Morgunblaðið - 17.07.1968, Síða 22

22
MORGUNBLAÐIÐ, MIÐVIKUDAGUR 17. JÚLÍ 1968
Landsliðið valið móti Norð-
mönnum á morgun

Einn nýliði og alls 3 breytingar
frá leiknum gegn Þjóðverjum
A morgun er landsleikur í knattspyrnu milli Islands og Noregs.
Leikurinn hefst á Laugardalsvelli kl. 20.30. tslenzka liðið var valið
í gær og verður þannig skipað:
Markvörður: Þorbergur Atlason, Fram.
Bakverðir: Jóhannes Atlason Fram og Þorsteinn Friðþjófsson
Val.
Framverðir: Guðni Kjartansson Keflavík, Ellert Schram KR og
Halldór Björnsson KR.
Framherjar: Reynir Jónsson Val, Þórólfur Beck KR, Hermann
Gunnarsson Val, Eyleifur Hafsteinsson KR og Elmar Geirsson
Fram.
Varamenn eru: Guðmundur Pétursson KR, Gunnar Austfjörð
Akureyri, Magnús Jónatansson Akureyri, Kári Árnason Akureyri
og Hreinn Elliðason Akranesi.
fsl. liðið fór í æfingabúðir að Laugarvatni á hádegi í gær og
kemur í bæinn um hádegi keppnisdaginn.
í þessu liði er einn nýliði,
Halldór Björnsson KR, sem að
undanförnu hefur sýnt góða
leiki með KR, mikinn dugnað og
keppnisskap.
Að sjálfsögðu munu umræður
skapast um þetta lið, en miðað
við leikinn við V-Þjóðverja, sem
þótti takast óvenjulega vel hjá
ísl. liðinu að undanskildum síð-
ustu 20 mínútum leiksins eða
svo, gat vart orðið um miklar
breytingar að ræða.
Breytingarnar verða í þremur
stöðum. Jóhannes Atlason tekur
stöðu Ársæls Kjartanssonar sem
bakvörður (kom einnig inn á er
Ársæll meiddist í síðasta lands-
leik). Kári Árnason er settur út
úr liðinu og Anton Bjarnason
er heldur ekki með, en Ellert
kemur í staðinn. Mbl. hefur hler
að að Anton hafi verið valinn,
en þegar boðað forföll vegna
meiðsla og valinu þá verið
breytt.
Athygli vekur að enginn Ak-
ureyringur — toppliði 1. deild-
ar — er í liðinu. En Akureyring-
ar hafa átt siaka leiki að undan-
förnu, en önnur lið sótt á og
nyrðra munu einnig meiðsli á
mönnum.
Þá hafa þær raddir heyrzt, að
nokkrir okkar vösku unglinga-
landsliðsmanna eigi að vera í
liðinu og myndu styrkja það.
Ekki erum við fylgjandi þeirri
skoðun, því þeir eiga enn eftir
að öðlast þroska og umfram aldt
reynslu áður en staða bíður
þeirra í A-landsliði. En gleði-
leg staðreynd er það, að nú eru
fimm menn í landsliðinu, sem
skipuðu sæti í Unglingalandsliði
íslands 1965. Á þremur árum
hafa þeir áunnið sér þennan
þroska. Og það er hinn rétti
gangur málanna.
En A-liðið getur margt af
unglingalandsliðinu lært m.a.
keppnisvilja og ákveðni. Og ef
hraða og úthald ekki þrýtur þá
ætti ísl. liðið að hafa möguleika
til sigurs, því Norðmenn eru í
nokkrum vandræðum með lands
lið sitt. Það skorti hraða gegn
Dönum og tapaði 1—5. Hraði
ætti því að geta verið beitt vopn
gegn þeim á morgun. fsl. liðið
hafði hraða lengst af móti Þjóð-
verjunum. Og nú er að vona að
enn betur takizt til.
— A. St.
Þrír landsliðsmenn eigast við: Þorbergur markvörður Jóhann-
es bakvörður og Eyleifur — í Ieik KR og Fram í fyrrakvöld.
Guðm. Gíslason náði 0L-
lágmarkinu í f jórsundi
— og Ellen Yngvadóttir var 2/10
úr sek. frá því í bringusundi
GUÐMUNDUR Gíslason varð
annar ísl. sundmanna til að ná
OL-Iágmarki er hann í gær-
kvöldi varð 3. í 200 m fjórsundi
á miklu móti í Stokkhólmi á
2:22.0, sem er 5/10 úr sek. undir
lágmarkinu. Þrjú met voru sett.
Auk þessa setti Leiknir Jóns-
son met í 200 m bringusundi,
2:41.3, sem er 1.8 frá lágmarki,
en lágmarki náði hann í fyrra-
kvöld á sama móti í 100 m
bringusundi. Þá setti Ellen
Yngvadóttir met í 100 m bringu-
sundi 1:22.2, sem er aðeins 2/10
úr sek frá lágmarki til OL í
þeirri grein.
Landsliðið valið til Færeyja
Handknattleikssambandið hef-
ur valið landslið það er leika á í
Færeyjum 20. júlí. Heldur liðið
utan 19. júlí og heim er komið
21. júlí. Einu sinni áður hafa
löndin leikið saman og vann þá
ísland 27:26 en staðan í hálfleik
var 13:12 Færeyingum í vil.
Nokkrir liðsmenn eru til greina
komu áttu ekki heimangengt
en liðið sem fer er þannig skip-
að:
Þorsteinn Björnsson og Guð-
mundur Gústavsson markverðir,
Örn Hallsteinsson, Geir Hall-
steinsson (fyrirliði), Björgvin
Björgvinsson, Sigurbergur Sig-
steinsson, Bergur Guðnason,
Ágúst Ögmundsson, Einar Magn-
ússon, Jón Hjaltalín Magnússon,
Sigurður Jóakimsson og Hilmar
Björnsson.
Leikur þessi verður ekki skráð
ur sem landsleikur hjá HSÍ og
geta leikmenn því ekki tal-
ið hann með í landsleikjafjölda
Stefni að því að komast á Mexicóleikana
— spjallað við Þorstein Þorsteinsson
Einn af efnilegustu íþrótta
mönnum okkar nú er Þor-
steinn Þorsteinsson millivega
lengdahlaupari. Þorsteinn hef
ur undanfarin tvö ár tekið
stórstígum framförum. í fyrra
setti hann íslandsmet í 800
metra hlaupi, hljóp á 1:50,1
mín. á setti hann einnig ung
lingamet í 400 metra hlaupi
48,2 sek., og í 1500 metra
hlaupi á 3:55,9 mín. Ekki er
ólíklegt að Þorsteini takist í
sumar að slá fslandsmetið í
400 metra hlaupi, enda má
segja að tími sé til kominn.
Það var sett 1950 af Guð-
mundi Lárussyni og er 48.0
sek.
Þorsteinn stundar verk-
fræðinám í Bandaríkjunum og
á eftir eins vetrar nám í loka
próf. Við fengum Þorstein til
að ræða við okkur um æfinga
fyrirkomulag hans og keppn
ir:
- Ég er búinn að vera í
Bandaríkjunum s.l. þrettán
ár, sagði Þorsteimn. — For-
eldrar mínir búa þar, en ég
hef alltaf verið á íslandi yfir
sumartímann. Ég byrjaði að
æfa íþr óttir þagar ég var sext
án ára og þá til að byrja með
körfubolta og glímu. Þetta
gekk ekki sérstaklega vel.
Svo var það eitt sinn í leik-
fimitíma að kennarinn lét okk
ur hlaupa 600 metra hlaup. Þá
gekk mér það vel að ke'nnar-
inn benti mér á að fara til
hlaupaþjálfara. Þetta var upp
hafðið á hlaupaiðkunum mín-
um.
— Hvernig er æfingumhátt
að hjá þér?
— í skólanuim sem ég er í
eru þrír frjálsíþróttaþjálfar-
ar og þar af æfir einn hlaup
einungis. Tímabilinu er skipt
í þrennt: Það fyrsta er á
haustin og er þá keppt í víða
vangshlaupum, annað er yfir
vetrartímann og er þá verið
innanhúss og það þriðja er á
vorin og þá er byrjað að
hlaupa á brautum. Skólinn
hefur íþróttahús með 140
metra trébraut og þar æfi ég
á hverjum degi, að undan-
skildum sunnudögum, yfir
vetrartímann. Venjulegast
fara tveir tímar í æfingar á
dag. í vetur æfði ég þarna
meira fyrir 800 metra hlaup,
þar sem skólinn átti fremur
góða 800 metra hlaupara og
gat því teflt fram góðri boð-
hlaupssveit. Keppni milli
skóla eru tíðar, og það mikið
metnaðarmál hjá bverjum
skóla að standa sig vel.
— Kepptir þú í liði þíns
skóla?
— Ég keppti í skólakeppn
um bæði í einstaklingsgrein-
um og boðhlaupum. Bezti ár-
angurinn er tvímælalaust 4x
880 yarda boðhlaup sem við
hlupum í vor. Við náðum 7:25.
mín., sem mun vera 10. bezti
árangur sem náðst hefur í
þessari grein. Millitími minn
í þessu hlaupi var 1:51,8 mín,
sem rnuin svara til 1:51,0 mín.
í 800 metra hlaupi.
— Hvernig æfir þú svo
hér heima?
— Ég æfi á Melavellinum
undir stjórn Jóhannesar Sæ-
mundssonar, þjálfara, KR,
sem ég tel mjög góðan. Æf-
ingarnar eru meira miðaðar
Framhald á bls. 14
Guðmundur Gíslason.
Helztu úrslit á mðtinu urðu
þessi:
200 m skriðsund:
1. L. Erikson, Svíþjóð, 1:59.8
22. Guðm. Harðarson 2:15.0
200 m bringusund:
1. M. Giinther, V-Þýzkal., 2:35.1
6. Leiknir Jónsson 2:41.3
Isl. met
100 m baksund:
1. R. Blechers, V-Þýzkal., 1:03.7
Framhald á bls. 23.
2,17 í
hástökki
Svíinn Bo Jonsson setti nýtt
sænskt og Norðurlandamet í há-
stökki á alþjóðamóti í Esslingen
á sunnudag. Hann stökfa 2.17 m
og sigraði í greininni. Eldramet
ið átti Stickan Petterson 2.16 m.
Á sama móti vann Lee Evans
400 m hlaup á 47.5 sefa, Russ
Rogers hljóp á 47.6 og Hubner
V-Þýzkalandi á 47.9