Morgunblaðið - 03.02.1976, Blaðsíða 19

MORGUNBLAÐIÐ, ÞRIÐJUDAGUR 3. FEBRUAR 1976
Myndin var tekin á fundi framkvæmdastjórnar Isl, er
Jón Þorsteinsson veitti móttöku viðurkenningu þess að
hann hefði verið kjörinn heiðursfélagi ÍSÍ.
Jón Þorsteinsson
heiðursíélagi ÍSÍ
IÞRÓTTASAMBAND Islands
hefur kjörið Jón Þorsteinsson
fþróttakennara heiðursfélaga
sambandsins. Var frá þessu
greint á fundi framkvæmda-
stjórnar sambandsins s.l. mið-
vikudag, 28. janúar, en þann dag
var ÍSÍ stofnað fyrir 64 árum.
Iþróttasambandið hefur ein-
róma staðið að þessu kjöri f þakk-
lætis- og virðingarskyni fyrir frá-
bært starf og framlag Jóns Þor-
steinssonar til eflingar alhliða
íþróttastarfsemi og heilsurækt.
Jón Þorsteinsson er fæddur í
Örnólfsdal í Þverárhlíð í Mýra-
sýslu árið 1898. Hann stundaði
nám í Alþýðuskólanum á Hvitár-
bakka og síðar í Samvinnuskól-
anum. Siðan stundaði hann nám
við Iþróttaháskólann í Ollerup í
Danmörku 1922—1923 og sótti
enn fremur ýmis sérnámskeið
bæði í Danmörku, Finnlandi og
Noregi.
Aður en Jón hélt utan til náms
kenndi hann leikfimi, glímu og
sund víða á Vesturlandi og Vest-
fjörðum. En að loknu námi
erlendis kenndi hann einkum
leikfimi og glímu hjá Armanni og
einnig IR og KR. Hann fór margar
sýningarferðir innanlands og
utan með fimleika- og glimu-
flokka við mjög góðan orðstír.
Erlendir og innlendir aðilar hafa
sýnt Jóni Þorsteinssyni margvís-
legan sóma af því tilefni.
Arið 1924 stofnaði Jón eigin
iþróttaskóla í Reykjavík og hefur
rekið hann siðan. Jafnframt því
hefur hann kynnt sér æfingar til
að ráða bót á hryggskekkju og
fékk takmarkað lækningaleyfi
árið 1934 til að taka á móti sjúkl-
ingum með bakveiklun og hrygg-
skekkju.
Margvisleg rit liggja einnig
eftir Jón Þorsteinsson um íþróttir
og likamsrækt.
Af framansögðu má sjá, að Jón
Þorsteinsson á langan og giftu-
drjúgan feril að baki til eflingar
almennri iþróttastarfsemi og
heilsurækt hér á landi.
Iþróttasamband Islands metur
og virðir mikils þetta mikla fram-
lag Jóns Þorsteinssonar í þágu
lands og lýðs og er það sérstakt
ánægjuefni að útnefna hann
heiðursfélaga Iþróttasambands
tslands.
(Frétt frá ISt)
Sundknattleikur
Sundknattleiksmeistaramót
Reykjavíkur hefst i Sundhöll
Reykjavíkur 1. febrúar n.k. kl.
14.00 með leik KR og Armanns.
Aðrir leikdagar eru: 9. febrúar en
þá Ieika Ægir og Ármann, 17.
febrúar en þá leika KR og Ægir.
Leikdagar í seinni umferðinni
eru 25. febrúar, 1. marz og 9.
marz.
Skólamót
KSÍ
SKÓLAMÖT í knattspyrnu hefst
á næstunni. Þurfa þeir skólar sem
hyggja á þátttöku að senda til-
kynningar þar að lútandi til skrif-
stofu KSl fyrir 15. febrúar n.k.
19
Aðalum-
rœðuefni
sambands-
þings
STAÐA Ungmennafélagshreyf-
ingarinnar og fjármál hennar
voru aðalmálin á sambands-
ráðsfundi UMFl, sem haldið
var að Varmalandi í Borgar-
Staða HFt og íiármál
firði fyrir nokkru. — Menn
voru sammála um að UMFt-
hreyfingin hefði svo mikla sér-
stöðu að ekkert annað samband
gæti leyst hana af hólmi, sagði
Sigurður Geirdal, fram-
kvæmdastjóri UMFl, í viðtali
við Morgunblaðið, en I þvf er
aðallega fjallað um þingið að
Varmalandi.
— I UMFl-samtökunum er
fjöldi fólks, sem ekki er beint í
íþróttastarfinu, sagði Sigurður,
— og þar af leiðandi nær ung-
mennafélagshreyfingin yfir
stærra svið en ÍSÍ. Hins vegar
er það skoðun okkar og ósk aó
samstarf milli UMFl og ISl í
íþröttum geti verið sem mest og
sem bezt.
Um fjármálin sagði Sigurður
Geirdal m.a.:
— Menn voru mjög uggandi
um stöðu UMFl á þeim vett-
vangi. Síðasta ár var landsmóts-
ár hjá okkur, og vegna mótsins
lögðu öll samböndin fram mikla
og kostnaðarsama vinnu vió
undirbúninginn og standa því
mörg hver fremur illa fjárhags-
lega. Kostnaðurinn hefur
aukizt gífurlega nú á nokkrum
árum, og þá ekki sízt ferða-
kostnaðurinn, sem er verulega
stór liður í rekstri flestra sam-
bandanna. Kostnaður við rekst-
ur UMFI á árinu 1975 var um
12 milljónir króna, en stuðning-
ur hins opinbera nam 2,7
milljónum króna. Samt sem
áður náðust endar nokkurn
veginn saman, en það liggur
fyrir að alltof mikill tími fór í
fjáröflun hjá þeim mönnum
sem vinna fyrir sambandið, og
það kostaði auðvitað að aðrir
þættir starfsins urðu stundum
að sitja meira á hakanum en
æskilegt hefði verið. Þrátt fyrir
þessa erfiðu fjárhagsstöðu ætl-
um við ekki að láta deigan síga
né slaka á starfinu. Það er
erfitt að þurfa að byrja öll verk
á núlli og afla til þeirra fjár
eftirá, en það verður að ganga
meðan stjórnvöld hafa ekki
meiri skilning á þessum málum
en raun ber vitni.
Sigurður sagði, að þjóðmál
hefðu verið mikið til umræðu á
fundinum, en þau hefðu verið
rædd á breiðari grundvelli en
oft áður. Var m.a. samþykkt
tillaga um landhelgismálið,
hvatt var til áframhaldandi
öflugrar þátttöku í land-
græðslustarfi, hvatt til varð-
veizlu hvers konar sögulegra
minja og sér í lagi gamalla
húsa, og einnig' var fjallað um
það ófremdarástand sem nú
ríkir í áfengismálum þjóðarinn-
ar.
Þá var á þinginu tekin mjög
athyglisverð ákvörðun um aug-
lýsingaherferð. Er tilgangur
herferðar þessarar sú að vekja
athygli og efla islenzka fram-
leiðslu. Er ætlunin að auglýsa í
útvarpi í 232 daga samfellt
undir kjörorðinu tslandi allt.
Er kostnaður við herferð þessa
greiddur bæði af Ungmenna-
félaginu og einstökum sam-
bandsfélögum þess.
Sigurður Geirdal sagði að
skipulagsmál hreyfingarinnar
hefðu einnig komið töluvert til
umræðu á þinginu. Sagði hann,
að mikil þörf væri á að vera vel
á verði í þeim málum, þar sem
gifurleg fjölgun félaga í
ungmennafélagshreyfingunni
hefði orðið að undanförnu.
Þannig hefði t.d. fjölgað i
UMFI um 8000 manns á síðustu
6 árum. — Það fylgja þessu
auðvitað ákveðnir vaxtarverkir,
sagði Sigurður. Þessi fjölgun á
að geta leitt til framþróunar
hreyfingarinnar, en ekki verða
henni fjötur um fót.
Að lokum var svo kjörin ný
stjórn UMFI, en félagið hefur
tekið upp mjög athyglisverða
reglu við slíkt kjör, sem tryggir
að alltaf kemur til kosninga.
Hafsteinn Þorvaldsson var
endurkjörinn formaður UMFI
en aðrir í stjórn voru kjörnir:
Þóroddur Jóhannsson, Guðjón
Ingimundarson, Jón Guð-
björnsson, Ólafur Oddsson,
Björn Agústsson og' Bergur
Torfason. I varastjórn voru
kjörnir: Guðmundur Gíslason,
Arnaldur Bjarnason, Diðrik
Haraldsson og Ingólfur Stein-
dórsson. Endurskoðendur voru
kjörnir Gestur Guðmundsson
og Kjartan Bergmann.
Þá var kosin nefnd til þess að
endurskoða landsmótsreglur og
hlutu eftirtaldir kosningu: Þór-
oddur Jóhannsson, Sigurður
Geirdal, Guðjón Ingimundar-
son, Ófeigur Gestsson og Hauk-
ur Steindórsson. I skipulags-
nefnd æskulýðsviku voru kjör-
in Sveina Sveinbjörnsdóttir,
Sveinn Vilhjálmsson og Ágústa
Gfsladóttir og I sambandsdóm
voru kjörnir Pálmi Gíslason og
Gísli Halldórsson.
Að lokum látum við svo fljóta
með tvær vísur sem fram komu
á þinginu og prentaðar voru i
þinggerðina:
Kjalnesinga kappalið
kom í hóp á landsmótið,
skalf á beinum
Skarphéðinn
skelfdist allur lýðurinn.
Ekki vantar oflætið,
þeir unnu að vísu
landsmótið,
en Skarphéðinn ei
skelfdist hót
við skulum vinna
næsta mót.
Knattspyrna í Kínaveldi
Markvörður Kwantung-liðsins bjargar snarlega góðu skoti miðherja Liaoning f úrslitaleiknum f
knattspyrnu á 3. kfnversku þjóðarleikunum.
ÞAÐ ER ekki á hverjum degi
sem hingað til lands berast
fréttir af gangi knattspyrnu-
mála í Kína, og reyndar er lítið
um íþróttafréttir frá því landi í
íslenzkum fjöimiðlum. Knatt-
spyrna er þó mjög vinsæl
fþróttagrein i þessu fjölmenna
landi og áhugi var mikill á
knattspyrnunni á þriðju
Þjóðarleikunum í Kina, sem
fram fóru síðastliðið haust. Til
úrslita léku lið Liaoning frá
Norður-Kína og lið Kwantung,
sem kemur frá suðurhluta
landsins.
Lið Liaoning-manna lék fasta
knattspyrnu, þar sem leik-
gleðin sat f fyrirrúmi — ef til
vill ekki ósvipað því sem ís-
lenzkir knattspyrnumenn hafa
oft verið sagðir leika. Liðið frá
Kwantung lék á hinn bóginn
sem ein heild, en framherjar
liðsins brutust þó oftsinnis
einir i gegn, en fyrir það eru
þeir frægir í heimalandi sínu.
Urslitin urðu 1:1 eftir harðan
og skemmtilegan leik, sem
hinir 80.000 áhorfendur á
Verkamannaleikvanginum í
Peking höfðu góða skemmtun
af.
Stöðugt fleiri iðka knatt-
spyrnu í Kína, ekki aðeins í
þeim héruðum, sem liggja að
sjó, heldur einnig i fjallahéruð-
unum. Til dæmis hafa nú verið
byggðir 30 góðir knattspyrnu-
vellir í fjallahéraðinu Lhasa, en
þar búa 100.000 íbúar. Margir
leikmenn frá þessu svæði voru
valdir til að leika með liði
Tíbets á Þjóðarleikunum en
þar tóku 59 lið þátt og var leikið
f 9 riðlum í 9 borgum. 12 lið úr
eldri flokki og 6 úr yngri
komust sfðan f úrslitakeppnina,
sem fram fór i Peking.
I úrslitakeppninni þótti það
ekki fara milli mála að knatt-
spyrnan er f mikilli framför i
Kfna. Þó svo að ef til vill eigi
þarlendir knattspyrnumenn
ýmislegt ólært, þá gæti farið
svo að Kinverjar yrðu stórveldi
i knattspyrnu innan fárra ára.
Aragrúi af mjög efnilegum
leikmönnum kom fram f úr-
slitakeppninni og meðalaldur
leikmannanna í knattspyrnu-
keppni þriðju Þjóðarleikanna
var aðeins rúmlega 22 ár, eða
tveimur árum lægri en á öðrum
Þjóðarleikunum. Þessir menn
eru framtíð knattspyrnuiþrótt-
arinnar f Kína.