Morgunblaðið - 19.11.1974, Qupperneq 22

22
MORGUNBLAÐIÐ, ÞRIÐJUDAGUR 19. NÓVEMBER 1974
LANDSMÓTIÐ Á AKRANESIAÐAL-
UMRÆÐUEFNIÁ UMFÍ-FUNDI
FIMMTANDA landsmót Ung-
mennaféiags Islands, sem haldið
verður á Akranesi næsta sumar,
var aðalumræðuefnið á 19. sam-
bandsráðsfundi UMFt, sem hald-
inn var f Grindavík fyrir
skömmu. Kom fram á fundi þess-
um, að allt útlit er á því, að lands-
mótið á Akranesi verði mun um-
fangsmeira en landsmót hafa ver-
ið til þessa, og mun íþróttakeppn-
in standa f þrjá daga f stað
tveggja áður. Þá er einnig búizt
við, að mikið fjölmenni heimsæki
Akranes á meðan á mótinu stend-
ur, jafnvel hátt upp f það, sem var
á landsmótinu á Laugarvatni, sem
sló öll met.
A sambandsráðsfundi UMFl
eiga sæti formenn ungmennasam-
banda, stjórn UMFI, laga- og
landsmótsnefnd sambandsins, og
auk þess sátu fundinn í Grindavík
nokkrir gestir. Að sögn Sigurðar
Geirdals, framkvæmdastjóra
UMFl, var mjög vel mætt til fund-
arins að þessu sinni, og mikill
áhugi ríkjandi meðal forystu-
manna ungmennafélagsins, en
eins og öllum er kunnugt hefur
starf UMFl verið óvenjulega
blómlegt undanfarin ár.
Sigurður sagði, að undirbúningi
landsmótsins á Akranesi miðaði
nokkurn veginn eftir áætlun, en
þörf væri gífurlega mikillar að-
stöðu bæði fyrir keppendur og
áhorfendur. — Eitt stærsta verk-
efnið, sem snýr að okkur hjá
UMFl, er að koma upp keppnis-
sundlaug á Akranesi, en sem
kunnugt er, er laugin þar of lítil
fyrir UMFl-keppnina, sagði
Sigurður.
Þá sagði Sigurður, að á lands-
mótinu á Akranesi yrði lögð meiri
áherzla á hverskonar íþróttasýn-
ingar en verið hefði til þessa og
kæmi t.d. til mótsins danskur fim-
leikaflokkur og þjóðdansaflokkur
frá Noregi.
— Það er rétt, sagði Sigurður
Geirdal, að það hafa komið fram
raddir, sem telja, að landsmótin
séu að verða of umfangsmikil, og
það beri ekki að ganga miklu
lengra í að fjölga keppnisgreinum
á því en gert hefur verið. Við
erum hins vegar hinir bjartsýn-
ustu, og teljum, að við höfum ekki
vaxið með verkefnunum, ef við
ráðum ekki við að halda slíkt
landsmót sem nú er fyrirhugað.
Á fundinum í Grindavlk komu
einnig lagabreytingar til umræðu,
en milliþinganefnd hafði starfað
að könnun þessa máls, og skilaði
nú áliti sínu. Formaður þeirrar
nefndar var Hreinn Erlendsson I
Dalsmynni. Lagabreytingar þess-
ar fjalla fyrst og fremst um skipu-
lagsmál og voru þær ekki af-
greiddar á þinginu, heldur visað
aftur til nefndarinnar, þannig að
hún getur nú fjallað um þær með
tilliti til þeirra undirtekta, sem
þær fengu á þinginu, og mun síð-
an skila áliti sinu á næsta fundi.
Þá var nokkuð rætt á þinginu
um þjónustumiðstöð UMFl i
Reykjavik, og luku allir fundar-
menn lofsorði á starfsemi hennar.
Sigurður Geirdal sagði, að starf-
semi skrifstofu UMFl færi stöð-
ugt vaxandi og verkefni hennar
væru margvisleg. Mætti þar nefna
hverskonar aðstoð við ungmenna-
félögin, fyrirgreiðslu i ferðum
þeirra innanlands, sameiginleg
innkaup og fl. — Það, sem háir
okkur þó verulega, er húsnæðið,
sagði Sigurður, — en segja má, að
það sé hreinlega að springa utan
af okkur, og þarf nauðsynlega að
bæta þar úr, ef slíkt áframhald
verður á umfangi skrifstofunnar
sem verið hefur að undanförnu.
A fundinum í Grindavík flutti
Gunnar Sveinsson framsögu um
mál, sem nefnt var „Tengsl við
eldri ungmennafélaga". Er þar
um að ræða þá hugmynd, að stofn-
uð verði félög eða klúbbar, sér-
staklega á þéttbýlisstöðunum, fyr-
ir það fólk, sem þangað er flutt og
hefur lengi tekið virkan þátt í
störfum ungmennafélaganna.
Með aðseturskiptum sínum losnar
það mjög oft úr tengslum við
hreyfinguna, en það var álit
þeirra, sem tjáðu sig um mál þetta
á fundinum í Grindavík, að leggja
bæri áherzlu á að fá þetta fólk til
áframhaldandi starfa.
Á fundinum í Grindavík voru
f jórir menn heiðraðir af UMFI og
eitt svonefnt starfsmerki félags-
ins. Þeir voru: Guðmundur
Snorrason úr Ungmennafélagi
Njarðvikur, Þórhallur Guðjóns-
son úr Ungmennafélagi Keflavík-
ur, Jóhannes Haraldsson úr Ung-
mennafélagi Grindavikur og
Símon Rafnsson úr Ungmenna-
félaginu Þrótti á Vatnsleysu-
strönd.
Að lokum kvaðst Sigurður Geir-
dal vilja nota tækifærið til þess að
þakka Grindvíkingum fyrir höfö-
inglegar móttökur. — Undirbún-
ingur fundarins var með miklum
myndarbrag af þeirra hendi, og
viðtökur bæði bæjarstjórnar og
fyrirtækja í bænum með miklum
ágætum. Var tveimur fyrirtækj-
um veittur fáni UMFl í þakk-
lætisskyni, Þorbirni h.f. og Fiska-
nesi h.f.
Frá 19. sambandsráðsfundi UMFl I Grindavlk. Hatsteinn Þorvaldsson,
formaður UMFl f ræðustól. Aðrir á myndinni eru, talið frá vinstri:
Sigurður Guðmundsson, Gunnar Sveinsson, Þorsteinn Einarsson,
Guðmundur Guðmundsson oe Guðjón Ingimundarson.
Þeir hlutu starfsmerki UMFl á fundinum f Grindavfk; Frá vinstri:
Þórhallur Guðjónsson, Guðmundur Snorrason, Jóhannes Haraldsson
og Sfmon Rafnsson.
Níutíu og tvær þjóðir keppa í
undankeppni OL í knattspyrnu
Karl Maack endur-
kjörinn formaður BSÍ
ATTUNDA ársþing Badmintons-
sambands tslands var haldið 10.
nóvember s.l. Á þinginu var lögð
fram skýrsla stjórnar fyrir síð-
asta starfsár, og kemur fram í
henni, að starfsemi sambandsins
verður æ umfangsmeiri, enda
badminton fþróttagrein, sem er f
stöðugri og mikilli sókn hér-
lendis.
Eftir að skýrslan hafði verið
flutt hófust miklar umræður um
dómara — og dómaranámskeið i
badminton. Voru þingfulltrúar á
einu máli um, að vinna þyrfti að
þvi að fjölga badmintondómurum
vetur, og reglur hennar nú settar
i fastari skorður en verið hafði.
I stjórn Badmintonsambands
Islands fyrir næsta starfsár voru
eftirtaldir kjörnir:
Karl Maack, formaður, og aðrir
í stjórn: Óskar Guðmundsson,
Magnús Eliasson, Gisli Guð-
mundsson og Bragi Jakobsson.
Allir þessir menn áttu sæti í
stjórninni, nema Gísli Guðmunds-
son, sem kemur i stað Helga Bene-
diktssonar, sem nú baðst undan
endurkjöri. 1 varastjórn voru
kjörnir þeir Rafn Viggósson,
Ragnar Haraldsson og Þórhallur
Jóhannesson.
28. NÓVEMBER n.k. verður
dregið um það hvaða lið mætast i
undankeppni Olympiuleikanna
1976 i knattspyrnu. Upphaflega
átti að draga 7. nóvember s.l., en
stjórn FIFA ákvað á siðustu
stundu, i samráði við alþjóðlegu
Olympíunefndina, að fresta
drætti. Ástæðan fyrir frestuninni
var sú, að á síðasta FIFA-þingi
tóku margir nýir og óreyndir
menn sæti í áhugamannanefnd
sambandsins, og vildu þeir fá
tíma til þess að kynna sér allar
reglur og ákvæði um Olympíu-
keppnina, þannig að þeir gætu
staðið fyrir máli sinu, ef eitthvað
kæmi uppá eftir aó búið væri að
draga.
Alls hafa 92 lönd tilkynnt þátt-
töku sína í knattspyrnukeppni
Olympiuleikanna, eða fleiri en
nokkru sinni fyrr. Eru þau eftir-
talin:
AFRlKA — 24 þjóðir (20síðast)
Alsir, Cameroon, Egyptaland,
Eþíópia, Gambia, Ghana, Guinea
Liberia, Líbýa, Madagaskar,
Malavi, Mali, Máritanía,
Máritíus, Marokkö, Nígería,
Senegal, Súdan, Tanzanía, Togo,
Túnís, Efri-Volta, Zaire og
Zambía.
ASlA — 19 þjóðir (17 sfðast)
Bahrain, Bangladesh, Kína,
Indland, Indónesia, Iran, Irak,
Israel, Japan, N-Kóra, S-Kórea,
Kúvæt, Líbanon, Malasía, Fillips-
eyjar, Sádi-Arabía, Singapúr,
Tæland, S-Víetnam.
N- OG MIÐ-AMERlKA — 15
þjóðir (13 sfðast)
Barbados, Bermúda, Banda-
rikin, Dóminíkanska lýðveldið,
Guatemála, Hondúras, Jamaika,
Kanada, Kosta-Ríka, Kúba,
Mexikó, Nicaragua, E1 Salvador,
Surinam og Trinidad.
fræðingur, sem undanfarið hefur
haldið námskeið I næringarf ræði,
mun á næstunni hefja námskeið í
heilbrigðisfræði. sem sérstaklega
S-AMERlKA — 10 þjóðir (10 sfð-
ast)
Argentína, Bolivia, Brasillía,
Chile, Kolombia, Ecuador,
Paraguay, Perú, Urugúay, Vene-
zúela.
EVRÖPA — 22 (24 sfðast)
Austurríki, Belgía, Búlgaría,
Danmörk, Finnland, Frakkland,
Grikkland, Holland, Júgóslavía,
Island, Irland, Luxembúrg,
Noregur, Pólland, Rúmenia,
Spánn, Sovétríkin, Tyrkland,
Ungverjaland, A-Þýzkaland, V-
Þýzkaland.
ASTRALlA — 2 þjóðir (engin
siðast)
Ástralia, Nýja Ginea.
eru ætluð ungu fólki. Kristrún hefur,
auk þess að hafa lokið B.S. prófi I
manneldisfræði. einnig lesið til B.A.
prófs I heilbrigðisfræði við Ríkishá-
skólann I Tennessee I Bandarfkj-
Námskeið í heilbrigðisfræði
Kristrun Jóhannsdóttir manneldis-
unum.
Karl Maack.
og halda dómaranámskeið, ekki
sízt með tilliti til þess, að mjög
miklar líkur eru á því, að Norður-
landamótið í badminton verði
haldið hérlendis árið 1976.
Einnig var rætt um sveita-
keppni í badminton, sem hófst s.l.
FRAMMISTAÐAN ÞÓTTI GÓÐ
EN KOSTNAÐURINN MIKILL
Fyrir nokkru dæmdu þeir
Hannes Þ. Sigurðsson og Karl Jó-
hannsson leik f Noregi milli
norska liðsins Vestar og ung-
verska liðsins Vasas i Evrépu-
keppni kvenna í handknattleik
Það, að íslenzkir dómarar voru
settir á þennan leik, vakti nokkra
óánægju meðal Norðmanna og
ástæðan fyrst og fremst sú, að
Norðmönnum stóð stuggur af
kostnaðinum, sem var því sam-
fara. Þá var eínnig rætt um það,
að dómarar frá íslandi leyfðu allt
of harðan handknattleik og kæmi
það a-evrópsku stúlkunum eflaust
til góða.
Eftir leikinn breyttust þessi við-
horf nokkuð og þeir Karl og Hann-
es fengu mjög góða dóma fyrir
frammistöðu sina — enda ekki
við öðru að búast. Blaðið Verdens
Gang sagði meðal annars:
„islenzku dómararnir kostuðu
Vestar 5.000 krónur(110 þúsund
fsl ). Þeir voru þeirrar upphæðar
virði."
Athyglisverðust voru þó um-
mæli þau, sem „Dagblaðið" lét
frá sér fara. Þar sagði meðal
annars: „Hins vegar geta Vasas-
stúlkurnar reiknað með heima-
dómurum — nokkuð sem Vestar
fékk ekki. Liðið fékk ekkert
ókeypis hjá hinum fslenzku dóm-
urum leiksins. sem venjulega
leyfa allt of harðan handknattleik.
„Þeir blása helzt ekki f flautur
sfnar, nema við dauðsfall og þegar
mark er skorað." hafa gárungarnir
sagt um Islenzka dómara. Að
þessu leyti komu þeir Hannes Þ.
Sigurðsson og Karl Jóhannsson
skemmtilega á óvart."
Arbeiderbladet sagði um dóm-
gæzlu þeirra félaga, að hún hefði
verið góð, þeir hefðu allan tfmann
haft góða stjórn á leiknum og ekki
verið þessir „týpisku" heimadóm-
arar.
í ár fá fslenzkir handknattleiks-
dómarar tvo leiki f Evrópukeppn-
um félagsliða I handknattleik. Auk
leiks Hannesar og Karls dæma
þeir Björn Kristjánsson og Óli
Olsen leik f 2. umferð Evrópu-
keppni karla í Danmörku innan
skamms. Má heita, að þessi verk-
efni séu þau einu, sem fslenzkir
handknattleiksdómarar fá f al-
þjóðaleikjum f ár. Er þetta þó
meira en f fyrra, þvf þá dæmdu
fslenzkir handknattleiksdómarar
engan leik f Evrópumótunum. Um
nauðsyn þess, að fslenzkir dóm-
arar fái verkefni á alþjóðavett-
vangi. þarf ekki að ræða. Vonandi
aukast verkefni þeirra f leikjum
annarra liða en fslenzkra f framtfð-
inni, fyrir þvf þarf handknattleiks-
forystan að berjast.
-áij.
Sérstök áherzla verður lögð á nær-
ingarfræði, þar sem mataræði er
mikilvægasti þáttur Iffsvenja okkar,
en næringarfræði er einn þáttur heil-
brigðisf ræði.
í fréttatilkynningu um námskeið
þessi segir m.a. að það séu margir
sem ekki geri sér Ijóst að góð næring
hefur áhrif á útlitið, persónuleikann,
Ifkamlegt atgerfi og langlffi, andleg-
an og félagslegan þroska allt frá
frumbernsku; vöxt og heilbrigði ung-
viðisins, byggingu beina og tanna,
endanlega Ifkamsstærð, mótstöðuafl
gegn sjúkdómum og andlegu álagi;
Ifkamsþyngd, en hjarta- og æðasjúk-
dómar, sykursýki og margir fleiri
sjúkdómar eru langtum algengari
meðal þeirra, sem eru of þungir.
Aðeins rétt nærður einstaklingur
getur vænst bezta árangurs f námi,
leik og starfi.
Auk næringarfræði verða á nám-
skeiðinu teknir fyrir fleiri þættir heil-
brigðisfræði, en heilbrigðisfræði
fjallar um hvaða áhrif umhverfi og
lifnaðarhættir hafa á heilbrigði
manna
Námsefnið verður skýrt með
skuggamyndum. kvikmyndum o.fl.
Upplýsingar um námskeið þessi
eru gefnar f sfma 86347.