Morgunblaðið - 25.09.1975, Blaðsíða 21

MORGUNBLAÐIÐ, FIMMTUDAGUR 25. SEPTEMBER 1975
21
— Greinargerð
Framhald af bls. 17
framlög til flokksins eða til húsbyggingar hans. Allar
ákvarðanir mínar og afstaða til mála, þ.á.m. úthlutunin
til Armannsfells h.f. á umræddri byggingarlóð, eru þvi
teknar án vitundar um nokkur fjárframlög og óháð því,
hvort um slfk framlög er að ræða eða ekki.
Eftir að mál þetta komst á það stig, að því var haldið
fram, að samband væri milli þessarar úthlutunar og
framlags fyrirtækisins i húsbyggingarsjóðinn, hef ég
spurzt fyrir um það hjá húsbyggingarnefnd, hvort
Ármannsfell h.f. hefði stutt að byggingu hússins með
fjárframlögum. Mér var þá tjáð og vil, að það komi hér
fram, að Byggingarfélagið Ármannsfell h.f. gaf 1 millj.
kr. í húsbyggingarsjóð Sjálfstæðishússins í byrjun árs-
ins 1975.
Þeirri gagnrýni hefur sérstaklega verið beint að Al-
bert Guðmundssyni, sem er formaður húsbyggingar-
nefndar, að í afstöðu hans sé fólgið samband á milli
umrædds framlags og stuðnings við nefnda lóðaúthlut-
un. Albert Guðmundsson svarar sjálfsagt fyrir sig, en
ég vil líka, að það komi hér fram, að ég hef aldrei orðið
þess var I störfum hans sem borgarfulltrúa eða borgar-
ráðsmanns, að hann geri nokkurn mun á því, hvaða
stjórnmálaflokki menn tilheyra, og borgarfulltrúar allir
vita, að Albert Guðmundsson rekur erindi þeirra
borgarbúa, sem til hans leita, hvar í flokki, sem þeir
standa. Ég er því sjálfur sannfærður um, að stuðningur
Alberts við þessa lóðaúthlutun er ekki á neinn hátt
tengdur fjárframlagi Ármannsfells h.f. til hús-
byggingarsjóðs Sjálfstæðisflokksins.
Tengsl borgarstjóra
við Ármannsfell hf.
1 umræðum í blöðum hefur verið látið að því liggja, að
ég eigi fjárhagslegra hagsmuna að gæta, að þvi er
snertir Byggingarfélagið Ármannsfell h.f. og sé einn af
eigendum þess eða eiginkona mín. Hið rétta er, að
hvorki ég, eiginkona mín, né nokkur á mínum vegum á
nokkurn hlut í félaginu, og því hef ég engra fjárhags-
legra hagsmuna að gæta, þegar um er að ræða afkomu
þessa félags. Það er mér með öllu óviðkomandi.
Ég hef hins vegar engu að leyna að þvi er snertir fyrri
samskipti mín við Ármannsfell h.f. og vil láta það koma
hér fram, að ég starfaði sem lögfræðingur félagsins um
nokkurt árabil. Ég rak lögmannsskrifstofu í Reykjavík
á árunum 1963—1972, eða þar til ég tók við embætti
borgarstjóra. Sem lögmaður vann ég lögfræðistörf fyrir
ýmis fyrirtæki og einstaklinga hér í borg, og einn af
þeim aðilum, sem leitaði til mín á sínum tíma, var
Ármann heitinn Guðmundsson, byggingameistari, sem
þá rak allumfangsmikla byggingarstarfsemi í Reykja-
vík. Sem lögfræðingur annaðist ég stofnun hlutafélags
fyrir Ármann, og voru stofnendur fyrst og fremst
tengdir fjölskyldu hans. Mun þetta hafa verið á árinu
1965. Fljótlega eftir stofnun félagsins eignaðist ég
lítinn hlut i því, eða 50 þús. kr., sem nam 7!ó% af
hlutafé. Ég féllst á að taka þessi hlutabréf i stað
peninga, þegar ég framvísaði reikningi mínum fyrir
lögfræðilega þóknun vegna félagsstofnunarinnar. Hlut
þennan átti ég um nokkurra ára skeið, seldi siðan
hlutabréfin og hef frá því ég tók við embætti borgar-
stjóra ekki átt neinn hlut í þessu félagi né neinn á
mínum vegum. Starfsemi þess er því mér alveg óvið-
komandi, og ég hef engra persónulegra hagsmuna að
gæta varðandi afkomu félagsins.
Ég reikna með, að erfitt sé að finna mann til að gegna
starfi borgarstjóra, sem ekki hafi áður haft einhver
afskipti af atvinnulífi i borginni. Reyndar tel ég það
kost fyrir hvern þann mann, sem slíku embætti gegnir.
Aðalatriðið er hins vegar, að opinber starfsmaður taki
ekki þátt í ákvörðunum, sem hugsanlega eru tengdar
hans eigin hagsmunum. Þessari reglu hef ég mjög
eindregið fylgt sem borgarstjóri. Ég á ekki eignarhlut i
neinum fyrirtækjum, sem þurfa á fyrirgreiðslu eða
aðstoð borgarinnar að halda á nokkurn hátt. Ég get því
óháður öllum fjárhagslegum hagsmunum tekið afstöðu
til manna og málefna i þessari borg.
Um heiðarleika minn verða að sjálfsögðu aðrir að
dæma, en með þessari greinargerð hef ég gert fulla
grein fyrir Ármannsfellsmálinu, eins og það horfir við
frá mínum bæjardyrum. Ég tek fulla ábyrgð á þeim
ákvörðunum, sem i þvi máli hafa verið teknar, og er
reiðubúinn að mæta dlri heiðarlegri gagnrýni á þær
eins og aðrar, sem ég hef staðið að sem borgarstjóri.
— Brezka
stjórnin
Framhald af bls. 1
dollarinn fór að hækka í verði, til
að varðveita eigin gjaldmiðla.
Sterlingspundið stendur enn
mjög veikt að vígi, en örlítil bata-
merki virtust þó sýnileg og kom
það meiri ró á gjaldeyrismarkaði
en verið hefur.
Þá er augljóst að beðið er niður-
stöðu OPECfundarins í Vfnarborg
en það getur haft veruleg áhrif á
stöðu ýmissa gjaldmiðla. Styrkist
s’taða dollarans verulega á nest-
unni gæti það orðið ýmsum olfu-
innflytjendaríkjum þungt í skauti
og ekki aðeins Bandaríkjunum,
vegna þess að dollari er aðalmiðill
í olíuviðskiptum. Þegar mörkuð-
um var lokað stóð dollarinn i
2.6640 vestur þýzkum mörkum,
4.5665 frönskum frönkum og
2.7280 svissneskum frönkurn.
Gull hækkaði nokkuð í verði í dag
miðað við síðustu daga, en verð á
gulli fór lækkandi um hríð.
— Náto
Framhald af bls. 1
NATO senda út greinargjörð i
sambandi við áform hollenzku
stjórnarinnar um niðurskurð á út-
gjöldum til varnarmála um því
sem næst 43 millj. sterlings-
punda. Verður sparnaðaráætlun-
in meðal annars framkvæmd á
þann veg að taka þrettán af
fimmtán eftirlitsflugvélum á sjó
úr umferð. Ríkisstjórnin mun
einnig taka skipið, sem áður er
nefnt, úr notkun, en bæði flugvél-
arnar og skipið eru merkt banda-
Iaginu.
Samskipti Hollendinga við
NATO hafa verið nokkuð stirð
eftir að hollenzka stjórnin stakk
upp á því i fyrra að fækkað yrði í
herliði bandalagsins um tuttugu
þúsund hermenn.
Kanadísku
snj ósleðagallarnir
komnir aftur
5275
Verð aöeins
15.950.—
Póstsendum
IJTILIF
Glæsibæ — sími 30350.
— Byggðasjóður
Framhald af bls. 2
ár og slitlagið er lagt, en að eftir-
stöðvar þess greiðist síðan á fjór-
um árum. Bæði A-gjaldið og B-
gjaldið miðast við stærð fast-
eigna, sem við göturnar standa.
Fjárhæð lána Byggðasjóðs
miðast við álagt gatnagerðargjald
viðkomandi ársáfanga og má ekki
vera hærra en sem svarar 25% af
heildarkostnaði framkvæmdanna.
Hver húseigandi á síðan eins og
áður er sagt að greiða 20% gjalds-
ins á sama ári og slitlag er lagt, en
síðan verða gefin út fyrir eftir-
stöðvunum tvenns konar veð-
skuldabréf, svokölluð A-bréf, sem
skulu greiðast eins og áður sagði
með fjórum jöfnum afborgunum
með gjalddaga 1. júlí ár hvert.
Einnig kaupir Byggðasjóður af
sveitarfélögunum skuldabréf,
kölluð B-bréf, fyrir allt að sam-
svarandi fjárhæð og áðurnefnd
veðskuldabréf gjaldenda nema,
þ.e. 80% gatnagerðargjalds. Til
tryggingar hefur Byggðasjóður
skuldabréf einstakra gjaldenda
að handveði og er gert ráð fyrir að
sjóðurinn feli banka eða spari-
sjóði í viðkomandi sveitarfélagi
innheimtu þeirra. Kristinn Ziem-
sen sagði í gær, að reglur þessar
hefðu allar verið gerðar í samráði
við Samband íslenzkra sveitarfé-
laga og hefðu allir forystumenn
þess verið haföir með í ráðum.
Hann sagði jafnframt, að enn sem
komið væri, hefði Byggðasjóður
ekki greitt neitt út af láninu til
Eskfirðinga og sagðist hann ekki
búast við því að sjóðurinn sam-
þykkti aðra skilmála. „Við erum
ekki að troða þessum lánum upp á
fólk og eru sveitarfélög sjálfráð,
hvort þau taka þau eða ekki til
varanlegrar gatnagerðar.“
Um spurninguna, hvort hið
opinbera, lánastofnanir og sveit-
arfélög, gætu gert mönnum að
afhenda veð i eignum sínum fyrir
gatnagerðargjöldum — leituðum
við til Páls S. Pálssonar, for-
manns Hús- og landeigendafélags
íslands. Páll sagði, að í fyrsta lagi
fyndist sér lagasetningin um
gatnagerðargjöld, sem greidd
væru þannig eftir á og þau ekki
gerð að samningsskilyrði við gerð
lóðarsamnings, afar óeðlileg, þar
sem handhafar lóðanna hefðu alls
ekki getað látið sér detta i hug, að
þeir yrðu krafnir þessara gjalda.
Þar við bættist að ekki aðeins
íbúar við götur notuðu þær, held-
ur allir bæjarbúar og þvf væri
eðlilegast að bæjarfélagið eða
sveitarféiagið greiddi fram-
kvæmdirnar úr eigin reikning og
þar með allir gjaldendur sveitar-
féalgsins.
A hitt er að líta, að lánveitandi
getur sett skilyrði um veð fyrir
láni — ellegar er lánið ekki veitt.
Undirbúið
sláturgerðina
með ferð í
Kaupgarð!
Gróft salt 1 kg. Kr. 59 —
Rúllupylsugarn Kr. 364,—
Sláturgarn Kr. 186.—
Rugmjöl 2 kg. Kr. 228,—
Heilhveiti 2 kg. Kr. 282,—
Haframjöl 1 kg. Kr. 166 —
Rúsínur 340 gr. Kr. 212,—
Rullet plastfilma 30 m. Kr. 241 —
Heimilisplastpokar glærir 25 stk. Kr. 89 —
Álpappír Fay 18" Kr. 119 —
Djúpfrystipokar 25x35 cm. Kr. 125 —
Þvottaefni PERLA 3,2 kg. Kr. 519.— Strásgkur í 50 kg. sekkjum (kr. 180.— pr. kg.) Kr. 9.000.—
Komið við í Kaupgarði
og látið ferðina borga sig!
Kaupgarour
■ Smiöjuvegi 9 Kópavogi