. Hún vissi vel,
að sú lygi yrði ekki nein lygi,
ef um einhvern annan mann
væri að ræða. En þarna gekk
hún oflangt. Hún hélt því fram,
að lygin væri þrátt fyrir allt,
ekki svo heimskuleg. Og þá var
það, að ég skaut hana.
Nemetz mældi hann rólega með
augunum.
— Fólkið hérna í Budapest sá
svo um, að byltingin var hreint
og flekklaust fyrirtæki., sagði
hann. ■— Það var engu stolið úr
búðum þar sem gluggar höfðu
verið brotnir. Ekki einni ein-
ustu forintu var stolið úr upp-
sprengdum bankahvelfingum.
En þér notuðuð byltinguna til
100
að hylja glæpsamlegan verknað.
— Þar skjátlast yður, sagði
Halmy. Þetta var ekkert glæp-
samlegt. Þetta var mín eigin smá
bylting. Hann gretti sig. — Og
mér veitti miður. . .eins og öllum
hinum.
Sergei gekk til þeirra. —
Vörðurinn segir, að maðurinn
eigi að fara upp í lestina.
— Eru engin skilaboð til ung-
frú Mehely? spurði Nemetz. —
Er ekkert, sem ég á að segja
henni frá yður?
Halmy strauk ennið, óatyrkur.
— Hvað get ég sagt, sem ég
er ekki þegar búinn að segja?
Einhver fræg „síðustu orð“?
Hann hló harkalega. Segið
henni, að hún skuli gæta sín.
Og, að hún skuli bíða mín.
Kannski kem ég aftur. En hún
á ekki að bíða oflengi. Hún
þarf að giftast og eignast börn. .
fjandinn hafi það! Lífið bíður
ekki eftir henni. Fari það allt-
saman til fjandans! Segið henni,
að mér þyki þetta leitt og að
það sé fjandi hart að enda svona,
afþví að ég veiit, að okkur hefði
getað vegnað vel.
Það voru ekki nema fáir eftir
á stöðvarpallinum. Majórinn
gekk fram með lestinni, til þess
að finna rúm fyrir nokkra fanga
enn. í þriggja vagna fjarlægð,
benti hann vörðunum að koma
til sín með Halmy. Einn dátinn
gekk að Halmy og ýtti honum af
stað.
— Við skulum koma okkur af
stað, félagi fulltrúi, sagði Sergei,
þegar búið var að troða Halmy
inn í flutningavagn. — Mér er
orðið kalt.
— Andartak! svaraði Nemetz.
Honum var líka orðið býsna
kalt, en hann gat ekki slitið sig
frá þessu leiksviði. Allir fang-
arnir, hátt á annað þúsund, hófu
upp raust sína, grátandi, bölv-
andi og kveinandi. Halmy stóð
Innanhússmíði
Tökum að okkur allt tréverk er varðar íbúð yðar.
Stuttur afgreiðslufrestur, hagkvæmir greiðsluskil-
málar.
Timburiðjan h.f. v/Miklubr.
Sími 36710. — Á kvöldin 41511.
PLA8TINO-KORK
Mjög vandaður parketgólfdúkur.
Verð mjög hagstætt.
ALLTAF FJÓLGAR VOLKSWAGEN
V0LKSWAGEN 1600 A og L
er rúmgóður, glœsilegur
og sparneytinn bíll. AV A
HEKLA hf
kyrr við hurðina, eftir að henni
hafði verið skellt aftur, og læst.
Aðeins höfuðið á honum var
sýnilegt milli rimlanna. Um sex-
tíu manns, mest unglingar af
báðum kynjum, var þarna sam-
antroðið í vagninum.
— Skrifið þér, ef þér fáið
færi á því, sagði Nemetz. —
Látið alltaf ungfrú Mehely vita,
hvar þér eruð niðurkominn.
Lestin hreifði sig, og ískraði í
hjólunum.
— Fulltrúi! æpti Halmy.
Röddin var líkust því sem um
líf eða dauða væri að tefla.
— Ég gleymdi nokkru!
— Hvað var það? sagði Nem-
etz og gekk áfram með lestinni.
— Hérna! æpti Halmy og fl-
eygði einhverju út. — Það lá í
vasanum á frakkanum. Ég var
næstum farinn með hann. Úti-
dyralykillinn!
Tveir rússneskir dátar hlupu
undan, rétt eins og þeir héldu,
að kastað hefði verið sprengju.
En þegar þeir sáu, hvað þetta
var, sparkaði annar þeirra í
lykilinn, svo að hann þaut eftir
pallinum.
— Bölvaðir asnarnir! sagði
Sergei, er hann náði í lykilinn
og rétti hann til Nemetz.
— Fulltrúi! æpti Halmy aftur.
Lestin herti á sér og Nemetz sá
ekki lengur framan í hann.
— Heilsið Alexu og segið
henni. ...
Framhaldið hvarf í skröltið í
lestinni og örvæntingaróp fang-
anna, sem í henni voru.
Alexa hafði setið við borð úti
í horni, síðan „Hjá Lólu“ var
opnað. Þegar hún hafði sagt
Hönnu, að hún biði eftir Nemetz
fékk hún morgunverð, sem var
kaffi, nýbakaðir brauðsnúðar,
smjör og egg - sannarlegur
kóngaverður í sveltandi borg
KÓPAVOGUR
Afgreiðsla Morgunblaðsins í Kópa-
vogi er flutt í CRÆNUTUNCU 8
SÍMI 40748. Cerður Sturlaugsdóttir
Sllttsititfrfafrifr
11. JÚLÍ.
Hrúturinn 21. niarz — 19. apríl.
Óvænt ábyrgð verður þér falin. Þú getur lent í fjölskylduerjum,
ef þú gleymir að svara fyrir þig.
Nautið 2. apríl — 20. maí.
Jafnaðu sakimar frá í gær og leggðu ótrauður í annir dagsins.
Þér verður ágengt í skapandi listum.
Tvíburarnir 21. maí — 20. júní.
Sæktu sjóðinn sem þú ætlaðir til mannfagnaðar og gleddu ein-
hvem nákominn. Athugaðu ástamálin.
Krabbinn 21. júní — 22. júlí.
Vertu samvinnuþýður, og njóttu tómstundaiðju með kvöldinu.
Ljónið 23. júlí — 22. ágúst.
Samvinna er ofarlega á baugi í dag, en hafðu þitt fram. Eitt-
hvað óskemmtilegt gæti skeð, ef óvarlega er á haldið. Gott að
stofna til nýs kunningsskapar með kvöldinu.
Meyjan 23. ágúst — 22. sept.
Tilviljanir ráða í dag, og Óþarfi er að vera alltaf eina og allir
aðrir, skerðu þig úr fjöldanum. Þú getur átt von á velferð í við-
skiptum og fjármálum.
Vogin 23. sept. — 22. okt.
Nýjar úppgötvanir liggja 1 loftinu, vertu vakandi fyrir óvænt-
um atvikum í ástamálum eða fjármálum.
Sporðdrekinn 23. okt. — 21. nóv.
ýmsar góðar hugmyndir líklegar til að skjóta upp kollinum og
ýmsir víðsvegar fjarri eiga eftir að hagnýta þær fyrst.
Bogmaðurinn 22. nóv. — 21. des.
Góður dagur og gott kvöld, þú færð góðar hugmyndir.
Vatnsberinn 20. jan. — 18. febr.
Margt óvænt skeður i dag.
Fiskarnir 19. febr. — 20. marz.
Vertu í nánu sambandi við þína ættingja, og gerðu eitthvað.
óvemjulegt næstu helgi.