Morgunblaðið - 06.12.1973, Blaðsíða 32

32
MORGUNBLAÐIÐ, FIMMTUDAGUR 6. DESEMBER 1973
Virkjun og stóriðja á Norðurlandi:
Forsendur aldrei betri en nú
LARUS J0NSSON (S) mælti
fvrir tillögu til þingsál.vktunar,
sem hann flytur ásamt Halldóri
Blöndal um staðarval stóriðju og
stórvirkjana á Nurðurlandi, f
sameinuðu þingi sl. þriðjudag.
Fjal lar tillagan um að kanna hag-
kvæmni þess, vegna jákvæðrar
þróunar byggðar og aukins
örvggis f orkuöflun allra lands-
manna, að velja stóriðjufyrirtæki
stað á Norðurlandi, jafnframt þvf
sem lögð yrði öflug miðlunarlfna
norður, virkjuð jarðgufa við
Kröflu og stefnt að virkjun við
Ðettifoss.
Þingmaðurinn sagði, að sú
stefna, sem i tillögunni fælist,
hefði vertð lengi á dagskrá, en
forsendur fyrir framkvæmd
hennar aldrei svo góðar sem nú.
Nú lægju- fyrir upplýsingar um
það frá Orkustofnun, að 55 mega-
vatta gufuaflstöðvar við Náma-
fjall eða Kröflu mvndu framleiða
raforku á sambærilegu verði og
beztu vatnsaflsvirkjanir i
landinu. Þá væri um það rætt í
sfvaxandi mæli meðal stjórn-
valda. að semja við erlenda aðila
Framhaldssaga
úr Húnaþingi?
í tilefni greinar Benedikts
Blöndal, hrl. í Morgunblaðinu
laugardaginn 1. desembers.l. með
yfirskriftinni ..Saga úr Ilúna-
þingi" langar mig að spyrja lög-
manninn, hvort hann hafi kynnt
sér allar hliðar þess máls, sem
greinin fjallar um, en það mun
háttur góðra lögmanna. Ennfrent-
ur hvort hann telur sig gera skjól-
stæðingum sínum og íbúum Fr.
Torfustaðahrepps greiða með þvf
að hefja opinberlega umræður
um þetta mál. skyldleika manna
og gang málsins. sem gæti leitt til
þess, að allar hliðar á málinu yrðu
ræddar opinberlega.
P.t. Reykjavík, 3. desember
1973,
Ragnar Benediktsson,
oddviti Fr. — Torfustaða-
hrepps.
Bifreiðasala
Notaðirbílarfilsölu
Hunter De luxe station '69,
'71
Hunter De luxe '71
Hunter Super '71
Hunter '67, '70
Sunbeam Arrow '70
Sunbeam 1500 '72
Sunbeam 1250 '70
Sunbeam Alpine '69, '71
Hillman Minx '67
Matador 2ja dyra coupe '73
Ford Custom 500 '67
Chervolet Camaro '70
Plymouth Duster '71
Willýs '62, 64, '67
Commer 2500 sendiferðabíll
'66
Cortina 2já dyra '63, '71
Volkswagen 1302 LS '71
Opel Caravan '70
Fíat 125 70
Peugeot station '71
Saab 99 71
Citroen !D 19 '67
Pontiac Le Mane '71
Wagoneer Stadard '71
Allt á sama stað
EGILL.
VILHJALMSSON
HF
Laugavegi 118-Sími 15700
um að reisa orkufrek stóriðju-
fyrirtæki í landinu, en þau væru
nauðsynlég forsenda fyrir því að
virkja raforku, svo nokkru næmi.
Þá sagði Lárus Jónsson:
„Þyngsta áherzlu vil ég leggja
á, að framkvæmd þeirrar stefnu í
orkumálum, sem þessi tillaga
hefur í för með sér, myndi ger-
breyta til batnaðar öryggi í orku-
öflun allra landsmanna. I fyrsta
lagi yrði horfið frá þvf að velja
öllum stórvirkjunum í landinu
stað í næstá nágrenni frægasta og
virkasta eldfjalls á íslandi. í öðru
lagi færi verulég orkuframleiðsla
fram á gjörólíkum sv'æðum með
tilliti til veðurfars, þannig að
minni hætta yrði á, að rennslis-
truflanir vegna ísmyndunar
drægju óhæfilega úr heildarorku-
vinnslunni. I þriðja lagi væri far-
ið inn á þá braut að virkja nýjan
aflgjafa, þ.e.a.s. jarðgufu, sem er
algerlega óháð veðurfarsbrejting-
um og veitir dýrmæta re.vnslu á
nýtingu stórfelldrar orku, sem er
svo til ónytjuð. I fjórðalagi kæmu
til strax margir fleiri kostir
miðlunar milli orkuveitukerfa,
sem óþarft er upp að telja.
Ilér yrði m.ö.o. um að ræða
algerlega ný viðhorf í orkumálum
allra landsmanna, og eðlilegt
skref i þá átt að framkvæma hlið-
stæða stefnu á Norðurlandi vestra
og á Austfjörðum; og stefna
þannig að auknu öryggi og hag-
Lárus Jónsson. alþm.
kvæmni i orkubúskap allrar
þjóðarinnar.'1
Þá fjallaði Lárus í nokkrum
orðum um hagkvæmni í virkjun
gufuafls. Vitnaði hann m.a. f
skýrslu Orkustofnunar, þar sem
fram kemur, að kilóvattstundin
myndi kosta aðeins 39 aura, og
væri það mun hagstæðara en bezt
gerðist hjá vatnsaflsstöðvum. T.d.
væri talið, að kwst. frá Sigöldu-
virkjun mundi kosta milli 70 og
80 aura.
Nýjustu rannsóknir á virkjun
við Dettifoss sagði þingmaðurinn
að bentu til þess, að virkjun þar
væri hagstæðari en áður hefði
verið gert ráð fyrir. Rannsóknir á
virkjun þar væru og lengst
komnar af öllum rannsóknum
stórvirkjana utan Þjórsár-
svæðisins. Af þeim ástæðum, auk
annarra. væri eðlilegt að stefna
að þvf, að virkjað yrði við Detti-
foss í framhaldi af Kröfluvirkjun.
Þá fjallaði þingmaðurinn
nokkuð um orkumál á Norður-
landi í dag, sem hann sagði, að
væru f algjöru öngþveiti.
„Ástandið er þannig nú í orku-
málum Norðlendinga eftir að ný
virkjun í Laxá, 6,5 MW, var tekin
i notkun á sl. hausti, að enn þarf
að nota dieselstöðvar daglega til
orkuvinnslu. A yfirstandandi ári
er búizt við að orkuframleiðsla
með dieselafli þurfi að vera 17,7
gfgawattstundir í samanburði við
8,7 gigavattsundir á sl. ári. Búizt
er við, að enn þurfi að auka veru-
lega oliunotkun til raforku-
framleiðslu á Norðurlandi á
næsta ári, og er þá ekki miðað
við að hleypa neinu rafmagni á
háspennulínu frá Norðurlandi
eystra í kjördæmi forsætisráð-
herra, sem verður þá fullbúin, og
kostað hefur nokkra milljóna-
tugi. Af þessum sökum hefur
Laxárvirkjunarstjórn það mjögtil
athugunar að banna frekari sölu
til húsahitunar með rafmagni, á
sama tíma sem Landsvirkjun
auglýsir sérstaka og hagstæða
taxta til rafhitunar nýbygginga
utan hitaveitusvæða. Þegar það
er skoðað. að það kostar
Laxárvirkjun með núgiidandi
verði á olíu 2 kr einungis í oliu-
kaupum að frameliða eina kwst af
raforku, sem hún selur á rúmlega
eina krónu, þá verður ekki annað
séð en að það sé ne.vðarúrræði til
þess að bjarga fyrirtækinu frá
gjaldþroti að banna frekari sölu á
raforku til húsahitunar, ef ekki
koma til sérstakar aðgerðir
stjórnvalda. Það sést þó hvílík
neyðarráðstöfun slikt bann er í
raun og veru, þegar haft er i
huga, að hér er um eina kostinn
að ræða til þess að afla innlends
orkugjafa til húshitunar á
Akure.sri og þar eru 63% af orku-
sölu rafvéitunnar nú þegar seld
til húshitunar."
Loks fjallaði Lárus um þau
áhrif, sem staðarval stóriðjufyrir-
tækis þar nyðra hefði á mann-
fjöldaþróun á Norðurlandi, og
vitnaði i niðurstöður atvinnu-
málanefndar byggðarlagsins. Þar
kæmi i ljós, að staðsetning slíks
fyrirtækis á Norðurlandi gæti
haft í för með sér búsetuval um
3000 manns á Norðurlandi, en ef
því yrði hins vegar valinn staður
á Suðvesturlandi myndi það hafa
i för með sér brottflutning allt að
1000 manna að norðan. Væri þvi
augljóst, að mikið væri í húfi að
vel tækist til um framkvæmd
þessa máls, enda væri á
Norðurlandi ennþá meiri þörf
fyrir öran vöxt iðnaðar en í öðrum
landshlutum, ef takast ætti að ná
því marki, að mannfjöldaþróunin
yrði þar sem næst sambæriieg við
meðaltalsfjölgun þjóðarinnar.
Slíkt væri forsenda ýmissa félags-
legra framfara í fjórðungnum.
FELA GSSTARF
Sjálfstœðisflokksins
Kellviklngar - Suðurnesjamenn
Heimir F.U.S. í Keflavík heldur almennan fund, fimmtudaginn 6 des.
kl 20.30 í Sjálfstæðishúsinu Fundarefm 1 . Ufanríkismál
Ræðumaður Páll Axelsson. 2 Bæjarmál
Bæjarfulltrúar Sjálfstæðisflokksins munu sitja fundinn. Ungt sjálf-
stæðisfólk er sérstaklega hvatt til að mæta.
Stjórnin.
Sjáifstæðisfðlk
I Grundarflröl
Alþingismennirnir Petur Sigurðsson og Sverrir Hermannsson, ræða
um stjórnmálaviðhorfið í samkomuhúsinu, Grundarfirði kl 4.
Fundurinn verður öllum opinn. Fólk er hvatt til að mæta.
Sjálfstæðisfélag Eyrarsveitar.
Starfshúpur um hugmyndafræðl
Sjálfstæðisflokksins og
stefnumðrkun í efnahagsmálum
Föstudaginn 7. desember n.k. kl. 20:30 verður fyrsti fundur
starfshópsins haldinn í Galtafelli v/Laufásveg.
Stjórnandi verður: Dr. Þráinn Eggertsson.
Þeir sem hafa áhuga á þátttöku i starfi hópsins eru vinsamlega
beðnirað setja sig i samband skrifstofu S.U.S. sími 17100.
S.U.S.
REYKJANESXJÖRDÆMI
Viðtalstímar þingmanna Sjáltstæðisflokksins
Vatnsleysuströnd Fimmtudaginn 6. desem-
ber kl. 20 — 21.30, verður Ólafur G
Einarsson til viðtals í Valfelli, Vogum.
Grlndavfk
FÉLAGSMÁLANÁMSKEIÐ
Grlndavlk
verður haldið i Félagsheimilinu Festi laugar-
dagmn 8. des. og sunnudaginn 9. des.
Námskeiðið hefst kl. 10 laugardaginn 8. des.
Leiðbeinandi verður Guðni Jónsson. Fjallað
verður um undirbúning, gerð og flutning
ræðu, fundarstjórn, fundarreglur og fundar-
form. Öllum heimil þátttaka. Þátttaka til-
kynnist Sigurpáli Einarssyni, sími 8148.
S.U.S.
HAFNFIRÐINGAR
sem hafa fengið senda miða i Happdrætti Sjálfstæðisflokksins
vinsamlegast geri skil i skrifstofu Árna Grétars Finnssonar,
Strandgötu 25.
Sjálfstæðisfélögin i Hafnarfirði.
DALASYSLA
Arshátið Sjálfstæðisfélaganna i Dalasýslu verður haldinn að Tjarn-
arlundi, Saurbæ, föstudaginn 7. desember og hefst með veiting-
um og kaffidrykkju kl. 20:30.
1. Ávörp flytja Friðjón Þórðarson, alþingismaður og Jón Sigurðs-
son, framkvæmdastjóri.
2. Skemmtiatriði.
3. Dans
Allt Sjálfstæðisfólk velkomið. Stjórnirnar.
Kúpavogur
Kðpavogur
Sjálfstæðiskvennafélagið Edda i Kópavogi heldur jólafund 6.
desember kl. 20.30. i Sjálfstæðishúsinu, Borgarholtsbraut 6.
Dagskrá:
1. Séra Árni Pálsson flytur jólahugvekju.
2. Sýnikennsla i jólaskreytingum, sem hinn vinsæli skreytinga-
meistari Ringelberg annast.
Félagskonur mætið vel og stundvislega.
Stjórnin.