Morgunblaðið - 01.11.1970, Blaðsíða 17
MORGUNBLAÐIÐ, SUNNUDAGUR 1. NÓVEMBER 1970
41
— Á slóðum F.í.
Framhald af bls. 39
sandsvegurinn gamli, niður með
Innri-Skúmstungnaá að vestan,
allt niður að Þjórsá. Er þar far-
ið yfir Fremri-Skúmstungnaá,
en milli þeirra er Skúmstungna-
heiði. Sýnir þetta glögglega,
hvað mönnum hefur áður verið
sýnt um að velja vegstæði, að
verkfróðir menn skuli telja
heppilegast að leggja bílveg að
mestu á sama stað og menn
völdu sér leið með hesta sína
fyrir mörgum öldum og vörðuðu
síðar.
Vegurinn liggur úr Skúms-
tungum upp kúlulaga fell, eigi
mjög bratt. Þetta er Sandfell.
Er fram á fellið kemur, blasir
við mikið sandflæmi vestan
Þjórsár, Hafið. Nú sveigir bíl-
vegurinn austur á við og ligg-
ur af fellinu austur undir
Þjórsá og síðan skammt vestan
árinnar til Búrfells, en gamli veg
urinn liggur nokkru vestar nið-
ur af fellinu og fram í Hóla-
skóg, sem er vestan við Hafið,
vestur við Stangarfell, og er
þaðan skammt fram í Þjórsárdal.
Eins og sjá má af þvi sem nú
hefur verið sagt, er mestur hluti
þessarar leiðar greiðfarinn. Að-
eins í Jökulkróknum norðan við
Kerlingarfjöllin og í Illahrauni
má kalla að vegur sé stirður
en vafalaust mætti velja þar
betri leið, og lagfæring sem um
munaði, væri varla kostnaðar-
söm. En leiðin er fögur og eftir-
minnileg, svo sem nú hefur ver-
ið sagt. Er einkum minnisstæð-
ur hinn víði fjallahringur sem
sést af Fjórðungssandi, og um-
hverfi í Gljúfurleit, sem er fag-
urt og stórfenglegt i senn.
Ennfremur má benda á, að fyr
ir einu eða tveim árum var
ruddur vegur inn með Stóru-
Laxá að austan. Liggur sá veg-
ur upp frá Skáldabúðum og állt
inn á Sultarfit. Þaðan er svo
slóð austur að Fossá. Þá er ekki
eftir nema örstuttur veglaus
kafli austur að Helgavatni og á
áðurnefndan veg niður með
Þjórsá. Það væri á allan hátt
mjög æskilegt að tengja þessar
leiðir saman.
Haraldur Matthíasson.
- QUEBEC
Framhald af bls. 37
ið í tvennt og gekk á ýmsu með
samkomulag skoðanabræðranna.
Árið 1963 hafði ógnarstefnan
Front de Libération du Quebec
(FLQ) rutt sér til rúms með ann-
arlegum sprengjuhvelli og þótti
þessi innflutti siður furðu gegna
fyrst i stað. Smám saman fannst
mönnum ekki í frásögur færandi
vikulegt næturnötur glugga-
rúðanna á heimilum miðborgar-
búa í Montreal. Fólk gerði það
að íþrótt sinni, áður en það sofn
aði aftur, að gizka nánar á, —
út frá styrkleik sprengingarinn
ar og ýlfrinu i aðvífandi lög-
reglu- og brunaliði —, hvarbylt
ingarhetjur þessar mundu hafa
læðzt með húsum í skjóli nætur
með böggulinn sinn. Urðu eink-
um opinberar byggingar fyrir
barðinu á FLQ. -— öðru hvoru
hafðist upp á einstaka fanti og
hafa þeir hlotið sinn dóm fyrir
sprengingar, bankarán, morð og
fleira. Nefna lagsbræður þess
ara glæpamanna þá pólitíska
fanga. Hefur nú FLQ með sið-
asta herbragði sínu gert heimin-
um heyrinkunnugt um réttarfar
í Kanada og gizka ég á, að þess-
um „pólitisku föngum" sé sums
staðar vorkennt af þeim, sem sjá
sér hag í fréttabrengli.
En það er af lýðræðissinnaðri
skilnaðarstefnu að segja, að
henni óx fiskur um hrygg jafnt
og þétt er á leið áratuginn, en
þáttaskil urðu fyrst árið 1969,
þegar einn af mikilhæfustu
stjórnmálamönnum Quebec,
René Lévesque, tók af skarið,
stofnaði Parti Quebecois (PQ)
og fylktu þar liði öll félagsbrot
lýðræðissinnaðra skilnaðar-
manna. Lévesqus hafði líkt og
Pierre heitinn Laporte verið ráð
herra i nýstefnustjórn Lesage,
ákaflyndur, snjall skipuleggjari,
máttugur í orði og verki og ein
dreginn fylgjandi opinberra af-
skipta af fjármálalífi fylkisins.
Snemma á ráðherratíð sinni hélt
hann því hiklaust fram, að lausn
skilnaðarstefnunnar yrði óhjá-
kvæmileg, ef þarfir og kröfur
franska Kanada yrðu að vett-
ugi virtar. Hann var um síðir
rekinn úr Frjálslynda flokknum
fyrir skoðanir sínar. — Er svo
skemmst frá að segja, að PQ
olli pólitískri vakningu í Que-
bec. Lévesque var tekið með
kostum og kynjum hvar, sem
hann kom i kosningabaráttu
þeirri, sem í hönd fór. í kosn-
ingunum (í apríl síðastliðnum)
hlaut þessi nýi flokkur hvorki
meira né minna en 24% atkvæða.
Túlkun: næstum fjórði hver kjós
andi vildi frjálst og fullvalda
Quebec. Þetta voru markverð-
ustu niðurstöður kosning-
anna. En vegna úreltrar kjör-
dæmaskipunar hlaut flokkurinn
aðeins 6% þingmanna á fylkis-
þingið í Quebec-borg. Fáir nema
PQ hneyksluðust á þessu og var
sigur Frjálslynda flokksins bá-
súnaður mjög vegna mikils
fjölda þingmanna. Það hefur þvi
farið minna en skyldi fyrir Parti
Quebecois á þinginu.
FLQ hafði haldið sér í skefj-!
um meðan á kosningabaráttunni
stóð. Nú um daginn sáu þeir
sér leik á borði, sem eftir yrði
tekið: mannrán og hótun um
morð gísla, yrði ekki farið að
kröfum þeirra. René Lévesque.
reyndi að koma fyrir þá vitinu
með skrifum í blaði sinu, en allt
kom fyrir ekki. — FLQ voru og
eru fulltrúar fárra og fordæmdi
RIN og aðrir skilnaðarsinnar að
ferðir þeirra strax í upphafi og
nú einnig hinn fjölmenni stjórn-
málaflokkur Parti Québecois.
Mannhatur þeirra og morðfýsn
kemur engum að gagni, engum í
Quebec, hvorki umbótamönnum
né fullveldissinnum.
Fyrir nokkrum mánuðum varð
36 ára gamall hagfræðingur,
Robert Bourassa, forsætisráð-
herra i Quebec. Hann setti sér
og stjórn sinni það mark að ráða
á örfáum árum bót á atvinnu-
leysinu, lífgjafa beiskju og skiln
aðarstefnu í fylkinu. Hinn ungi
forsætisráðherra hefur nú á við
bjóðslegan hátt verið sviptur
reyndasta ráðherra sinum og
hægri hönd, Pierre. Laporte at-
vinnumálaráðherra. Full ástæða
er til að óska Robert Bourassa
velgengni í tilraun sinni. Á
henni veltur framtíð Quebec —
og Kanada.
Þór Edward Jakobsson.
SENN KOMA
JÓLIN
BUXNA-terylene
Ullareíni
Jerseyefni
Glitofin efni
Frottéefni
Knkiefni
Nonbinefni
Hvítt og mislitt léreft
Sængurverodnmask
Hnndklæði, glæsilegt úrval
VEL KLÆDD KONA SAUMAR SJÁLF.
KAUPIÐ EFNIN TÍMANLEGA
FYRIR JÓLIN.
AUSTURSTRÆTI 9.
Sendisveinn óskast
nú þegar.
Landbúnaðarráðuneytið
Arnarhvoli.
IÐNNÁM
Vélvirkjun
Bifvélavirkjun
Óskum eftir að ráða til náms á verkstæðum
okkar
2 nema í vélvirkjun og
2 nema í bifvélavirkjun.
Ráðning nú þegar eða eftir samkomulagi.
Þeim, sem eiga eldri umsóknir hjá fyrirtæk-
inu, er bent á að hafa samband við starfs-
mannastjóra.
Umsóknareyðublöð fást hjá Bókaverzlun Sig-
fúsar Eymundssonar, Austurstræti 18, Rvík,
og Bókabúð Olivers Steins. Hafnarfirði.
Umsóknir berist eigi síðar en 9. nóvember
1970 í pósthólf 244, Hafnarfirði.
ARO-
LADY
brjósta-
stœkkunartœkið
ásamt fullkomnum nuddáhöldum
ARO-LADY gefur brjóstum
yðar nýjan lífsþrótt og er
einstaklega áhrifamikið fyrir
lítil og slök brjóst.
Hinn einstæði fíngerði útbún-
aður ARO-LADY-tækjanna
gerir yður kleift að nota þau
hvar og hvernær sem er, enda
eru þau knúin rafhlöðum og
tryggja þess vegna áhættu-
lausa og þægilega notkun.
ARO-LADY starfar sjálfvirkt
að fegurð yðar á meðan þér
hvílist frá önnum dagsins.
ARO-LADY sér ekki eingöngu
um velferð brjósta yðar, það
hjálpar yður einnig tii að
halda æskufegurð, frískleika
og reisn frá hvirfli til ilja.
SKILATRYGGING
Skilyrðislaus trygging yður tili
handa fylgir kaupunum á
ARO-LADY-tækjunum þ.e.a.s.
ef þér teljið að tækin standist
ekki auglýst notkunargildi, þá
mun Heimaval endurgreiða yð-
ur tækin umyrðalaust, innan 14
daga eftir að þér móttakið þau.
PÓSTLEGGIÐ AFKLIPPING-
INN
Látið ekki hjá líða að klippa
út afklippinginn hér að neð-
an og senda hann til HEIMA-
VALS og munum við senda
yður um hæl nánari upplýs-
ingar um ARO-LADY í venju-
legu sendibréfi um leið og
hann berst okkur í hendur.
I Prentstafir
011170/m.
Vinsamlegast sendið mér upplýsingar um Arolady-tækið,
mér að kostnaðarlausu og án skuldbindinga frá minni hálfu.
33
Nafn:
Heimilisf:
HEIMAVALK8SÖ&Í39